أولا الحمد لله و ألف مبروك يا أستاذ عمرو على حل مشكلتك

---------------------------------------------------
بس أنا عايز أقول كلمة حق هنا

أول ما المهندس كتب الموضوع و أشتكى ...من العيوب اللي في العربية و هو نفسه بدأ بالشكوى من التجميع المصري !!!

أنا معاكم إن في بعض المشكل من بعض المصانع
و لكن مصنع نيسان بجانب بعض المصانع الأخرى مثل البي إم دبليو و المرسيدس لا يوجد بهما مشاكل
المهم و المقصد من هذا الكلام
أن كل الأخوة الأعضاء عابوا على التجميع المصري فقط لا غير و بدون دراسة أو سماع آراء في حين أن السيارات التالية ظهرت بها عيوب و لم يعيب أحد على عيوب التجميع الياباني أو الألماني أو الأمريكاني أو أيا يكن

الياريس في 2007 سيارات كثيرة من هذه الدفعة تم تغيير اسطوانة الدبرياج في صيانة الألف الأولى و دي ياباني 100 %

الفورد فوكاس .... تجميع أوروبي و الكل بيتشكي منها و أخ زميل في المنتدى فاتج موضوع بكثرة المشاكل التي حدثت معه بها لدرجة أنه سمع أحد الملاك يقول أن هذه المشكلة موجودة في كل الموديلات و حلها إنك تستنى ساعيتن و عربيتك هاتدور تاني !!!!!! و دي عربية أمريكي و تجميع أوروبي

الهوندا سيفيك
بعض مواتيرها في أمريكا الشمالية بها عيوب صناعة خطيرة و هي أن المواتير تتشقق و تنكسر نظرا لعيب في السبيكة المصنوع منها الموتور ... ( مواتير 1800 سي سي ) ......... و دي ياباني و متجمعة في أمريكا

الرينو الميجان
أشتكى منها أصحابها مُر الشكوى في بداية نزولها و على ما أسمع أن بعض الأعضاء و بعض من مُلاكها أشتكى من وجود عيب في الفتيس و تم تغييره في أول شهرين شراء و دي صناعة فرنسي

الجين 2
في بداية نزولها كان يوجد بعض عيوب التقفيل و التي تتمثل في زجاج كهرباء يعلق أو زرار نور الصالون الداخلي يعلق
و بصراحة العربية أتهرت نقد و دي تصميم إنجليزي و صناعة ماليزي

الشيفرولية الأفيو أو الأوبترا
كانت بتنزل برضة بعيب في علبة الدرسكيون و كان بيتم تغييره في توكيل منصور .....


مقصد الكلام و ضربي لكل هذه الأمثلة هو لبيان أولا أن سيارة في العالم بتخرج بعيب من المصنع .... مش عيب لأن اللي صنعها بني آدم و ليس ملاك

و النقطة التانية
إن العربيات المشهورة أو الماركات العريقة
محدش قال عليها كلمة ..... و كأن المشاكل اللي حصلت في عربياتهم سواء ناتجة عن عيب صناعة **و دي أساسي ** أو عيب تقفيل **و ده نادر ** عادية أو الناس بتتقبل عيوبهم بصدر رحب
في حين إن أي عربية مصرية التجميع يظهر فيها مشكلة
الدنيا بتقوم و بيرمي الناس كل العيب على التجميع المصري في حين إن المشكلة ممكن تكون مش في التجميع خالص


و مرة تانية ألف مبروك يا أستاذ عمرو على التصليح و إنتهاء المشكلة و ربنا يبارك في عربية حضرتك و يديك خيرها و يمنع عنك شرها و يكفيك شر الطريق