قضيه اجتماعيه . تعبانى جدا !!!!!!

**sebai** · 17-06-2007 02:14 PM

أنا أرى أن يخرج من جو الصدمة أولاً .
ثانياً : أن يفكر فيها كامرأة هل تستحق أن تكون زوجة له أم لا ؟ بمعنى هل تتوافق طباعها معه ، وهل زواجها ينبع أيضاً من الخوف على البنت أم لاقتناعها الشخصي به .
ثالثاً : يحاول معرفة حقيقة شعورها تجاهه ، ويصارحها بكل مخاوفه .
رابعاً : إذا استقرت هذه الأمور الثلاثة فليتوكل على الله فلن يجد أفضل منها لترعى ابنته وترعاه وتقدر ظروفه وحنينه لزوجته الأولى التي من الواضح أنه كان يحبها كثيراً عليها رحمة الله تعالى .
ولا ينسى الاستخارة ومشورة الأهل طبعاً

انا اوافق د.احمد سمير فى راية لان لاقدر الله بعد الزواج ان لم يكن هناك توافق فى الطباع او الميول لن تنجح هذة الزيجة , و سيترتب علية مشاكل كثيرة ستلحق بة و بابنتة و عائلة زوجتة رحمها الله , يجب ان يخرج من الصدمة و تهدأ الامور اولا حتى يفكر بشكل جيد ليتخذ قرار يكون راضى عنة , و علية بالاستخارة ثم الاستخارة ثم الاستخارة و لا يتسرع حتى لا يندم
و اتمنى ان يوفقة الله فى قراره

**eng_elnaggar** · 17-06-2007 05:41 PM

انا كنت عايز اضيف حاجة كمان انه لابد انه ينسى ما حل به من مصيبة بوفاة زوجته وبعد ما يتجوز مراته الجديدة لازم يخليها ما تحسش كل شوية انها اتجوزت بس عشان بنته لأنها برضه انسانة ولها مشاعر ولابد يحسسها بحبه لها , لأن مهما كان حبها لبنت اختها انما برضه هى محتاجة تحس انها اتجوزت مش بس سد خانه , فلازم يا استاذ خالد تنبهه للحكاية دي لأن هو ده الحاجه الوحيدة اللي ممكن تنغص عليه حياته ان يقعد كل شوية يقولها المرحومة كانت بتقول المرحومة كانت بتعمل وهكذا تقوم زوجته تحس بالندم مش كده وبس ده مش بعيد تكره سيرة المرحومة اللي هى في الأساس اختها.

فأهم حاجه انه ينسى كل اللي فات ويحاول يبدأ حياه جديدة مع انسانة يحبها ويراعي ربنا فيها.

والله الموفق

**sh_masry** · 17-06-2007 05:42 PM

على بركه الله و عايزين نتعزم فى الفرح و لو عايزين يعملوا شهر عسل اظبطلهم سعر حلو فى شرم

**eng_elnaggar** · 17-06-2007 05:45 PM

فكرة حلوة يا شريف ده احنا كمان ممكن نعملهم زفه ما حصلتش بعربيات نايل موتورز كلها :D :D :D

اهو بالمرة حتى نخرجهم من جو الحزن :mrgreen: :mrgreen: :mrgreen: :mrgreen:

**Abouelela** · 17-06-2007 05:55 PM

أنا أعتقد أن من يضحي هنا بالفعل هي الفتاة وليس هو

بصراحة أنا مع د/أحمد في التحليل بتاعه كله ..
بس أعتقد أن طالما البنت مش معترضه .. يبقي غالبا عندها شعور بالإعجاب ( المعتاد ) .. مع زوج اختها المتوفية رحمها الله
وده حيحل مشكلة البنت .. أما بالنسبة للزوج .. فليتوكل علي الله .. بس أهم حاجه !!!!! .. هو عدم عقد مقارنات بين الزوجة الأولي والثانية .. وإلا الدنيا حتولع .. ويبقي عنده قناعه .. أنه تزوج شخصية مختلفة .. وليست نفس الزوجة ..
والله الموفق ..

فكرة حلوة يا شريف ده احنا كمان ممكن نعملهم زفه ما حصلتش بعربيات نايل موتورز كلها

أما الفكرة دى فجميلة جدا .. وتضرب أكتر من عصفور بحجر واحد .. تلم بتوع نايل موتورز في جو فرايحي .. وتهيص الناس .. وبعدين تبقي عزومة مجانية لكل إللي عايز يتعشي من أعضاء المنتدى أو يشرب كانز ... بالعدد إللي يحبه حتي لو 38 علبه ..

**hazem_khidr** · 17-06-2007 07:18 PM

فكرة حلوة يا شريف ده احنا كمان ممكن نعملهم زفه ما حصلتش بعربيات نايل موتورز كلها

اهو بالمرة حتى نخرجهم من جو الحزن

فكره حلوه يا ابو احمد و انا اول واحد موافق و يتزفو في عربيه شريف باشا طبعا ولا نشوف ليهم وزه يتزفو فيها يا شريف؟؟

**خالدابوالنجا** · 17-06-2007 07:23 PM

والله يا جماعه واضح ان الكل على كلمة رجل واحد ( وهو فى هذه الحالة د/ احمد سمير )

فعلى بركة الله والله المستعان .

بالنسبه للاستاذ/ شريف . هوه طبعا عارف ان الراجل صحبى وصديق عمرى يبقه لازم الزفه تبقه

فى وزه يعنى كلها وز وبط . وبما ان كلها وز وبط ومعظم المعازيم فراخ يبقه شهر العسل لازم

يكون على ترعه . يعنى الشرم متنفعش.

ههههههههههههههههههههههههه ههههههههههههههه

الف شكر لكم جميعا .
السلطان ابو النجا الاول

**Sharky** · 17-06-2007 10:14 PM

المشاركة الأصلية كتبت بواسطة Abdallah

من رأى ان يستخير ربه ويتوكل على الله طالما الفتاة لا غبار عليها واعذرنى يا خالد ولكن لابد من التضحية من اجل البنت الصغيرة ولعل الله يوفقه معها وتصبح له نعم الزوجة..
طبعا هذا رأى الشخصى

السلام عليكم

أنا بأيد رأى الأستاذ Abdallah

**خالد** · 18-06-2007 12:30 PM

توكل على الله وأتجوزها
وإن شاء الله يبارك الله لكما ويبارك عليكما ويجمع بينكما فى خير

**goodwave** · 18-06-2007 01:11 PM

خلي صاحبك يتوكل على اله ويتزوجها بس لشخصها مش لاي اعتبارات اخرى
في راي البنت كده كده حتتربى وتعيش حياة كريمه طالما الاب حريص على كدة سواء مع خالتها او مع اي حد تاني
لكن لو اتجوزها من غير حب او اقتناع الطرفين يبقى حيفشلوا هما التلاته
الخاله حتكره الأب و هذا الكره حينعكس على البنت في النهايه

الاستخاره الاستخارة ثم التوكل على الله و الاختيار (ليس الانتظار)

وشكرا

goodwave