مش عارف اعمل ايه في الخبطات دي

**ahmedya1976** · 01-03-2012 11:09 PM

المشاركة الأصلية كتبت بواسطة zangry

لا طبعا لازم تترش .. بس لو حضرتك مأمن عليها لو مش مأمن يبقى وديها لسمكرى شاطر يبظطهالك زى ماقال الاستاذ زونج كده

انا مش مأمن والمشكله في النتيجه اللي ممكن تحصل لو السمكري مش عرف يضبطها صح

**LACOSTE** · 01-03-2012 11:26 PM

لو سمكري شاطر هيدق عليها دقتين و هتظبط
مش مستاهله ولا سخن ولا بارد
دي تتعدل يدوي !!!

**zangry** · 01-03-2012 11:44 PM

المشاركة الأصلية كتبت بواسطة ahmedya1976

انا مش مأمن والمشكله في النتيجه اللي ممكن تحصل لو السمكري مش عرف يضبطها صح

لو تقدر تروح المنصورة يبقى افضل حاجة .. انا اسمع ان السمكرية هناك شياطين

**screamseko** · 01-03-2012 11:58 PM

سيبها تاخد العين

**Youssef.Awad** · 01-03-2012 11:59 PM

الصورة مش باينة .. برجاء اعادة رفعها

المشاركة الأصلية كتبت بواسطة Ahmazong

بص ما أنت تختار بين حلين مالهمش تالت :

1 . تعمله على البارد و تستحمل شكله

2 . تعمله على السخن و هاضطر ترشه كله

أنا مش بعقدك بس ديه الحقيقة ..

**Omar_4ever** · 02-03-2012 12:58 AM

نصيحتي اعمله مؤقتا عالبارد
لأنك لو عملته عالسخن هتضطر ترش الكبوت كله ودي حاجة مش حلوة لأنك لو جيت تبيع العربية وقلت انك راشش كبوت هيفتكروا العربية كانت عاملة حادثة كبيرة من قدام

**Amrgamal1** · 02-03-2012 12:59 AM

انا مش واخد بالي العربيه نوعها ايه
بس ممكن لو عربيه حاجتها مش غاليه يبقي تشتري كبوت جديد بنفس اللون ولا ترش ولا تعمل حاجه
مع اني مش شايفها مستهله كل دا

**me_medoo** · 02-03-2012 01:32 AM

ياباشا ... صلي على رسول الله .
أولاً : الحمدالله جت سليمة ... وقضى أخف من قضى ... ثانياً بص حضرتك بالنسبة للخبطة بتاعت الكبوت لو مديقاك أعملها على البارد ورش على القد والحمدالله هيا جت على الاطراف وعلى فكرة الكبوت مبيعبش العربية ... وانا واحد من الناس مببصش على الكبوت خالص ... لأنو ممكن يكون سليم ميه ميه والزونب بتاعتو موجوده والفلتو بس تكون العربية مدعوكة قبل كده وصاحبها جاب كبوت استيراد نفس اللون وركبو ... فالزبون الي بيبص على الكبوت او على الاكصدمات ده زبون بيتلكك ومش عاوز يشتري ... لكن عن تجربة في البلد دي كل شيء بيتباع فيها وبسعر غالي كمان حتى عدم المؤخزة الزبالة او الروبابكية ... بتتباع ... حتى فضلات المواشي بتتباع (عدم المؤخذة ) فكل شيء بيتباع متزعلش نفسك نهائي ... أنتا أهم حاجة حافظ على العربية نضيفة وحافظ عليها ... ومتقلش يالله اهي مخبوطة خليني اكمل عليها ...

لكن ناصيحتي أعمل خبطت الباب ضروري علشان البارومة متسرحش ... وبما ان عربيتك جديدة فتقدر تجيب لونها بسهولة ، الصعوبة بتبقى ... في عربية لونها الشمس غيرتو ... ومتزعلش نفسك ... ولا تحرق في دمك (مع انها حاجة تحرق الدم ) بس صحتك بالدنيا .

وبعد كده لاتنسى تقرء قبل ماتركب العربية قل أعوز برب الفلق 3 مرات وأية الكرسي ... منها تحميك وتكفيك شر الطريق ومنها ثواب وحسنات . وربنا يستر طريقك وطريق كل الناس يارب ... وتحياتي .