الموضوع: أبيـــع ولا لأ يا رجـــاله ؟؟ vectra.b

سلام عليكم يا رجاله الاوبل ازيكو وعاملين ايه وكدا

عايز اخد رأيكو ابيع عربيتي ولا لأ بعد كل اللي اتعمل فيها
العربيه في 3 شهور من ساعه ما جيبتها غيرت الآتي :
1- 2 طنابير امامي جديده + 4 تيل جديد
2- اكصدام امامي
3- فوانيس جديده
4- بطاريه جافه جديده
5- فردتين كاوتش جداد + ال 2 التانين جايين فيها جديد بردو
6- حاجات في العفشه بردو جايبها جديد والعفشه كلها تمام علي يد واحد بعتني ليه( محمد طناني باشا) الله يباركله
7- مجموعه التبريد كلها استيراد بحاله الزيرو
8- زجاج امامي جديد
9- قواعد موتور كلها جديده بشداد الموتور
10- فتيس اوتوماتيك استيراد 5 سرعات لسه راكب ماجربتهوش حتي
11- شجرة التكييف كامله جايبها استيراد والتكييف بقي شغال تلاجه
........
دا اللي فاكرة دلوقتي غير اني كمان لما جيبت العربيه كان متسقط فيها موتور استيراد وانا اللي ثابته ع الرخصه بنفسي
وحالته فوق ال 95 % الله اما لا حسد

دلوقتي انا مشكلتي في الحياه انا حاجات كتير من اللي انا مغيرهم دول غيرتهم غصب عني
وكله جاي ورا بعضه كدا كل دا اتعمل في 3 شهور بس.. يادوب امشي بالعربيه كام يوم الاقي حاجه باظط و اغيرها.
مش عارف بقي كدا العربيه وشها وحش عليا فـ مش عارف استمتع بيها ولا في ايه بالظبط ؟؟؟
انا بفكر دلوقتي ابيع العربيه ومش عشان اللي صرفته عليها دا كله بس خايف تكون فعلا العربيه وشها وحش عليا والاقي بعد كدا ظهرلي مشاكل تانيه غير كل دا
وفي نفس الوقت مافيش عربيه فيها كل دا جديد كدا وبالحاله دي والمفروض اللي صرفته دا استمتع بيه بقي
وبغض النظر كمان عن اللي عملته فيها العربيه لونها سماوي ميتاليك وفيها فتحه سقف sunroof سودا وجنوط سبور والعربيه بجد شكلها تحفه
هتشوفوها يوم الجمعه ان شاء الله لما نتقابل دا لو اتجرأت وجيت بيها عشان بقيت اخاف اسوقها حتي لا يحصل حاجه
بس بابا النهارده الحمدلله طلعلها مبلغ في الجامع لله
معلش طولت عليكم يا رجاله بس مش عارف اعمل ايه !!!!!!!؟؟؟؟
من الاخر ... ابيعها ولا حرام ؟؟؟ عايز نصايحكوا ..
وشكرا جزيلا

انا رايى ان قطع غيار الاوبل معمرة ان شاء الله فكل اللى انت ركبته ان شاء الله تستمتع بيه ولو حصل حاجة تانى ودا وارد و ربنا يستر هايكون بسيط ان شاء الله بعد كل اللى انت غيرته