اقتباس المشاركة الأصلية كتبت بواسطة SE_coralsea مشاهدة المشاركة
الاخ الكريم صاحب الموضوع ..

ربنا يبارك لك في عربيتك و يزيدك كمان و كمان و يحفظك من شر الطريق و شر العربية
عمر تقييم العربية مابيكون بالسرعة أو قوة الموتور و درجة الثبات فقط
تقييم السيارات له أسس موضوعية و علمية و فيه متخصصة في الموضوع ده لكن أنت معجب بعربيتك فده حقك لأنك أكيد أشتريتها عن أقتناع و عن بحث و دراسة , المهم تكون مقتنع بيها و تكون هيا مريحاك و بتقضي كل أحتياجاتك هو ده الغرض من العربية

الأخوة الكرام ..
لايجب أن يتحول النقد لموضوع أو لسيارة ما الي تجريح و سخرية من صاحب الموضوع أو مالك السيارة لأن لا أحد فينا يمتلك السيارة الكاملة و لا هو نفسه خالي من العيوب و عموما اي سيارة النهاردة ممكن تجيب ال 200 كم/ساعة بس المهم أن اللي سايق يعرف يسيطر عليها و يتحكم فيها

ياجماعة موضوع السرعات و الشد و العربية دي احسن من العربية دي خلاص بقي موضوة قديمة لأن لازم كلنا نعرف أن شركات السيارات في العالم كله بتتبع نفس التكنولوجيا و نفس طرق الانتاج و تقريبا نفس التصميمات في الشكل و مش بس كده ده الوكلاء في مصر لكل الماركات بيضحكوا علينا بعربيات منزوع منها العربيات و أحنا بنشتريها منهم بالغلا و الكوي

سيقي نعيب علي بعض ليه و نسخر من بعض .... ما كلنا في الهوا سوي
و زي ما أخونا شنوري قال عربيته بتجيب ال 140 كم/ساعة أحب أقولكم أن لو السمارة و الاكسنت rp أو حتي المرسيدس طلعوا مع بعض من أسكندرية و مهما كانت الفروق في السرعات فأحب أبشركم أن الثلاثة هايوصلوا مع بعض عند بوابة القاهرة أو بفرق زمني بسيط لن يتعدي ال 15 دقيقة لأن طرقنا و أسلوب قيادتنا فيها لن تسمح بالسرعات الفائقة

ياريت نخلي بالنا و بلاش السرعات الزائدة دي علشان ربنا يسترها معانا كلنا
شايفين الكلااااااااااام
والله هو ده الكلام ولا بلاش الله ينور عليك