البوابه + بك السلانسيه هما المسؤلين عن ظبط سلانسيه العربيه و راجع على طرمبه البنزين لو كهرباء عندك ممكن تكوت بتقطع او عايزه تتنضف
بك السلانسيه ده عباره عن بك فى جانب الكربيراتير بيتوصل بيه كهرباء و هو المسئول عن مرور البنزين اثناء السلانسيه قصه بتاكل بنزين دى علشان الكربيراتير مش مظبوط طبعا و ده امر عادى و السخان اللى فيه لازم يتعمل علشان البنزين بييجى ساقع و السخان ده هو اللى بيخلى البنزين يعدى سخن علشان يعمل عمليه حرقه صحيحه لانه لو بارد مش يهتحرق كويس و هياخد وقت على ما يتحرق و هتلاقى العربيه بتصقف معاك
الحل دلوقتى الاسلم هات كربيراتير استيراد بلقعده بتاعته و اشترى دماغك لانك مهما صلحت فيه مش هيرجع زى الاول لان كل بتوع الكربيراتيرات اللى عندنا مبيفهموش حاجه كبيره هيفك الكربيراتير و ينضفه جوه و بره و يظبط العربيه و يقولك 100 جنيه يا باشا و هيرجع تانى زى ما كان ما انت تشترى دماغك بقا و تحيب واحد استيراد معرفش سعره كام بس هيبقى احسن من انك كل شويه هتبقى عند بتاع الريدياتير
مؤقتا دلوقتى راجع على طرمبه البنزين شوها شغاله تمام و لا لاء و بعدين غير بوجيهات و خلى الميكانيكى يفك بك السلانسيه و ينضفه و ممكن يكون مش شغال اصلا و يظبط البوابات اللى هى مسامير الهوا اللى فى الكربيراتير ولو عملت نفس القصه يبقى هتجيب كربيراتير
يارب اكون افدتك ^_^
المفضلات