الموضوع: استشارة فى خروج مستأجر قديم

المشاركة الأصلية كتبت بواسطة mohabzengar

العقد شريعة المتعاقدين مالك البيت الأصلي كان عارف كده من زمان و قبل يأجرة علي كده و بالستة جنية دول أكيد وصله تمن البيت علي الأقل مرتين و أكتر زمان لأن ال6 جنية زمان دول كانو زي ال 3000 جنية دلوقتي علي أقل تقدير و البيت عمرة ما كان زمان هايجيب 5 مليون ... و بعدين ماهو الساكن دلوقتي قاعد في شقة و مرتاح أية اللي يخلية يسيبهالك علشان إنت تستفيد و هو يطلع يتمرمط في الشوارع ولا يتبهدل كل سنه في الإيجار الجديد لازم علشان يطلع ياخد اللي يجيبله شقة تمليك في نفس المستوي

مقولة العقد شريعة المتعاقدين ليست على إطلاقها، فكل عقد أو شرط خالف كتاب الله تعالى فهو باطل وإن تراضى الطرفان عليه؛ فالتراضي لا يحل الحرام.
</span>
أجمع العلماء على أنه في إجارة الدور والمنازل يجب أن تكون المدة معلومة.
</span>
جاء في المغني: قال ابن المنذر: أجمع كل من نحفظ عنه من أهل العلم على أن استئجار المنازل جائز، ولا تجوز إجارتها إلا في مدة معينة معلومة.
</span>
وبهذا تعلم أنه لو حصل تراض على تأبيد الإجارة فلا عبرة به لمخالفة الشريعة، فكيف إذا كان هذا بدون رضى من المالك.

الضرورات تبيح المحظورات صحيح، ولكنه هنا مستعمل في غير موضعه. فالضرورة هي بلوغ الإنسان حدا إن لم يفعل المحظور هلك أو قارب على الهلاك أو وقع في مشقة لا يستطيع تحملها.وعند الأخذ بهذه القاعدة في هذه الحالة لا بد من مراعاة أمور أخرى منها ألا ينشأعن ذلك ضرر أعظم.
</SPAN></B>
وكون المستأجرين ليس لديهم أماكن أخرى، ومن الصعب تنقلهم، وأن قيمة الإيجار قد أصبحت مرتفعه جدا... ليس فيه ما يعد ضرورة تبيح غصب ممتلكات الغير.
</SPAN></B>
والله أعلم.</SPAN></B>

المشاركة الأصلية كتبت بواسطة mohabzengar

بص هو الصح إن المستأجر بياخد نص تمن الشقة و لكن اللي ماشي دلوقتي إن المستأجر بياخد تمن الشقة أو أقل حاجة بسيطة كأنها ملك بالظبط علشان ياخد الفلوس و يشتري شقة نفس المساحة و في نفس المستوي ولكن لو أكتر من كده دا يبقي ظلم و إستغلال للظروف و ربنا مش هيباركله في الفلوس

حلو قوى موضوع الصح ده هو صح فى قانون ايه ولا فى اى دين بالظبط وحلو موضوع لو اخد اكتر من كده ربنا مش هيباركله فى الفلوس كده كده ربنا مش هيباركله لانه مال حرام ازاى بياخد قيمة حاجة هو مدفعش ربع قيمتها كل الفتاوى بتحرم ده لما يبقى مستاجر عنده بدل الشقة عمارة ومش عايز يسيب الشقة اللى ماجرها بملاليم وبيتشرط على المالك ياخد منه نصف تمن الشقة واكتر ده يبقى اسمه ايه ده

المشاركة الأصلية كتبت بواسطة hugan

حتي لو اقرينا بان المستاجر له الحق في الشقه مدي الحياه
انا ش شايف اي مبرر ان يتم توريثها لورثته وكائنها من ممتلكاته

كلامك تمام والمشكلة الأكبر هى الشقق المغلقة يعنى ناس عندهم عمارات وشقق تانية ومبيجوش يشوفوا الشقة اللى ماجرنها غير كل سنة او اتنين ده احنا عندنا فى العمارة مستشار سايب شقته من اكتر من 15 سنة وساكن فى مدينة نصر عنده عمارة هناك ومسكن ولاده فيها ومفتكرش ان عمره لا هو ولا ولاده هيحتاجه الشقة بس الظلم والأفتراء مخليه مستخسر يسيب شقة بيدفع فيها ملاليم وفى غيره كتير ده غير مشكلة المحلات والشقق التجارية اللى بتكسب الافات الجنيهات وبتدفع جنيهات شهريا القانون الأسود اللى اسمه الأيجار القديم قانون اخر افتراء وظلم

الشيخ مبروك عطية يبين حرمة الأيجار القديم وحرمة اخذ المستاجر اموال بالباطل بغرض اخلاء الوحدة المستأجرة
&#x202b;الشيخ مبروك عطية يبين حرمة الأيجار القديم.mp4&#x202c;&lrm; - YouTube

المشاركة الأصلية كتبت بواسطة egyzizo

شكراً ليكم على مداخلاتكم ..
أنا يهمنى بالأكتر الرأى التجارى
يعنى العرف اللى ماشى
وحتى الآن كل اللى سألتهم أجمعوا على ان خروج المستأجر مقابل 400 ألف جنيه ده استغلال بشع.

فيه حد شاف حالات تخريج مستأجرين وعارف اتراضوا ازاى؟

400 الف جنيه كتير جدا جدا وهما استغلوكم لما عرفوا قيمة البيت بس الغالب واللى طبعا غلط ودى حصلت معايا بشكل شخصى بياخدوا حوالى ربع او ثلث تمن الشقة او المحل بس طبعا كل حالة مختلفة عن التانية فى اللى محتاج فلوس وبيكونوا ورثة كتير وفى اللى مش همه حاجة ويياخد فلوس كتير الأفضل انكم مكنتوش تعرفوهم انكم هتبيعوا البيت بملايين كنت ممكن تقوللهم واحد من الورثة عايز يشترى منكم الشقق عشان يسكن هو وعياله او كل واحد من الورثة يعرض عليهم مبلغ كانه بيشترى شقة ليه هو شخصيا اوحاجة زى كده فلو تمن الشقة مثلا 300 الف جنيه مياخدش اكتر من 100 الف جنيه باى حال من الأحوال