السفر بالياريس ...... تنصحوني بإيه؟

**amr mokhtar** · 02-06-2008 05:31 PM

انا طلعت بالعربية سانت كاترين فى شهر واحد و برضه من الإسكندرية و المسافة كليآ كانت 1700 كيلو على عداد العربية و الحمد لله مفيش اى مشاكل مع العلم إنها موديل 2001 و كل اللى انا أخدته معايا جركن مياه خضرة و روحت لبتاع العجل و ظبطلى العجل كله و الإستبن كمان
و فعلآ ماتسناش مياه المساحات عشان مهمة جدآ فى السفر

الحاجة التانية بلاش الطريق الساحلى .. طريق زبالة و مكسر و مليان حفر بمعنى كلمة حفر ده غير انه مش نضيف و مليان طينة
بجد إحنا ندمنا إن إحنا طلعنا عليه يتحسن تاخد طريق القاهرة الصحراوى و منه على بورسعيد و تركب العبارة و تعدى الناحية التانية او شوف لو حد هيديك وصفة أحسن من دى

محطات البنزين فى سيناء مش كتير اوى فبلاش تخاطر و تطلع على طريق طويل بنص التنك مثلآ يستحسن تملى تنك العربية كل ما تلاقى محطة بنزين كويسة

و ربنا معاك هو مشوار طويل بس بجد ممتع جدآ و المناظر الطبيعية فوق الوصف مش هتصدق إن مصر فيها كل الحتت الفاضية دى و الجميلة

و يبقى طمنا لما ترجع بالسلامة و متنساش دعاء السفر

**Sharky** · 02-06-2008 10:13 PM

ماتقلش يا احمد الياريس عربية إعتمادية فى السفر
زى ما قالك الاعضاء خد معاك جركن مياه خضراء و سيور إحتياطى فقط و كمبورسور لنفخ العجل و حاول تملى الكاوتش نيتروجين قبل ما تطلع علشان ما يتاثرش بالسفر و و تحاول تكلى بنزين كل ما تلاقى محطة علشان ما تضمنش ظروف المحطة إللى جاية إيه ماتنساش دعاء السفر

بالنسبة للصيانة ما تقلقش مش حيتكلمو على 200 أو 300 كم زيادة

إن شاء الله ترجع بالسلامة

**hazem_khidr** · 02-06-2008 10:42 PM

بسم الله ما شاء الله.. الف كيلو صد رد في يوم واحد ده رقم قياسي... الياريس ما شاء الله عربية تسد 100% بدون أدنى مشكلة إن شاءالله بس المشكلة في الصحة .. ربنا يباركلك في ركبك و ضهرك يا حازم باشا :) (مش حسد و الله).
الحقيقة أنا سمعت عن الأرقام دي بس بيعملها الناس السوواقين عندنا في الشركة و ممكن يكون جزء منها كمان في مدقات في الصحرا.
طب تخيلوا ده ممكن يكون موضوع جديد إيه أكثر مسافة سقتها مرة واحدة .. إيه رأيكو؟ بس طبعاً موضوع تاني مش هنا علشان goodwave ميدعيش علينا.

يا باشا الله يخليك و يكرمك
بس ال 1000 كيلو دول منهم 300 كيلو واحد قريبي كان معايا و عاوز يسوق و قولت مش مشكله اخليه يسوق شويه رغم اني ببقي قاعد قلقان جنب اي حد سايق.
و لما كنت في الامارات كنا بناخدها سفر من ابو ظبي لدبي و من دبي للعين يعني حوالي 600 كيلو مره واحده :)
بالنسبه للموضوع يالا افتحه و نشوف الناس حتقول فيه ايه:)