معلش يا رجالة المنتدى الكرام ..
بعد تفكير عميق و قراءة أعمق ..
قررت استبعاد الرينو فلوانس لأن والدى بالفعل معاه واحدة 2012 ..
و كذلك تم استبعاد النيسان تيدا على الرغم من حبى الشديد لها و ذلك لقرب نزول الشكل الجديد السنة الجاية غالبا ..
و تم التوصل لعربيتين لا ثالث لهما :
- الرينو ميجان .
- المازدا 3 .
أنا بميل الصراحة للمازدا .. و لكن التوكيل السئ على حسب كلام الناس و كذلك صغر حجم الكنبة الخلفية و كذلك انخفاض سعر اعادة البيع.
أما الرينو فبصراحة الواحد اتكلم مع المسئول عن المبيعات و هو راجل أكتر من محترم .. صيانتها ممتازة ربما الأفضل على رأى الكثيرين فى المنتدى .. و ده حاجة مخليانى أفكر أشترى رينو .. ان استبعدنا الفلوانس تبقى الميجان .. الكماليات الهايلة .. الأداء المتقارب مع المازدا ..
يميز كلا النوعين أنهما موديلات سنة أولى جديد .. و ده حاجة كويسة على ما أعتقد
المهم و الله و أنا بكتب السطور ده .. فعلا مش عارف أجيب ايه فيهما ..
على العموم أنا مش هزعل لو واحدة طلعت أجمل من واحدة و أنا جبت التانية .. الفروق بينهما مش كتير أوى .. و غالبا بتبقى حاجات شخصية بتفرق تبع الأشخاص نفسهم ..
على العموم أنا عاوز خبرتكم معايا بين الماركتين دول .. و بس .. و اللى هيقولى ماركة تانية هدعى عليه صبح و ليل ( بهزر طبعا ) .. مهياش ناقصة توهان الله يكرمكم .. :)))
جزاكم الله خيرا
المفضلات