الموضوع: عاوز خبرتكم معايا أكرمكم الله

Jazakum ALLAH Ya mini cooper 20

سمعت من زمايلى أن الموتور بتاعها رقيق حبتين عشان كده بتعمل عمرة مرة التانية .. التالتة أوت .. و أحيانا بعد الأولى و ان سعرها علشان كده بيضرب بالنار ..

طبعا جربتها مع واحد زميلى جراية و تحفة من جوة و شيك و كل حاجة بس الخوف من حكاية الموتور ..

هوة الظاهر كده أن كل العربيات أجمل من بعض و أنا أول مرة هركب عربية تكون بتاعتى شخصيا فان شاء الله أنا مش هكتر فى اللف و الدوران أنا عاوز أى عربية .. و الفروق بين العربيات اللى بدرو عليها غالبا مش هتفرق مع واحد مبتئ زى يعنى و لا هتفرق؟؟

جزاكم الله خيرا يا باشا و نورتنى و الله

Ahmazong Basha

الله يكرمك يا باشا و الله مش عارف أشكرك ازاى و الأخوة الزملاء
بجد جزاكم الله خيرا

و الله معلومات حضرتك يعنى زى ما تكون بتيجى على الجرح .. يعنى بحس حضرتك بتخاطب العقل أحيانا و هكون خلاص قربت أقتنع بالعربية الفلانية و برضه بتخاطب القلب و برجع أفكر تانى .. بجد و الله شيق جدا فى العرض .. يا رب تطلع زى نبيل فاروق بس فى وقت راحتك يعنى :)

خلاص هى كده غالبا :

-- تيدا : مبيفرقش الشكل معايا أوى طالما هفحت زمايلى :)))

--الرينو عموما : الميجان ثم الفلوانس

--المازدا : بصراحة كانت عتكون رقم واحد لولا كلام زمايلى عليها ( معلش يا مينى كوبر باشا :) )

بس الحمد لله الواحد خلص من تطنيش الألنترا .. فكرة برضه أتصل أرخم على أنتيمى :)

ربنا يكرمك يا Ahmazong باشا على الأطراء الجميل .. ربنا يكرمك يا رب و يفتح أوسع أبواب رحمته و أوسع أبواب رزقه .. طبعا يعنى مش لوحدك و الأخوة الزملاء اللى مشرفينى و منورينى بجد :)

thx alot
Ahmazong ß*ß MiniCooper20 ß*ß Land_cruiser

ماذدا تعمل عمره؟
ليه يا حبى هى فرنا
دنا ابن خالتى معاه ماذدا 3 2007 عمال بيها 270 الف كيلو تركبها تقول زيرو
اعتمادييييييييييييييييييي يييييييييييييييييه راهيبه و اضمنهالك برقبتى
و لو عايز تجرب اجبهالك لحد البيت تشوفها
و ال 2012 اجمل كمان
و ماتورها وحش رقيق دى كلمه عيب فى حاقو يا صحبى

Minicooper باشا

أنا أسف .. المازدا أجدع ناس :)

أنا كنت أقصد أن الموتور جداره رقيق مش تخين يعنى :)
على العموم أنا واخد ابتدائية فى العربيات فمتاخدش كلامى أنه ذم فى العربية :)

أنا مين عشان أركب مازدا

خلاص و عشان متزعلش و تأكيدا على اعترافى بغلطتى :
1- رينو ميجان .
2- مازدا 3 .
3- التيدا .

و هعمل استخارة برده قبل ما أروح بكرة المعرض ان شاء الله

لو برده رايحين ممكن نتقابل ان شاء الله :]

معلومة صغيرة على جنب .. النترا اقوى من التيدا في التسارع
التيدا 114 حصان والالنترا 128 حصان
انا انصحك بالالنترا لو هتجيب الهايلاين ( ب 137 الف )
وبعدها التيدا
بما انك مش حابب الالنترا يبقى التيدا .. بس خد بالك في شكل جديد نازل منها قريب يعني لو جبتها دلوقتي سعرها هينزل جامد

باشا عاوز رايي

انا معايا مازدا 3 و سقت الالنترا و الميجان
يعم دي متتقارنش بدول اصلا عيبها الوحدي مش اعادة البيع
لانها في اعادة البيع احسن من الرينو كله لانها يابانى والشعب المصري عنده عقدة اليابانى واسال
مثال: مازدا 2007 ماسكه سعر في رنج 80 الف اما الميجان مثلا ب 60

عيبها قطع غياها الغاليه و طبعا كل العربيات الى انت كاتبها قطع غيارها عاليه
و عيبها التانى هو الاخ غبور لكن الواحد مطنشه و مقضيها من برا
و موتور مازدا ايه الى ضعيف
انا كان معايا مازدا 323 موديل 88 تخيل فضلت معايا لغاية 2005 والله ماعملتلها عمرة غير سنة 2002
بص بقى مميزات المازدا ( ثبات عالى جدا) يعنى العربيه على سرعات مسمار ف الارض ماشي على 160 كانى ماشي على 80 وكمان مبتحسش انك بتاخد ملفات( مش زي التييدا(البلونه)) افضل سياة ف ئتها ف الملفات وده مش كلامى ده تقييم ومقارنات للعربيه دي حتى احسن من السيفك ف الكلام ده
الطلعه بتاعتها ممتازة احسن من الالنترا و طبعا فيها abs,ebd

عموما فكر بس بصراحه انا بدايق قوى ان المازدا بتتقارن بالتيدا
السبب هو غبور الى مرخص سعرها ومخلى الالنترا اغلى منها وكمان قاتل الدعاية بتاعتها و مبيديهاش للمعارض غير بالطلب ده كله عشان متقطعش على هيونداى الانجح بالنسباله