دردشة في كتيب أرشادات اليارس ؟ لفقهاء التويوتا يارس

**me_medoo** · 02-03-2012 03:13 PM

المشاركة الأصلية كتبت بواسطة ahmod

ماشي والله وانا موافق جدا كمان

وماتقلقش المصور اتعلم خلاص

شوف حضرتك فاضي امتى وننزل نجرب

مش مشكلة اي يوم عادي بس المهم يكون الطريق فاضي
ويالله انا مستعد ...

**me_medoo** · 02-03-2012 03:23 PM

دلوقتي ... انا في استفسارين صغيرين كمان .

الاول بالنسبة لزرار الاوتو بتاع السواق مينفعش بدل ماهو زرار نعملوا زورارين للسواق والي جمب السواق ... منها بيفيد في الصيف انو تفتح القزاز بسرعة ومنها انو بالليل تىقي الزراير كده منورة ...

السؤال التاني الحتة البلاستيك الي راكبه فيهم الزراير ممكن تتفك وتترش فضي ميتالك زي العربيات الجديدة ولا هيا بتيجي حته وحدة في الفرش ..

لاحظو كمان هنا الاوكرة نيكل في الصورة
برضو النيكل وملمس النيكل بيديك احساس الفخامة
ياترى ممكن نركب الاكر دي للعربية ؟

**me_medoo** · 02-03-2012 03:41 PM

طبعاً بس للي معندهوش كتلوج العربية
وتأكيد على موضوع الايرباج
دي صورة بتبين الاماكن التي لايمكن فتح فيها الايرباج

وعلشان يفتح الايرباج لازم تتخبط من الجزء السفلي
او توقع في حفرة زي كدة

طبعاً دي أماكن تواجد الحساسات
بس مش كلها لينا لأن أحنا معندناش أيرباج في البيبان
معندناش غير 2 ايرباج والباقي التوكيل قال كفاية 2 ولا هو أستخسار هههههههه

تحذير طبعاً من الي بيلزقو في التابلوة أو الدريكسيون
والي مقعد حماده ابنو على حجرو بيهشتكوو .

أنشالله أكون وفيت وأنتظرو المزيد
وبرجاء تقيم الموضوع
أنشاءالله نكمل الموضوع بحيث يكون
موضوع متكامل للأجيال الي جية ...

**me_medoo** · 02-03-2012 04:05 PM

طبعاً كمان للي ميعرفش العربية مفهاش عداد حرارة
بس خلي بالك في كلمة كول لمن يطلعلك الصورة الي في الرسمة دي
معناها العربية سخنة

طبعاً متحولش تخلي الار بي ام
يوصل للمنطقة الحمرة

عداد الكيلومترات
وعداد الرحلات

لمن يطلعلك الرمز ده

بطل العربية على طول معناها ان الدنمو مش شغال
أو سير المجموعة أتقطع أووعه تمشي عليها علشان
متخشش في صببات ووش سليندر وعمرة وكده

الرمز ده مش عارف بتاع ايه

بالنسبة لفرامل اليد ميزة في اليارس
أذا مشيت عليها بطلعلك صوت أنذار
أنك ناسي فرامل اليد مرفوعة بس متمشيش عليها علشان
مايتكلش تيل الفرامل الخلفي ويسبب مشاكل كتيرة

1- فتحت التهوية يدخلك هوى من الخارج ولا الداخل والتبريد السريع خلي الهوى من الداخل .

2- عاوز الهوى يطلعلك منين .

3- مستوى التبريد ... أو مستوى الهوى السخن .

4- سرعات المروحة .

5- تشغيل الكمبوروسر بتاع المكيف ... وعلى فكرة حتى في الهوى السخن لازم تشغلو والا هيكون مجرد هوى داخل على حرارة المتور .

**Ahmod** · 02-03-2012 07:30 PM

مش مشكلة اي يوم عادي بس المهم يكون الطريق فاضي
ويالله انا مستعد ...

المحور بليل في اي يوم بعد الساعة 1 دايما بيكون فاضي ومناسب ! !

بالنسبة لفرامل اليد ميزة في اليارس
أذا مشيت عليها بطلعلك صوت أنذار
أنك ناسي فرامل اليد مرفوعة بس متمشيش عليها علشان
مايتكلش تيل الفرامل الخلفي ويسبب مشاكل كتيرة

الصفارة دي مش موجودة عندي ! !

انا عندي بس بتصفر لما ببطل العربية وبنسى النور مولع اول مافتح الباب تصفر ! لكن مافيش صفارة لفرامل الايد

**Ahmod** · 02-03-2012 11:40 PM

المشاركة الأصلية كتبت بواسطة me_medoo

اوكي تمام ... شوف اليوم الي يناسبك ياباشا ... بس المهم لا يكون فيه مطر ولا شبورة ... بس أيه بالنسبة للي هي صوروو ... هتجيب واحد من عندك وواحد من عندي ... ولا نجيب حد من المنتدى بعربيتو ويركب معاه حد ويصور ...

اما بالنسبة للصفارة دي الي بقلك عليها ... بتطلع صفارة امان ... بتنبهك اذا انتا ناسي فرامل الامان ... بس معقولة الاتوماتيك مفهاش ...

المهم عاوزين واحد متطوع يصورلنا السباق بين الاتوماتيك والمنيول ... ياشباب ...

الصفارة والله مش موجودة عندي نهائيا ! !

ومافيش مشكلة يا باشا انا ليا واحد زميلي ممكن يجي بعربيته ويصورنا او اي حد من المنتدى يجي برضوا ينورنا

يفضل اي يوم خلال الاسبوع ده لو التلات مثلا يبقى تمام

لاني على اخر الاسبوع ان شاء الله هركب للعربية Exhaust system ! ! سعتها الشدة هتبقى Unfair خالص !

عربية متغيرلها ال Vs Intake system , Exhaust system نفس العربية استوك ! ! ؟

حتى لو دي مانويل والتانية اتوماتيك هيبقى برضوا مافيش تكافؤ ! !

**me_medoo** · 02-03-2012 11:53 PM

هههههههههههه بس عاوزين نعلق يفطة على المحور ممنوع مرور اللنسر في الفترة من وحده بالليل ... ألى أثنين مساءً ههههههههههه

**Ahmod** · 03-03-2012 12:34 AM

المشاركة الأصلية كتبت بواسطة me_medoo

هههههههههههه بس عاوزين نعلق يفطة على المحور ممنوع مرور اللنسر في الفترة من وحده بالليل ... ألى أثنين مساءً ههههههههههه

هههههه اشمعنى يعني ؟ ؟

وحضرتك ساكن فين ؟ يعني الاقرب عليك المحور من نحية اكتوبر ولا من نحية ميدان لبنان ؟

-

-

الموضوع: دردشة في كتيب أرشادات اليارس ؟ لفقهاء التويوتا يارس

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الى خبراء اليارس هو الدبرياج تقيل فى كل اليارس

صور لجنوط التويوتا اليارس ss

تحذير : لملاك التويوتا يارس (بخصوص الفرامل ) ؟

أسعار قطع غيار التويوتا يارس

الي خبراء التويوتا ... وخصوصا اليارس ... برجاء المساعدة !!!!

الكلمات الدلالية لهذا الموضوع

المفضلات

المفضلات

ضوابط المشاركة