الموضوع: تجربتى انبارح مع بلطجيه وهل انا صح ولا غلط

ههههههههه حتى جامع عماد راغب بقة عندو سايس يعني الي يروح يصلي يدفع فلوس ياربي ... يالهوووووي .
بعد كده روح صلي في الجامع الجديد الي عند أسواق المرشدي ... فعلاً بقت حاجة تزهق حكاية السايس دي ... وعلى فكرة متفتكرش العيال دي من اكتوبر أغلبهم جي من الفيوم ... وعيال جية من ترب اليهود في السلام ... جيين لغايت أكتوبر علشان يبلطجوو على الناس ... ان نزلت تجبلك سندوتشين من جاد ولا من الشبراوي السندوتشين ب 3جنية ونص جينه مخلل و 2 جنيه سايس و4 جنيه للشحاتين الاطفال الي كل أم جيبة دستت عيال مسرحاها ... هناك ... ولا الاشارة بتاعت الحصري أجارك الله ... كل ماتيجي طالع ولا داخل أكتوبر لازم تعدي على جيش الشاحتين الي هناك ويقفولك في الاشارات ... وتلاقيهم كلهم قرايب في بعض وفي منهم كزا بنت صغيرة طولها متر او نص متر وشايله اختها الصغيرة على كتفها ودايره تشحت بيها ... قلتلها واللهي كويس أنك تاخدي اختك معاكي وهيا لسه في اللفة علشان تتودك في الصنعة ... وتطلع شحاته بريموووو .

طب انا هقولك على حاجة تانية في مطعم جديد فتح اسمو قصر الشوق ... لصفوت المجتمع وحظنا ان فوقية مركز عيادات بيدو كورسات كيماوي ، وكل 20 يوم بودي الحج ياخود جلست الكيماوي بتاعتو ... بصيت لقيت جايبين سايس ... وبيقولي ايووووووووه ايوووووووووووه ياباشا 5 جنية وقفة ... قلتلو ياعم انا مدخلتش المطعم وبعدين احنا واقفين في الصحرا خمسة جنية الي عاوزها بتاعت ايه ... داحنا كنا في مركز السرطان الي فوق المطعم ... قالي يابيه يعني بتدفعوا بالاولفات فوق وبتستخرو كام جنية ليه ... هو قال الكلمة دي وقمت مسكو مناولوا ... ولولة ان الحج كان معايه مفرفر ... كنت كملت عليه ... بس ابتدى دلوقتي ايه يعملي حساب ... ويوقف كل زباين المطعم في الشارع قدام العيادة وانا ملقيش مكان اركن فيه غير قدام في الصحرا وأقعد اتمشى انا والحج مسافة 150 متر علشان يتعالج . حسبي الله ونعم الوكيل في الوباء الي أجتاح أكتوبر .

كلام زي الفل و انت مفيش غلطه ولا حد يغلطك !

انت عملت الصح انا كان ممكن ألبسه ركبه كوع كام بونيه بس انت أحسن مني عشان خدته علي القسم !

و حسبي الله و نعم الوكيل في اللي كان السبب و اوعي تنخدع باللحيه تاني حضرتك ده كده زي جهاز الانذار في العربيه لما تشوفها تحرص أوي

و فيه أقليه محترمه باللحيه عشان ما نظلمشي حد بس !