الموضوع: اعمل ايه انا دلوقتي..انا اتخنقت!

والله ياجماعة الموضوع ليه وجهتين نظر واحدة مؤيدة وواحدة رافضة احنا عايزين نحلل كل واحدة مع الوضع في الاعتبار استحالة تطابق جميع الحالات كل حالة تختلف عن الاخري
هبداء بحالتي انا
انا كنت زيك بالظبط منفض للموضوع الجواز وقولت مش هفكر فيه دلوقتي فجاءة لقيت صحابي واحد واحد يخلع ويتجوز وشوية بقي اب وانا زي مانا من البيت للشغل والعكس حياة مملة صحابي الي كنا مقضينها خروج وفسح مبقوش فاضيين كل واحد اتلهي في بيته وانا بقيت لوحدي.اخدت القرار اني اودع العزوبية (غلبان بعيد عنك كنت فاكر هنزل اجيب عروسة من السوبر ماركت)لقيت الموضوع منيل اهم حاجة الواحد عايزها في شريكة حياته انها تبقي محترمة ومتربية ومتدينة ومن بيت طيب السمعة لن الواحد بيناسب عائلة بحالها لو فيه واحد مش كويس هياثر علي سمعة الباقي, من الاخر حاجة زي امي بس موديل حديث , طبعا في البيت ما صدقوا اني نويت انا الوحيد عقبال امالتكم ابتديت الترشيحات واغلبها من العائلة تحت مسمي الي نعرفه احسن من الي منعرفوش,بس انا مكنتش بحب فكرة جواز القرايب, طبعا الواحد كان فاكر الموضوع سهل لكن طلع منيل ب60 نيلة مافيش حد عجبني , اساسا مكنتش مقتنع بفكرة جواز الصالونات,لكن ما باليد حيلة مافيش قدامي غيرها وبعد فترة زهقت وقررت اني هكبر دماغي واركز في الشغل وعشان اشغل وقتي ومفكرش في الموضوع قررت اعمل مشروع يشغل وقتي بعد الشغل .فتحت محل كمبيوتر وكنت اطلع من الشغل بتاع الصبح علي المحل ,كدة بقي مفيش وقت اصلا افكر في موضوع الجواز كنت فاكر كدة ,وفي يوم وانا في المحل شوفت واحدة عجبتني ساكنة بعد المحل بكام عمارة المهم رجعت افكر في الموضوع تاني وحظي اني كان ليا واحد صحبي ساكن في العمارة الي بعديها المهم سالته صدمني وقالي مخطوبة ,طبعا فكيتني من الحوار وقولت مليش نصيب ,وبعد شهرين تقريبا لقيت واحد صحبي من ايام ثانوي ماشي مع مراته والبنت الي كانت عجباني فبعد ماطلعهم وقف سلم عليا وقعدنا نحكي ما بعض المهم اكتشفت ان مراته هي اخت البنت الي عجباني دي والمفاجاة انها مش مخطوبة(طلع صحبي الاولاني بيفتي, الفتيين بيشجعوا )يعني ياريته كان قالي معرفش ,المهم بقيت استني صحبي ده كل مايجي ونقعد نرغي مع بعض لغاية ما فتحته في الموضوع بعد ما استخرت ربنا وهو بصراحة كلم الناس بس انا كنت طالب منه اننا نتقابل ونتكلم مع بعض قبل اي حاجة , المهم الناس كانت متفهمة وخرجنا كلنا وروحنا النادي واتكلمنا وتعرفنا علي بعض والحمد لله طلعت هي الي كنت بدور عليها والكيميا بتاعتنا متظبطة مع بعض(وطبعا ده كان خلال فترة الخطوبة وانا شايف ان فترة الخطوبة المفروض انها متزدتش عن سنة عشان الموضوع ميبوخش)والحمد لله اتجوزت من 7شهور وانا دلوقتي مستني نونو كمان كام شهر(ان شاء الله) .
عايز اقولكم علي حاجة كل حاجة ليها مميزاتها وعيوبها فكرة انك تكون مسئول حلوة وانك تبقي اسرة وتبقي بابا بجد موضوع جامد,بس المشكلة انها مسئولية مفيش منها هروب من الاخر هتفضل طول عمرك شايل شنطة علي ظهرك كل شوية تزود فيها حاجات وظهرك ينحني لقدام اكتر واكتر ونسيت اقولك ان الشنطة دي ملزوقة في ظهرك وغير قابلة للانفصال. بس هنقول ايه دي سنة الحياة هي دي الدوامة
المشكلة انك ايام كتير بتحن للعزوبية =حياة من غير مسئولية, وتبقي نفسك تهرب يوم او يومين بس هتروح فين من الشنطة الي علي ظهرك افضل شيء انك تتاقلم وتقول الحمد لله وبص علي نص الكوبية المليان
ودور وان شاء الله ربنا يوفقك لواحدة بنت حلال

المشاركة الأصلية كتبت بواسطة ahmed31031

والله ياجماعة الموضوع ليه وجهتين نظر واحدة مؤيدة وواحدة رافضة احنا عايزين نحلل كل واحدة مع الوضع في الاعتبار استحالة تطابق جميع الحالات كل حالة تختلف عن الاخري
هبداء بحالتي انا
انا كنت زيك بالظبط منفض للموضوع الجواز وقولت مش هفكر فيه دلوقتي فجاءة لقيت صحابي واحد واحد يخلع ويتجوز وشوية بقي اب وانا زي مانا من البيت للشغل والعكس حياة مملة صحابي الي كنا مقضينها خروج وفسح مبقوش فاضيين كل واحد اتلهي في بيته وانا بقيت لوحدي.اخدت القرار اني اودع العزوبية (غلبان بعيد عنك كنت فاكر هنزل اجيب عروسة من السوبر ماركت)لقيت الموضوع منيل اهم حاجة الواحد عايزها في شريكة حياته انها تبقي محترمة ومتربية ومتدينة ومن بيت طيب السمعة لن الواحد بيناسب عائلة بحالها لو فيه واحد مش كويس هياثر علي سمعة الباقي, من الاخر حاجة زي امي بس موديل حديث , طبعا في البيت ما صدقوا اني نويت انا الوحيد عقبال امالتكم ابتديت الترشيحات واغلبها من العائلة تحت مسمي الي نعرفه احسن من الي منعرفوش,بس انا مكنتش بحب فكرة جواز القرايب, طبعا الواحد كان فاكر الموضوع سهل لكن طلع منيل ب60 نيلة مافيش حد عجبني , اساسا مكنتش مقتنع بفكرة جواز الصالونات,لكن ما باليد حيلة مافيش قدامي غيرها وبعد فترة زهقت وقررت اني هكبر دماغي واركز في الشغل وعشان اشغل وقتي ومفكرش في الموضوع قررت اعمل مشروع يشغل وقتي بعد الشغل .فتحت محل كمبيوتر وكنت اطلع من الشغل بتاع الصبح علي المحل ,كدة بقي مفيش وقت اصلا افكر في موضوع الجواز كنت فاكر كدة ,وفي يوم وانا في المحل شوفت واحدة عجبتني ساكنة بعد المحل بكام عمارة المهم رجعت افكر في الموضوع تاني وحظي اني كان ليا واحد صحبي ساكن في العمارة الي بعديها المهم سالته صدمني وقالي مخطوبة ,طبعا فكيتني من الحوار وقولت مليش نصيب ,وبعد شهرين تقريبا لقيت واحد صحبي من ايام ثانوي ماشي مع مراته والبنت الي كانت عجباني فبعد ماطلعهم وقف سلم عليا وقعدنا نحكي ما بعض المهم اكتشفت ان مراته هي اخت البنت الي عجباني دي والمفاجاة انها مش مخطوبة(طلع صحبي الاولاني بيفتي, الفتيين بيشجعوا )يعني ياريته كان قالي معرفش ,المهم بقيت استني صحبي ده كل مايجي ونقعد نرغي مع بعض لغاية ما فتحته في الموضوع بعد ما استخرت ربنا وهو بصراحة كلم الناس بس انا كنت طالب منه اننا نتقابل ونتكلم مع بعض قبل اي حاجة , المهم الناس كانت متفهمة وخرجنا كلنا وروحنا النادي واتكلمنا وتعرفنا علي بعض والحمد لله طلعت هي الي كنت بدور عليها والكيميا بتاعتنا متظبطة مع بعض(وطبعا ده كان خلال فترة الخطوبة وانا شايف ان فترة الخطوبة المفروض انها متزدتش عن سنة عشان الموضوع ميبوخش)والحمد لله اتجوزت من 7شهور وانا دلوقتي مستني نونو كمان كام شهر(ان شاء الله) .
عايز اقولكم علي حاجة كل حاجة ليها مميزاتها وعيوبها فكرة انك تكون مسئول حلوة وانك تبقي اسرة وتبقي بابا بجد موضوع جامد,بس المشكلة انها مسئولية مفيش منها هروب من الاخر هتفضل طول عمرك شايل شنطة علي ظهرك كل شوية تزود فيها حاجات وظهرك ينحني لقدام اكتر واكتر ونسيت اقولك ان الشنطة دي ملزوقة في ظهرك وغير قابلة للانفصال. بس هنقول ايه دي سنة الحياة هي دي الدوامة
المشكلة انك ايام كتير بتحن للعزوبية =حياة من غير مسئولية, وتبقي نفسك تهرب يوم او يومين بس هتروح فين من الشنطة الي علي ظهرك افضل شيء انك تتاقلم وتقول الحمد لله وبص علي نص الكوبية المليان
ودور وان شاء الله ربنا يوفقك لواحدة بنت حلال

المشاركة الأصلية كتبت بواسطة hmatchy

انت باشا
والله ابتديت تفتح نفسى من تانى ومعاك فى كل كلمه قولتها
هو فهلان التلخيص لو بتحب تكون مسئول اتجوز
لو دمغاك جرى و تنطيط وخلاص يبقى اصبر لما تكبر شويه

وعشان كده انا ابتديت اقتنع ان لازم علي الأقل كل شهر تخرجلك خروجه مع صحابك تنسي فيها قرف الجواز
الاول انا كنت بقول ازاي اخرج من غير مراتي وعيالي وحرام وبتاع دلوقتي بقول لالالالالالا والف مليون لالالالالالالالالالا

كنت بعيب علي صحابي انهم بيروحو شرم كل سنه لوحدهم من غير مراتتهم لكن دلوقتي بقول عندهم حق

المشاركة الأصلية كتبت بواسطة i_am_legend

والدتي النهاردة كنت ماشي معاها.شفت بنت في الشارع عجبتني.والدتي قالتلي دي ساكنة جنبنا.راحت كلمت البنت ومامتها ورحبوا جدا بالموضوع.ووالدتي عايزاني اروحلهم.وانا محرج جدا بصراحة.مش عارف هادخل ازاي عند الناس اناهابقي قاعد وشي جايب الوان الطيف.وماما مصممت اني اروح.انا زهقت من حوار الجواز دة.

شوف اي حد يعرف الناس دي وخده معاك