مؤشر حرارة الرينو

**shawkylotfy** · 24-03-2012 08:50 PM

المشاركة الأصلية كتبت بواسطة rsarabia

مع التكييف فى الزحمة الحرارة تزيد و لازم اطفى التكييف عشان تنزل
مجربتش و انا واقف ادوس بنزين و الحرارة عالية عشان تنزل
بس لو انا واقف و مشغل التكييف بتكون بردو عالية
هل كدا اغير الكوعة ؟

لو السرعة الثانية بتاعت المروحة شغالة يبقى مشكلتك ثرموستات الكوعة مش بتفتح بالكامل
الحل : لو الكولر الى عندك الومنيوم شيلها وريح دماغك او غيرها

المهم انت مشكلتك ثرموستات كوعة دة فى حالة لو السرعة الثانية بتاعت المروحة شغالة ومبين الراديتر والكوندسر بتاع التكيف نظيف والله المستعان

**Rsarabia** · 24-03-2012 08:54 PM

المشاركة الأصلية كتبت بواسطة shawkylotfy

لو السرعة الثانية بتاعت المروحة شغالة يبقى مشكلتك ثرموستات الكوعة مش بتفتح بالكامل
الحل : لو الكولر الى عندك الومنيوم شيلها وريح دماغك او غيرها

المهم انت مشكلتك ثرموستات كوعة دة فى حالة لو السرعة الثانية بتاعت المروحة شغالة ومبين الراديتر والكوندسر بتاع التكيف نظيف والله المستعان

اللى عندى فيبر و السرعة التانية شغالة زى الفل
اغيرها بواحدها الومنيوم ؟ ولا اجرب الاول انضف الرادياتير ؟

**shawkylotfy** · 25-03-2012 12:10 AM

المشاركة الأصلية كتبت بواسطة Rsarabia

اللى عندى فيبر و السرعة التانية شغالة زى الفل
اغيرها بواحدها الومنيوم ؟ ولا اجرب الاول انضف الرادياتير ؟

هات كولر الومنيوم استيراد وخلى الميكانيكى يشيل الزنبلك يتاع ثرموستات الكوعة ( او لو مش عايز تشيلها هتاها جديد ( من التوكيل ) متجبهاش من مكان تانى ) بعد ما الميكانيكى يشيل الزنبلك بتعها هتبقى مفتوحة على طول وبعد كدة يركب ال 0 رينج بتعها ويحط حولها سيلكون حرارى ويقفل وعيش بالتكيف فى عز الحر يامعلم وانا بكلمك عن تجربة عملية معايا فى الموضوع دة بالذات.

وارد ان الراديتير محتاج يتنضف لكن مفتكرش لان الاحتمال الشائع ثرموستات الكوعة وعلى فكرة علشان تنضف ريداتير هتضطر تفك الاكصدام وفلم وفى الاخر انا عارف هتلاقية نضيف ومش منة العيب

**moh158** · 25-03-2012 08:44 AM

شكرًا علي المعلومات الهامة دي ... هو فعلا المروحة شغالة علي طول علي السرعة الثانية ...

ان شاء الله هوديها لكهربائي يشوفها

الله يسامح الفتايين

**shawkylotfy** · 25-03-2012 11:49 AM

المشاركة الأصلية كتبت بواسطة moh158

شكرًا علي المعلومات الهامة دي ... هو فعلا المروحة شغالة علي طول علي السرعة الثانية ...

ان شاء الله هوديها لكهربائي يشوفها

الله يسامح الفتايين

اى خدعة

**moh158** · 25-03-2012 08:52 PM

المشاركة الأصلية كتبت بواسطة shawkylotfy

اى خدعة

تسلم يا باشا

**Rsarabia** · 26-03-2012 06:49 PM

المشاركة الأصلية كتبت بواسطة shawkylotfy

هات كولر الومنيوم استيراد وخلى الميكانيكى يشيل الزنبلك يتاع ثرموستات الكوعة ( او لو مش عايز تشيلها هتاها جديد ( من التوكيل ) متجبهاش من مكان تانى ) بعد ما الميكانيكى يشيل الزنبلك بتعها هتبقى مفتوحة على طول وبعد كدة يركب ال 0 رينج بتعها ويحط حولها سيلكون حرارى ويقفل وعيش بالتكيف فى عز الحر يامعلم وانا بكلمك عن تجربة عملية معايا فى الموضوع دة بالذات.

وارد ان الراديتير محتاج يتنضف لكن مفتكرش لان الاحتمال الشائع ثرموستات الكوعة وعلى فكرة علشان تنضف ريداتير هتضطر تفك الاكصدام وفلم وفى الاخر انا عارف هتلاقية نضيف ومش منة العيب

رحت امبارح ركبت كوعة الومنيوم و المفاجأة : العربية لسه بتسخن
كدا يبقى مفيش قدامى الا حاجة واحدة ملهاش تانى الرادياتير
رحت للميكانيكى النهاردة حل الرادياتير وودتها لواحد بتاع رادياتيرات و المفاجأة
لقى جواه رمل و خشب و ورق شخر و تراب رهيييب و مكتوم جدا
نضفه كويس من برة و فك وش الرادياتير و قعد يسلك بقا بمزاج و يغسل بالمية و يغطسه
المهم الرادياتير رجع زيرووووووو و ركبته فى العربية و المفاجأة ان فى عز الزحمة و مع تشغيل التكييف المروحة شغالة على السرعة الاولى و مش محتاجة السرعة التانية و مفيش اى سخونة على الكبوت
بكرة ان شاء الله هرجع افك الكوعة اللى جبتها و ارجعها و اركب الفيبر القديمة

**shawkylotfy** · 27-03-2012 01:36 AM

المشاركة الأصلية كتبت بواسطة rsarabia

رحت امبارح ركبت كوعة الومنيوم و المفاجأة : العربية لسه بتسخن
كدا يبقى مفيش قدامى الا حاجة واحدة ملهاش تانى الرادياتير
رحت للميكانيكى النهاردة حل الرادياتير وودتها لواحد بتاع رادياتيرات و المفاجأة
لقى جواه رمل و خشب و ورق شخر و تراب رهيييب و مكتوم جدا
نضفه كويس من برة و فك وش الرادياتير و قعد يسلك بقا بمزاج و يغسل بالمية و يغطسه
المهم الرادياتير رجع زيرووووووو و ركبته فى العربية و المفاجأة ان فى عز الزحمة و مع تشغيل التكييف المروحة شغالة على السرعة الاولى و مش محتاجة السرعة التانية و مفيش اى سخونة على الكبوت
بكرة ان شاء الله هرجع افك الكوعة اللى جبتها و ارجعها و اركب الفيبر القديمة

تمام بس حاول تشيل ثرموستات الكوعة بردة مصيرها يوم هتبوظ فريح دماغك وكبرها وراديتير مكتوم كان احتمال وارد وقد كان وبالتوفيق

**Rsarabia** · 27-03-2012 09:21 PM

المشاركة الأصلية كتبت بواسطة shawkylotfy

تمام بس حاول تشيل ثرموستات الكوعة بردة مصيرها يوم هتبوظ فريح دماغك وكبرها وراديتير مكتوم كان احتمال وارد وقد كان وبالتوفيق

رادياتير رغم انه بديهى يكون اول احتمال بس الكلام دا فى العربيات القديمة لكن فى العربيات الحديثة صعب اوى الرادياتير يجراله حاجة خلال 6 سنين شغل و لسه ياما هنشوف من الميجان

انا ركبت خلاص الفيبر و رجعت الالومنيوم و لما تبقى تبوظ نبقى تغيره

**matrix3030** · 01-04-2012 12:31 PM

السلام عليكم
يالنسبه للكولر الالمونيوم احسن من الفبر لان life time بتاع اكبر بكتر الفبر بعد فتره ممكن يقوس او يحصل فيه Crack
اما بالنسبه للالمونيوم دا مش بيحصل فيه خالص
الالمونيوم معروف بخاصيه سرعه اكتساب وفقد الحرارة وبالتالي معدل التبريد حتى في الاجواء الحارة كويس
ثانيا : بالنسبة لدرجه الحرارة انا لي مهندس شغال في التوكيل كان سبب معرفتي بيه الباشا ايمن مومو غيرلي الكوعه الفبر و حطلي الالمونيوم و ظبط سينسور الحراره و ركز على ده اوي وعمل حاجه تاني شال الثرموستات من الدائرة التبريد (وده الكلام اللي بيحصل في التوكيل) انا سألته ليه؟؟؟ قالي لان ببساطه شديده درجه الحراره عندنا عالية وبالتالي اسخدام الثرموستات مش هايفرق بشكل ملحوظ (كلام منطقي) تاني حاجه الثرموستات على شمع الشمع لما بيسخن بيفتح بوابة الثرموستات ولما بيبرد بيقفلها المشكلة ان الشمع ده بعد فترة بيفقد هذه الخاصية نتيجه الجو الجميل بتاعنا فتلاقي الثرموستات علق وحظك وحش لو علق وهوه قافل هاتلاقي نفسك بعد كده دخلت في سكة عمرة للاسف ولو علق وهوه فاتح بس فتح مش كامل هايأثر على Flow rate اللي داخل وبالتالي معدل التبريد وده يؤدي ايضا الى ارتفاع درجة الحرارة او تذبذب درجة الحرارة (علشان كدة بيشلوه في التوكيل)
على فكره انا عامل الكلام ده عندي في العربية بالنسبة للاداء تمام ومافهوش حاجة هوه بس العربية بتاخد وقت اطول علشان تسخن ولما بتسخن درجة الحرارة لاتتعدى النصف ولما تقرص بالعربية على طريق سريع تلاقي درجه الحرارة نزلت شوية ليه ؟؟؟ نتيجة ان المروحة اشتغلت وكمان مع السرعة الرداتير يتعرض لكمية من الهواء اكبر وبسرعة اعلى يعني convection rate بيزيد ومع وجود تأثير المروحة لانها شغالة فتلاقي درجة الحرارة قلت شوية

اتمنى اني اكون وضحت الفكرة وجاوبت على السؤال بشكل كامل