اقتباس المشاركة الأصلية كتبت بواسطة hosam_optrawy مشاهدة المشاركة
ياكبير ولا خبير فنى ولا حاجه ده بس من ذوقك

انا اول واحد رديت فى الموضوع لو تاخد بالك , بس فى اراء كتير اتقالت من ناس معاها العربيه وناس مجرد جربت العربيه وناس جربت تشد معاها مركبتهاش اصلا , هارد على مين ولا مين :)

وكمان انا شهادتى مجروحه لسببين اولا العربيه معايا ثانيا انا كنت من اشد المدافعين والمحبين للعربيه من قبل ما اركبها اصلا هههههههه

عموما العربيه معايا من 9 شهور هاقول رأيى فيها

اولا هى معايا فى قطر مش فى مصر , هاى لاين 2010 جنط 17 فتيس 4 سرعات , باور كهربا مش زيت

طبعا الطرق مختلفه واسلوب السواقه نفسه مختلف عن مصر

الموتور استجابته ممتازه بس مش قادر احكم عليه بدقه او اقارنه بموتور تانى لانى مجربتش اصور التسارع بتاعه من 0 - 100 فى اد ايه ( الرادارات ماليه الشوارع بتلقط بعد 80 ) , وبرضه مجربتش اشد مع حد لان نادرا لما تلاقى حد بيشد , ولو لقيت هاتلاقيه يا مازيراتى يا لامبورجينى حاجات كدا مالناش دعوه بيها :)

صوته بيعلى مع القرص واستهلاكه للبنزين بيعلى ودا طبيعى , اعتقد دا الحاجه الوحيده اللى ممكن تبقى عيب فى العربيه

الثبات برضه ممتاز مع انى مابجريش كتير عشان الرادارات زى ماقولت لكن فى حته معينه مفيهاش رادار حوالى 1 كم بوصل فيها ل 160 كل يوم وباتحكم فى العربيه عادى جدا , ولو الطريق طويل شويه هاوصل 180 مفيش مشكله بس فى خلال ال 1 كم باوصل 160 واضطر اهدى عشان داخل طريق تانى

الفرامل ممتازه مخذلتنيش فى اى موقف , لسه من كام يوم كنت هالبس فى واحده راكبه نيسان جوك , الطريق حاره واحده رايح جاى وهى فى الاتجاه اللى فى وشى ودى فجأه خدت قرار تعمل يو ترن , فجأه لقيتها قدامى بعرض الطريق , فرملت ولحقت الحمد لله

غير كدا بشكل عام لما بابقى ماشى سرعه عاليه وعايز افرمل الفرامل استجابتها ممتازه وبتهدى السرعه على طول بدون حدف ولا غيره

العفشه والجنط ال 17 :) طبعا دا لوحده اتعمل عليه 230 موضوع قبل كدا , انا شخصيا مستمتع بال 17 رغم انه منشف العفشه بس مش للدرجه اللى تضايق , لكن مدى ثبات وتقل عاجبنى , مع الباور الكهربا بقى اوعى وشك :)

وضع الكرسى والرؤيه كويسه

التكييف ممتاز وطبعا حر الخليج غنى عن التعريف :) بس لو العربيه مركونه فتره طويله فى الشمس طبعا بياخد وقت على ما يسقع

الكماليات صباح الدلع مع انى معنديش ولا مرايات ضم ولا كاميرا ولا فرش جلد

السى دى والسماعات صوتهم نقى

مساحة العربيه والشنطه كويسه

مش فاكر حاجه تانى دلوقتى ... لو افتكرت حاجه تانى هاقول او انت اسألنى انا تحت امرك ياكبيرنا
باور ايه ياباشا اللى كهربا اكيد غلطة مطبعية ولا انتا قصدك انك تتمنى انها لو كهربا ؟

بصراحة انا شايف الباور الكهربا ده اختراع فاشل ف الفئات بتعتنا دى الشعبية علشان مجربتتوش ف حاجات كبيرة بصراحة

الباور الهيدروليك ميزته انك بتحس بالكاوتش على الاسفلت وف الملفات بتحس انك قايس العربية ودرجة الميل
الكهربا ده بحسه ملوش دعوة باى حاجة يعنى سهل جدا العربية تعوم بدون قصد منك