الموضوع: مشكله مجنناني ومش لاقي حل

اولا انا متشكر جدا لسرعه ردك
ثانيا الجي ام معتقدش ان فيه اي مشاكل علشان انا فصلته خالص وشغلت سماعات الابواب وحصل صوت طرقعه بردو
وانا مبطل العربيه مفيش اي حاجه ولسه مغير البطاريه من شهرين
اعتقد ممكن فعلا وصلات الكهرباءوالارضي للكاسيت
وسلوك الجي ام 6 مللي فعلا

اناغيرت فعلا كابل rca ومعاه كمان جهاز بيمنع الذبذبه وبردو نفس الصوت موجود
وعملت بردوحته السلك دي وركبتها بردو ولسه الصوت موجود
انا هتجنن خلاص

انت بتقول الكاست جديد روح بية التوكيل وريح دماغك مش لسة فى الضمان او عليك وعلى ادريان لو معرفوش الاتنين تعالالى وانا اعملك المطلوب

ان شاء الله انا عايز من حضرتك تعمل الآتى ،لحل المشكله ان شاء الله .. شغل الجى ام لوحده على السماعات و دور الموتور ..( و ان كنت لا تعرف الطريقه لتشغيل الجى ام لوحده دون الكاسيت ، فسعادتك تروح على الجى ام هتلاقى عند اطراف الباور هناك ثلاثة اسلاك واحد ارضى بالسياره و الآخر بالموجب وواصل الى البطاريه مباشره و الثالث وهو محل الموضوع متوصل بطرف مكتوب عليه الريموت ،، هتفك الطرف ده و توصله بالطرف الموجب اللى جنبه مباشره هتلاقى الجى ام اشتغل و لازم ينور اخضر مش احمر ) .. بعد ذلك دور موتور السياره لو حصل و سمعت صوت الفرقعه دى يبقى المشكله عند حضرتك فى اسلاك البوجيهات لازم تتغير و تجيب النوع الكربونى و ليس النحاسى و يكون نوع نضيف ..... وحضرتك كنت لا تسمعها فى الكاسيت الأصلى ممكن يكون لسببين اولهما ان نوعه يكون انضف بكتير من البايونيير و مصنوع بجوده عاليه و مزود بمانع ذبذبات نضيف اما البايونيير اللى انت اشتريته ممكن مايكونش فيه دائرة مانع الذبذبه دى نضيفه ... السبب الثانى ممكن يكون الكاسيت الأصلى كان توصيلته هتلاقى فيها بوكس اسود صغير على الطرف الموجب من الأسلاك خارج الكاسيت نفسه .... لو لقيتها خدها ووصلها على الطرف الموجب لدخل الكاسيت البايونيير .....



و لو السياره موديل قديم من نوع الكاربيراتير و الأبلاتين و الكلام ده ، فلازم تغير طاقم الكهرباء بالكامل و اسلاك البوجيهات ...

اما لوكانت حديثه انجكشن ، فتغير طقم اسلاك البوجيهات الى النوع الكربونى و ليس النحاسى . فقط

و لا تتعب نفسك فى التفكيير فى نوعية اسلاك التوصيل لأن تأثيرها فى هذا الموضوع ضعيف جدا مقارنه بتأثير اسلاك البوجيهات ... و لكن لابد من ان يكون اسلاك باور الجى ام على الأقل 4 مللم و ذلك لجوده الصوت من حيث شدته فقط و ليس الفرقعه اللى انت بتسمعها .. و احترامى لكل من كتب رد لك .

الكاسيت انا غيرته بواحد تاني جديد والصوت كان لسه موجود بردو مش بيروح والعربيه لانوس2010
الجي ام عامله زرار بفصله بيه وبشغل السماعات الابوابعلي الكاسيت وبسمع الصوت في سماعات الابواب \
انا انشاء الله هروح اعيد علي سلوك الكاسيت ولو لسه الصوت موجود هغير سلوك البوجيهات
ولو الصوت لسه موجود هبيع الطقم كله وهمشي اغني لنفسي