الموضوع: من كان يعبد محمدا فإن محمد قد مات

اعمل مقارنة في مواقف القنوات الفضائية و الشرطة بين وفاة الشيخ فـرحـات المـنـجـي و بين وفاة البابا و انت تفهم قصد صاحب الموضوع

المشاركة الأصلية كتبت بواسطة yousef1978

السلام عليكم جميعا


الصراحة ظللت أملك يدي عن الكتابة في هذا الموضوع حتى لا يتضايق البعض وربما يصل إلى طلب غلق الموضوع وهذه إهانة لا أتمناها

ولكن بعد أن تابعت أحداث وفاة البابا شنودة ( عزائي الشديد لكل أحباؤه من المسيحيين ) فلم أتحمل أن أمضي دون أن أكتب..............

وتحياتي للجميع

السلام عليكم و رحمة الله و بركاته

مؤيد شديد للغاية.

بصراحة الموضوع سيء جدا وليس له أى داع الا اثارة الفتنة وارجو ان صاحب الموضوع ميزعلش من الكلام اللى هقوله. طبعا الانبا شنوده له متبعيه ومريديه والحزانى عليه من اتباع ملته ولو انت زعلان من اللى بيحصل معاه لمدة كام يوم روح شوف مولد السيد البدوى فى طنطا بيحصل فيه ايه وطنطا كانت لعشرات السنين بتتقفل وقت المولد اجلالا واحتفالا بمولد شخص عادى الله اعلم مين هوا وكانت مزار لمدن الوجه البحرى كلها مش طنطا بس وقت المولد . اقولك كمان شوف الصوفيين بيعملوا ايه وبيقدسوا مقابر وبيعملوا موالد وبيعملوا عمايل قد يقال عن بعضها مخالفة صريحة للدين وليعاذ بالله. أقولك كمان شوف الشيعة فى ايران والعراق بيهببوا ايه فى ذكرى وفاة الحسين رضى الله عنه.
كمان انت بتتهم الانبا شنودة بالفتنة علشان وفاء قسطنطين وكاميليا طيب يا أخى حط نفسك مكانه و جه واحد من المسيحيين خد واحدة مسلمة اتجوزها وخلاها تتنصر هتعمل ايه ؟؟؟!!! هتقول هى حرة ولا هتبقى مرتدة ويطبق عليها الحد ؟ ومتقولش ان المسيحية تسلم عادى انما المسلمة لا تتنصر ده من وجهة نظرنا كمسلمين بناءا على تعاليم ديننا اللى هما اصلا لا يؤمنون به.
الإعلام بالغ مبالغة غير عادية فى الاهتمام بوفاة الانبا شنودة وهذا الاهتمام لا يصدر الا فى دولة الفاتيكان الكاثوليكية اللى البابا هناك يعتبر البابا لكل كاثوليك العالم عكس الانبا شنودة اللى هوا بابا الأرثوذكس المصريين فقط وفى دولة مسلمة وده طبعا غباء وتخلف وجهل دينى وسياسى ومصيبة مهنية ولكن كل هذا ليس له داع بالانبا شنودة ولا بالمسيحيين ده مبالغة من الاعلاميين فى الاخذ بخاطر المسيحيين وتطمينهم نظرا لأن فعلا المسيحيين فى حالة اضطراب وقلق بل وهلع كبير جدا بعد موت الانيا شنودة وطبعا هما مرعوبين ان بابا جديد يكون تصادمى ومع التحول الاسلامى لمصر والفزع من السلفيين يحدث تصادم بين الاقباط والمسلمين وتجرى انهار دم أو ان ييجى بابا جديد يسلمهم تسليم أهالى للحكومة الاسلامية الجديدة ان شاء الله وبالتالى تضيع حقوقهم ومتطلباتهم ويصبحوا مواطنين من الدرجة الثانية.
الاعلام بيعجن عجينة الفلاحة و باللى بيعمله للاسف بيزود خوف المسيحيين لانه بيحسسهم فعلا انهم فقدوا رجل حكيم كان يرعاهم ومش هييجى زيه وانهم هيشوفوا ايام سودة وكل ده طبعا ليس نفاقا زى ما انت قولت ولكن تأليبا و اخافة لهم واثارة لفزاعة الاسلامين وعمل حشد ضد الاسلاميين وخصوصا ومصر قد تكون مقبلة على اول رئيس اسلامى من ابنائها فى تاريخها ومقبلة ايضا على تطبيق محتمل جدا للشريعة والحدود وهؤلاء الاعلاميون الفاسدون يحشدون كل القوى الغير اسلامية ضد هذا التوجه الدينى المصرى.
ومش من مصلحة البلد احداث فتنة حاليا يريدها اعداؤنا للنيل منا او اخافة فصيل من ابناء الوطن وترهيبه. وبالتالى ياريت نبطل مهاجمة المسيحيين ورموزهم حتى لا نثير الكراهية ونزيدها فى وقت نحن احوج مانكون فيه للم الشمل ورأب الصدع لاعادة سريعة للاستقرار والبدء فى العمل للتنمية والانطلاق.

يا جماعة ملناش دعوة
ما هو ده طبيعي لأختلاف العقيدة
في الديانة المسيحية الموضوع مختلف و هما عندهم تقديس للأفراد (أنا مش فاهم مبدءه )

و لكن العقيدة مختلفة و أحنا عندنا التقديس لله عز و جل فقط .

فلو سمحتوا ........ شايف أن أنتقادهم على الملاء ملوش لزمة و فيه اثارة للفتنة أو الزعل .
لازم نكون أكثر حكمة في عرض الآراء و الأنتقاد له طرق كثيرة .

ربنا يهدينا جميعا مسلمين أو مسيحين فكلنا عباد الله و أولياءه على الأرض حتى نعود إليه مرة أخرى ليحكم فيما بيننا

انا مش فاهم لية صاحب الموضوع خلط الدين الاسلامى على المسيحى على السياسة على الاعلام
وبعدين المسيحين احرار لهم شئونهم لا يحق ليك التدخل فيها و خاصة دينهم المسيحى وكمان دة اية علاقتة بالدبن الاسلامى وو فاة سيدنا محمد علية افضل الصلاة و السلام

الناس اللى مش عارفه البابا عمل ايه وهل كان سبب للفتن ولا لاءة
قذائف الحق - المكتبة الوقفية للكتب المصورة PDF

أقرأو كتاب فضيلة الشيخ محمد الغزالي الباب الثالث ماذا يريدون - صفحة رقم 70
- الكتاب ممنوع من النشر - في جزء بيتكلم عن خطاب للبابا سنة 73 - وممكن يوضح لنا البابا اتعزل قبل كدة ليه
واللى مش عاجبة كلام فضيلة الامام محمد الغزالي رحمه الله عليه ،
ممكن نجيب له تسجيلات صوتيه للشيخ كشك رحمه الله فى نفس الموضوع - وكلامي للمسلمين قبل المسيحيين.

وشخصياً بفرق بين المسيحية الحق والكتاب المقدس والبابا او اى اشخاص تانية
مفيش حد فى البشر دلوقتي معصوم ، وأخطاء البابا او غيره من المسحيين لا يجب أن يتم تحميلها علي المسيحية الحق نفسها.