ميجان iii أم ستروين c4 أم أسترا أم جولف أم أودي A3 موديل 2012

**A.Adel** · 20-02-2012 10:46 PM

يا أستاذ ammar ,
أنا مش عارف إنت محير نفسك ليه , انزل مرة توكيل ده وده والمية تكدب الغطاس
أصل ممكن مثلا أنا حصل معايا حاجة وحشة في التوكيل بس غيري محصلش معاه حاجة أو العكس
هو مشوار مقرف , بس حضرتك بص إنه هيريحك بعدين :)
وأهو برده تبقى اخدت فكرة عن اسعار الصيانة و شفت بعينك طريقة التعامل

بنسبة ل citroen مش لازم تروح الفرع اللي عند البوابات ده
ممكن تروح فرع العجوزة و كده كده فرع الصحراوي ده لل صيانة التقيلة زي ال 60000 مثلا
يعني هتروحوا كل فين وفين :)

بنسبة لمنصور ,معرفش مكانه فين والله

**Dr'AhmZZong** · 20-02-2012 11:05 PM

لو عايز توكيل يبقى ميجان ..

لو عايز راحة في الركوب و تكنولوجيا تبقى سيتروين ..

لو عايز ركوبة تحفة يبقى اودي ..

لو عايز جري و ثبات جولف ..

**HASSAN SERRY** · 21-02-2012 12:54 PM

المشاركة الأصلية كتبت بواسطة Ammar

صحيح بمناسبة المقارنة بين ال c4 و الأسترا ..

لما ببص على الموديل القديم من الإتنين بحس إن الأسترا ماسكة نافسة أكتر في معظم الحالات عن ال c4 .. يعني حاسس الأسترا بتاعة بهدلة أكتر

إيه رأيكوا في النقطة ديه ؟؟

بص هيه بصراحة العربية معمرة يعنى و الحمد لله انا عامل بالعربية 95الف كم و لسه كل حاجة بفبريكتها يعنى الطنابير مثلا لسه الفابريكه , عفشة العربية مع ان طريقى اللى بمشى فيه كل يوم زبالة و كمان جنط العربية 17 فا من نحية البهدلة فا العربية تستحمل

المشاركة الأصلية كتبت بواسطة mody3on

الاسترا اكيد بتمسك نفسها شوية في اعادة البيع والماني برضه وموتور قوي.

موتور هايل اما بتمسك نفسها فى سعر إعادة البيع أظن انك تمسك نفسك اسهل لما يكون موديل 2007 سعره 150 ألف و لما تيجى تبعها تبعها ب 85 ألف بس عموما ده حال كل الاوروبى

المشاركة الأصلية كتبت بواسطة damasry

يمكن عشان مشاكل الفتيس الايزى ترونيك

مشاكل الإيزى ترونيك ّّّّ!!!!!
ده الايزى ترونيك الفتيس الوحيد اللى نازل من غير مشاكل بعكس ال DSG و ال MMT

المشاركة الأصلية كتبت بواسطة melagouze

مش عارف انا ليه حاسس ان موضوع منصور ده فيه مبالغات شويه.....ما هو يا جماعه الناس اللي معاها شيفروليه و اوبل اللي ماليين الشوارع دول اكيد مش هبل...هوه ممكن يكون وحش ......بس بحس ان الموضوع ده بزياده شويه و ألا ما كانش باع عربيه من اللانوس الجديده او الاوبترا او الكروز او افيو او اوبل.

المشكلة فى الأوبل مش فى منصور
ان العربية التكنولوجيا اللى فيها اكتر من اللى منصور يقدر عليه

المشاركة الأصلية كتبت بواسطة ahmed-adel

+1
بس فيه نقطة برده , عربية زي اللانوس أو افيو وممكن الاوبترا, سهل جدا إنك تلاقي أي حد يشتغل فيهم وممكن يكون ده سبب انتشارهم

المشاركة الأصلية كتبت بواسطة Ahmazong

لو عايز توكيل يبقى ميجان ..

لو عايز راحة في الركوب و تكنولوجيا تبقى سيتروين ..

لو عايز ركوبة تحفة يبقى اودي ..

لو عايز جري و ثبات جولف ..

مش معاك قوى أصل ال أودى فيه كل الحاجات اللى انت قلت عليها معادا التوكيل

عموما انا بعشق الأسترا الجديدة عربية مفيهاش غلطة بجد ممكن يكون ناقصها شوية كماليات بسيطة بس فى الاخر تغور لو من وش منصور
فانا لو مكانك هختار الميجان

**Ammar** · 21-02-2012 02:30 PM

المشاركة الأصلية كتبت بواسطة sonaserry

بص هيه بصراحة العربية معمرة يعنى و الحمد لله انا عامل بالعربية 95الف كم و لسه كل حاجة بفبريكتها يعنى الطنابير مثلا لسه الفابريكه , عفشة العربية مع ان طريقى اللى بمشى فيه كل يوم زبالة و كمان جنط العربية 17 فا من نحية البهدلة فا العربية تستحمل

موتور هايل اما بتمسك نفسها فى سعر إعادة البيع أظن انك تمسك نفسك اسهل لما يكون موديل 2007 سعره 150 ألف و لما تيجى تبعها تبعها ب 85 ألف بس عموما ده حال كل الاوروبى

مشاكل الإيزى ترونيك ّّّّ!!!!!
ده الايزى ترونيك الفتيس الوحيد اللى نازل من غير مشاكل بعكس ال DSG و ال MMT

المشكلة فى الأوبل مش فى منصور
ان العربية التكنولوجيا اللى فيها اكتر من اللى منصور يقدر عليه

مش معاك قوى أصل ال أودى فيه كل الحاجات اللى انت قلت عليها معادا التوكيل

عموما انا بعشق الأسترا الجديدة عربية مفيهاش غلطة بجد ممكن يكون ناقصها شوية كماليات بسيطة بس فى الاخر تغور لو من وش منصور
فانا لو مكانك هختار الميجان

إنت جبتلي من الآخر الله يبارك فيك .. انا كمان باعشق الأسترا الجديدة .. وال c4 الجديدة ..

لأن إللي إنت قلته إن منصور مش قد التكنولوجيا إللي في الأسترا .. هوه نفسه إللي في أوماترا مع جراند بونتو

بس خلاص إن شاء الله حتوكل على الله وحجيب الميجان ..

**A.Adel** · 21-02-2012 04:01 PM

المشاركة الأصلية كتبت بواسطة ammar

بس خلاص إن شاء الله حتوكل على الله وحجيب الميجان ..

اختيار ممتاز وخصوصا لو هتجيب الهاي لاين
توكيل ممتاز
قطاع غيار منتشرة عشان نفس موتور الفلوينس
شكل حلو
أوبشنز كويسة

**mohaismail** · 21-02-2012 04:27 PM

هيا اوبل استرا هاتشباك اخبارها ايه فى استهلاك البنزين ؟
اللى اعرفه ان سيتروين سى 4 موفرة جدا
وميجان متوسطة

**ayman1204** · 21-02-2012 06:11 PM

ستروين c4 طبعا
او ميجان 3

**Ammar** · 21-02-2012 06:30 PM

المشاركة الأصلية كتبت بواسطة ayman1204

ستروين c4 طبعا
او ميجان 3

اشمعنى طبعا

**Formulator** · 21-02-2012 07:20 PM

المشاركة الأصلية كتبت بواسطة damasry

والصراحة السى4 عربية حلوة كتييير بس هى مش فيه نسخة بتنزل بموتور تربو 155 حصان وفتيس اوتو 6 سرعات؟؟؟؟

+111
لو النسخة التربو 1.6 THP دخلت فـ المقارنة, يبقى الكلام اختلف خااااااااااالص..!!

المشاركة الأصلية كتبت بواسطة hakim_30

انا كنت مقىتنع جدا بالميجان بس لما شوفت ال هيونداى i30 2012 عجبتنى جدا وتقريبا هتنزل فى ٦ الجاى ممكن بردو تبص عليها والكلام عليها برة انها حاجة وهميه وبص على الريفيو دى

e Respect يا باشا,
بس احنا بنتكلم عن 5-6 عربيات أوروبى من فئة الـC-Segment Hatchback
ماينفعش ندخل هيونداى النترا من غير شنطة فـ مقارنة زى دى..؟؟!!! ولا حضرتك رأيك أيـــــــــــــه؟؟
يعنى عفشة وفتيس سيراتو وموتور النترا, وقابل بقى مفيش ثبات ولا هاندلينج وصاج فستك.. مالهاش فـ اللى احنا بنتكلم فيه خااااااااااالص.

و زى ماتقال قبل كده.. الكورى اتعمل عشان ينافس السيدان اليابانى, مش الهاتشباك الأوروبى..؟؟!!!

المشاركة الأصلية كتبت بواسطة Ammar

إيه مستوى منصور مقارنة بأوماترا ؟ عشان أقدر أقيم مدى السوء لأني اتعاملت مع أوماترا كتير

والله من أول المقارنة أنا كنت هقولك برافو T-JET تعلى عن كل دول كأداء.. وValue for Money لو Pkg6 كفاية الـESP,
بس لقيت معاك جراند..

فـ قلت يمكن الراجل عايز يغير الايطالى أصلا, مع العلم ان البرافو تربو غير الجراند خاااااااااالص كـ عربية..؟!!
ويمكن عايز يغير أوماترا نفسها..؟؟!!! هههههههههههههههههههههههه

بالنسبة لمنصور, هو مفيش كلام أنه اسوأ من أوماترا بمراحل.. (ماتنساش برضه ان أوماترا بتبيع عدد عربيات قليل أوى بالنسبة لمنصور).. فـ المقارنة ماتنفعش.
وأنا زى damasry.. ماشفتش حاجة وحشة منهم من أيام الـ156 لحد دلوقتى, بالعكس.. بيتعمل معايا الصح (بجد والله), كذا حاجة غيرتها فـ الضمان.. خصومات جامدة, وكده.

لكن ده مش مقياس, وما يمنعش انهم توكيل سىء برضه.. وأقل من مستوى العربيات زى ما اتقال.
(طبعا اتعلم عليا فـ حاجات عادى يعنى زى أى حد)..؟؟!!!

المشاركة الأصلية كتبت بواسطة Ammar

لأن إللي إنت قلته إن منصور مش قد التكنولوجيا إللي في الأسترا .. هوه نفسه إللي في أوماترا مع جراند بونتو

+1
ده أكيــــــــــــــد..
وكل ما العربيات تعلى (فـ المواتير والفتيسات) تربو وDualogic هنا, ولو أسترا تربو وفتيس 6-سرعات هنا.. هتلاقى التوكيل مش بيفهم أكثر؟؟؟!!

رأيى بقى فـ المقارنة: (هأختلف مع الناس)..

لو هتستحمل التعامل مع التوكيل.. يبقى الأسترا وشششششششششش
موتور أقوى, ثبات وهاندلينج أعلى.. وسواقة أمتع من كل الفرنساوى اللى دخل فـ المقارنة.. أنا بتكلم كـ ركوبة.

تانى: معظم توكيلات الأوروبى سيئة, كل العربيات الأوروبى قطع غيار غالية وRe-Sale سىء..!!
المهم انت عايز أيــــــــــــــه؟؟؟!!
بالتوفيق فـ الأختيار isA,