الموضوع: رينو فلونس او هيونداي النترا

المشاركة الأصلية كتبت بواسطة invensys2011

شكرا يا باشا على الرد
ممكن تقولي الميجان ماشية قد ايه و ايه المشاكل اللي قبلتك؟
واخبار قطع الغيار و الميكانيكا برة التوكيل
و شكرا جزيلا

العربية لحد أول 2010 كانت ماشية حوالى 112 ألف كيلو

قابلتنى مشاكل مش هقولك مقابلتنيش...........بس لو جيت خيرتنى دلوقتى بينها بمشاكلها و بين عربية تانية زى الألنترا برضه هختار الميجان.

المشاكل اللى فاكرها

1- كويلات ( دى زى البوبينة بس فيه منها 4 واحد على كل بوجيه ) 3 أتصلحو على الضمان....2 و أنا فى الضمان و واحد بعد ما طلعت من الضمان و برضه أتصلح على الضمان.
2- ترس الديفازر و ده أتصلح على الضمان رغم أنى كنت طلعت من الضمان.
3- حساس الأوكسجين تقريباً و ده أتصلح على حسابى.

ده اللى أنا فاكره....

و بالنسبة لقطع الغيار....هقولك على الكويلات كمثال
موجودة برة التوكيل من 90 لحد 300 أو 250 للواحد و فى التوكيل 450 أو 500 للواحد.
التيل الأمامى...........فى التوكيل لحد 2010 كان فى حدود 450 و برة التوكيل رمسا أسبانى فى حدود 125 أو 150.

هتلاقى موضوع مثبت فى رينو عن أسعار قطع غيار الميجان فى التوكيل و واحد تانى عن الأسعار برة التوكيل الأتنين تحت موضوع أسمه " كل ما تريد معرفته عن ميجان ii "

و ربنا يوفقك فى الأختيار الأنسب ليك.