دردشة في كتيب أرشادات اليارس ؟ لفقهاء التويوتا يارس

**me_medoo** · 03-03-2012 12:41 AM

هههههههههههههه علشان ميجيش واحد بتاع لانسر يغلس علينا ياباشا ... على فكرة مش هتفرق شوف اي مكان يناسبك ...
بس على فكره السباق مش هيكون من اول المحور لأخروو ... وميهمنيش السرعات العالية ... انا بس عاوز اشوف مين بتجمع سرعة أكتر الاتوماتيك ولا المنيول ... لأن قلبي خفيف أخري 150 كيلو وكل فين وفين لمن أجبهم انا عاوز سباق على التسارع والتجميع .

**Ahmod** · 03-03-2012 01:24 AM

المشاركة الأصلية كتبت بواسطة me_medoo

هههههههههههههه علشان ميجيش واحد بتاع لانسر يغلس علينا ياباشا ... على فكرة مش هتفرق شوف اي مكان يناسبك ...
بس على فكره السباق مش هيكون من اول المحور لأخروو ... وميهمنيش السرعات العالية ... انا بس عاوز اشوف مين بتجمع سرعة أكتر الاتوماتيك ولا المنيول ... لأن قلبي خفيف أخري 150 كيلو وكل فين وفين لمن أجبهم انا عاوز سباق على التسارع والتجميع .

ليه يا كبير ولا يغلس ولا حاجة

البومة لما شديت معاها فضلت طالع منه لحد 165 حتى بدأ يطلع !

الشارك ببهدلها على اي سرعة

عموما لو انت عايز نجرب مثلا من صفر ل 150 ماشي ماعنديش مشكلة

ولو ان الافضلية في الطلعة لازم تبقى للمانويل !

**Ahmod** · 03-03-2012 01:35 AM

المشاركة الأصلية كتبت بواسطة me_medoo

ههههههههههههههههه لا بس خلي بالك ... انتا مركب أسموو ايه ده فلتر هوااا يعني 6 حصان زيادة ... وعربيتي لسه متفتحتش ... ربنا يسهل ... بس المهم نوثق السباق ... ويكون واااد محترف تصوير ... على العموم أنتا تحب نبتدي من ميدان لبنان ولا من أكتوبر ... شوف ياباشا ألي يريحك ... وكافية أني أتعرف بسعادتك ... معرفت خير إن شاء الله ...

ربنا يخليك من ذوقك

وفعلا الفلتر هيعمل فرق لازم نبقى عاملين حساب النقطة دي !

بس مش 6 حصان ! ده اخره 1 -2 حصان بالكتير مش بيوصل ل 6 حصان دي ابدا

وانا الاقرب عليا ميدان لبنان لكن لو بعيد عليك مافيش مشكلة اننا نتقابل عند هيبر

**magedtiti** · 12-03-2012 12:44 AM

السؤال التاني الحتة البلاستيك الي راكبه فيهم الزراير ممكن تتفك وتترش فضي ميتالك زي العربيات الجديدة ولا هيا بتيجي حته وحدة في الفرش ..

طبعا بتتفك فى مسمار موجود فى التجويف اللى جنب زراير الزجاج فك المسمار وبعد كده بمفك عاده صغير فكها من الجناب علاشان ركبه كبس وبعد متفكها حتلقى فيشه الكهربه بتاعت الزراير فكه بالراحه وكده تبقه اتفكت وتقدر تعمل فيها اللى انتا عيزه

**me_medoo** · 12-03-2012 03:02 AM

المشاركة الأصلية كتبت بواسطة magedtiti

السؤال التاني الحتة البلاستيك الي راكبه فيهم الزراير ممكن تتفك وتترش فضي ميتالك زي العربيات الجديدة ولا هيا بتيجي حته وحدة في الفرش ..

طبعا بتتفك فى مسمار موجود فى التجويف اللى جنب زراير الزجاج فك المسمار وبعد كده بمفك عاده صغير فكها من الجناب علاشان ركبه كبس وبعد متفكها حتلقى فيشه الكهربه بتاعت الزراير فكه بالراحه وكده تبقه اتفكت وتقدر تعمل فيها اللى انتا عيزه

حبيب قلبي يا باشا تصدق أني كنت ناسي موضوع المسمار ده ... ربنا يخليك ليا وتسلم على ردك يا غالي ...
أفك عادي أنشاء الله ومش ضروري افك فرش باب العربية ... وأخودها على أي فورن يحطلها اساسات وفلر وتترش فضي ميتالك ... تسلم ياغالي .

**Samir Elshahawy** · 14-03-2012 12:08 AM

المشاركة الأصلية كتبت بواسطة me_medoo

النقطة الاولى : يعني مثلا ً في صفحة 88 من الكتاب :

بيقولك عجلة القيادة قابلة للإمالة وضبط الطول ... قم بإمالة عجلة القيادة إلى الزاوية المرغوبة ، وادفع أو أسحب عجلة القيادة لضبط طول عمود القيادة المرغوب به .

انا جربت الكلام ده لكن منفعش معاية لقيت ان الدريكسيون مبيتقربش للصدر او يتبعد عن الصدر نهائي لكن لقيت فقط بيتعلى ويتوطى ... فهل الدريكسيون بتاع اليارس اربع حركات ام حركتين فقط ... يعني بيطلع وينزل فقط ولا كمان ممكن يخش لجوى ويطلع لبرة زي العربيات الفخمة . ولا الكلام ده مش لينا للعربيات الخليجي فقط .

دريكسيون الياريس حركتين فقط حتي في أعلي فئة منها سواء في مصر أو الخليجي
اما أنه يكون تليسكوبيك فده ممكن يكون في ال 1500 سي سي الهاي لاين اللي بتنزل بره مصر في أوروبا أو أمريكا

**me_medoo** · 14-03-2012 12:25 AM

المشاركة الأصلية كتبت بواسطة se_coralsea

دريكسيون الياريس حركتين فقط حتي في أعلي فئة منها سواء في مصر أو الخليجي
اما أنه يكون تليسكوبيك فده ممكن يكون في ال 1500 سي سي الهاي لاين اللي بتنزل بره مصر في أوروبا أو أمريكا

اها علشان كده ذكرينها في الكتيب ... ومش موجوده في الحقيقة ... ياحرام وانا الي ظلمت التوكيل وقعدت أشتم فيهم أشتم فيه وأقول ولاد .......... شايلين كل حاجة حلوة منها حتى منزلينا 2 ايرباج مش 6 ايرباج زي عربيات بره .
ههههههههه شكراً على المعلومة ياباشا .

-

-

الموضوع: دردشة في كتيب أرشادات اليارس ؟ لفقهاء التويوتا يارس

LinkBack

أدوات الموضوع

عرض

-

-

-

-

-

-

المواضيع المتشابهه

الى خبراء اليارس هو الدبرياج تقيل فى كل اليارس

صور لجنوط التويوتا اليارس ss

تحذير : لملاك التويوتا يارس (بخصوص الفرامل ) ؟

أسعار قطع غيار التويوتا يارس

الي خبراء التويوتا ... وخصوصا اليارس ... برجاء المساعدة !!!!

الكلمات الدلالية لهذا الموضوع

المفضلات

المفضلات

ضوابط المشاركة