الموضوع: الياريس اتخبطت ! الحمد لله

المشاركة الأصلية كتبت بواسطة moustafa_kamel

قدر الله و ما شاء فعل
ربنا يعوض عليك و الخبطه تكون فدت حاجه تانيه كانت ممكن تحصل

الحمد لله على كل شئ وجت بسيطة

المشاركة الأصلية كتبت بواسطة hm414

حمد لله عالسلامه ياباشا والحمد لله جت على قد كده بسس للعلم بالشئ الخطأ مشترك
هو غلطه تغيير المسار من غير النظر للمرآه وممكن بكون بص بس انت كنت قريب فمظهرتش فمرايته


أيا كان بس اكيد انت كمان غلطان لان انت اللي خابط من ورا ودي مفيهاش هزار وانت جاي من السعودية وعارف ان اللي خابط من ورا بيعتبر غلطان 100% بغض النظر عن ايه سبب الحادث وهيقولولك انت مسبتش مسافة امان ومش عارف ايه

فالموضوع مشترك والحممد لله انها جت عقد كده وكويس انه كان ماشي بالراحه لانه لو كان مسرع كانت الماروتي ممكن تتقلب لانك خبطتها بزاويه


ربنا يعوض عليك ويكفيك شر طريقك


سلامي

الله يسلم حضرتك بس اللى خابط من ورا بيبقى فعلا هو اللى غلطان

بس الكلام ده لو هو في نفس حارتي ووقف فجاءة ! سعتها انا غلطان لو خبطه

لكنه كان في الحارة الوسطى وانا في اقصى الشمال وانتقل من حارته لحارتي

والخبطة عندي في الاكصدام من جهة اليمين وهو كذلك الاكصدام الخلفي من جهة الشمال

ده معناها ان نص عربيته كانت في الحارة بتاعتي !

وفعلا الحمد لله انها جت بسيطة انا فعلا حسيت ان الماروتي اكنها اتنطرت اول ماخبطتها بعكس اني من صوت الخبطة قلت هنزل مش هلاقي عندي اي تلفيات ! بس للاسف الياريس اكصدامها ضعيف جدا !

لكن الحمد لله على كل شئ

المشاركة الأصلية كتبت بواسطة sehsss

قدر الله وما شاء فعل، الحمد لله انها جت في الحديد

الحمد لله

المشاركة الأصلية كتبت بواسطة elawany13

استاذ أحمد ... حمد الله على سلامتك ... قدر الله وماشاء فعل
الراجل فعلاً غلطان بس انت عليك نسبة من الخطأ لإنك مسرع ...من مواضيعك اللى شوفتها ومن مشاركاتك واضح انك من عشاق الجرى والحرق والغرز .... خد بالك من نفسك واهدى شوية علشان نفسك وعلشان عربيتك وعلشان الغير

والله هو زي ماحضرتك قلت انا فعلا عليا جزء من الخطأ وانا بعترف بس انا ماكنتش ماشي بسرعة عالية

انا كانت سرعتي تقريبا لا تتجاوز 80 !

المشكلة انه رمى فجاءة + انه كان ماشي براحة جدا جدا تقريبا اقل من 20 ! بالتالي انا كان لازم عليا اني اتوقف تماما عشان ماخبطش فيه وده ماحصلش

انا الفرامل تقريبا نزلتني لسرعة 30-40 ! وحسيت اني خلاص مش هخبط بس نظرا لانه كان شبه متقوف خبط فيه

الى غير تغيير الحارة المفاجاة بيخليك حتى ولو انت ماشي براحة ممكن ماتلحقش توقف عربيتك