صوت تسقيف بعد مشكلة في دورة التبريد

**popahly** · 20-03-2012 02:00 PM

المشاركة الأصلية كتبت بواسطة محمد الشامي

عندك حق والله , بس على كلامك الحمد لله الحكايه عندك بسيطه , يعني بس هتلاقي الكوليه اللي بيربط الخرطوم مفكوك او مقطوم وعايز يتغيير بس

وبخصوص الميا الخضرا , يوم لما تغلب وخلاص مش عارف تجيب الاسبانى هات العلبه المعدن الامريكي وحط ربعها على دورة التبريد مع الميا العاديه , وحط مثلا ربع كمان على الميا اللي بتزود منها , وخلي الباقى على جنب مع نفسه , كده هاتعمل نفس التأثير بتاع الاسبانى

انا حاليا عامل كده :)

الحمد لله على كل حال، وربنا يسهل أمورك إن شاء الله ومشكلتك تتحل نهائيا، بالنسبة للكوليه انا فعلاً ربط عليه كويس جداً بس الواضح كمان ان التسريب مش من الناحية دى بس لأ دا كمان من الجزء التانى اللى ورا الكتينة برضوا من ناحية الكوعة وواضح جداً ترسيب لون أخضر حواليها وتحت منها... بالنسبة للمياه أنا كنت هزود فقط مياه خضراء خصوصاً إنى مش عاوز احط مياه تانى عادية بعد مغسلت الدورة كاملة ونزلت منها صداء السنين، بس الواضح ان بعد محكمت تمام على أماكن التسريب القديمة، إبتدت المياه تخرج من الأماكن الضعيفة، والحمد لله إنها أماكن ظاهرة نقدر نشوف حلول ليها بدل ملف تانى حوالين نفسى زى زمان كدا... وعموماً الله كريم ونحمده ونشكره على كل شئ..

وشكراً ليك جداً وزى مقولتلك فى الأول ربنا معاك فى محنتك

**محمد الشامي** · 20-03-2012 02:06 PM

ربنا يبارك في يا استاذ ياسر :) كلك ذوق

**فادى محمد** · 20-03-2012 02:12 PM

-الكوستبانات تعمل صوت تكتكه زي مواتير اللادا والموتور بارد والصوت بيقل جدا واحيانا يختفي لما الموتور يوصل لدرجه حراره التشغيل الطبيعيه..
-الميه نقصت عند حضرتك تاني ياا محمد ؟؟ ولا تمام؟

**فادى محمد** · 20-03-2012 02:34 PM

طيب الحمد لله بسيطه ..
لازم تغير الزيت علشان تحافظ علي الكوستبانات وربنا يعوض عليك وان شاء الله الصوت هيختفي

**aliyosef** · 20-03-2012 06:34 PM

عن تجربه التسقيف على بنزين 92 دى سخونه فى الموتور تحس بيها عند التهدئه وكبس بنزين للتجميع بعد التهدئه تسمع التسقيف عربيتى النوبيرا كانت بتعمل كده علشان الراديتير كان بايظ غيرته والامور اتعدلت
مع تحياتى

**محمد الشامي** · 20-03-2012 08:23 PM

المشاركة الأصلية كتبت بواسطة aliyosef

عن تجربه التسقيف على بنزين 92 دى سخونه فى الموتور تحس بيها عند التهدئه وكبس بنزين للتجميع بعد التهدئه تسمع التسقيف عربيتى النوبيرا كانت بتعمل كده علشان الراديتير كان بايظ غيرته والامور اتعدلت
مع تحياتى

تسلم يا باشا :) طيب انا معنديش اي مشكله في التبريد حالياوبردو المكنه بتسقف
بس انا من خلال كلام الزملاء توصلت الى ان التسقيف ده فعلا ممكن يكون بسبب الزيت لانه غالباً فقد خواصه مع الحراره العاليه اللي اتعرض ليها, عالعموم هحاول اغيره قريب وربنا يسهل