الموضوع: محتاره ومحتاجه مساعدتكم

المشاركة الأصلية كتبت بواسطة shikh_khaled

السلام عليكم ورحمة الله وبركاته

الأخت الفاضلة aushoforget مرحبا بك في نايل موتورز

وإن شاء الله تعالى تجدي المساعدة الصادقة من كل الزملاء

أنا ها جاوب حضرتك عن الماتريكس لأني من ملاكها وبصراحة من عشاقها أيضا

الماتريكس من السيارات المريحة جدا في الجلوس لأي راكب من الركاب سواء السائق أو من

بجواره أو من في الكنبة الخلفية ,

بالإضافة للإتساع الكبير في المساحة الداخلية وإمكانية طي الكنبة الخلفية ثلثين وثلث طي كامل أو

إغلاق الظهر على المقعد فقط بالإضافة لكثرة أماكن التخزين بها

وموتورها هو نفس موتور الإلنترا 2005

وهي بصراحة سيارة بدون مشاكل وده مش رأيي فقط بل رأي كل ملاكها

بس توقف انتاجها 2001 ومش موجود منها جديد إلا عند مصرية والله أعلم

وعليكم السلام ورحمة الله وبركاته

ألف شكر أخى الفاضل وجزاك الله خيرآ
وإن شاء الله ربنا يوفقنى لإختيار الأصلح
بصراحه أنا جربت قبل كده سواقة الماتريكس لاقيتها مريحه جدآ وواسعه وكمان عاليه أوى عن الأرض يعنى هتريح العفشه معايه خاصتآ إنى لسه قدراتى محدوده شويه فى السواقه علشان كده فكرت فيها
بس مش عارفه هل ممكن ألاقى منها جديد ولا لأ
طيب حضرتك كاتب إن توقف إنتاجها 2001 إزاى والعربيه اللى أنا جربت سواقتها كانت موديل 2005
وألف شكر لإهتمام حضرتك

المشاركة الأصلية كتبت بواسطة ahmadm

شوفى حضرتك انا انصحك بسيارة شكلها جميل جدا و هى كيا ريو 2012 الشكل الجديد و هية من وجهة نظرى شكلها جميل جدا و سعرها 105 للاوتوماتك و 112 لل فول اوبشن دا غير ان توكيل كيا توكيل محترم و دة عن تجربة
و دية صورتها
http://www.caradvice.com.au/wp-conte...-4-625x416.jpg

متشكره أوى يا أحمد وانا فعلآ سامعه إن الكيا ريو حلوه وخاصتآ خدمة ما بعد البيع

المشاركة الأصلية كتبت بواسطة kbarema

الريو تحفة تحفة كل المنتديات الاجنبية بتشكر فيها جدا بس مش عارف هى الاوبشن ده بجد موجود وكمان لسه محدش جربها وهى مش واسعه
ممكن زي الشيخ خالد ماقال اسالى المصرية علي الماتريكس بس اوبشن الريو تحفة

والله أنا هحاول أسأل على الماتريكس لو فى منها جديد
وللعلم أنا موضوع الأوبشن ده مش هيفرق معايه كتير يعنى انا مش بدور على عربيه تكون فول أوبشن
على أد متكون عربيه مريحه وعمليه وقطع غيارها رخيصه
وميرسى كتير لردك

المشاركة الأصلية كتبت بواسطة hany63

ياسلام لو النترا الشكل القديم تبقى في الجون

ويا ترى هتكون جديده ولا مستعمله وتمنها كام

المشاركة الأصلية كتبت بواسطة sherifshiko

اكسنت rb

أنا شوفت ال RB عند المصريه اللى فى جرين بلازا بصراحه شكلها من بره ومن جوه حلو أوى بس مش حساها هتكون عمليه معايه يعنى من أول مطب هكسرها

المشاركة الأصلية كتبت بواسطة semsem kane

ال rb اضيق من النيسان صنى على فكرة فى الكنبة الخلفية وفى الامام تقريبا الاتنين واحد

بالنسبة للتقفيل النيسان صنى فيها مشاكل مع التقفيل عموما لكن كعربية كويسة جدا واعتقد يعنى انتى مش هتجرى بسرعة او تعملى حركات شبابية يعنى هتبقى سواقتك هادية اخرك 100 مثلا

الهيونداى عموما فى ال budget اللى حضرتك قايلة عليها هتكون فاضية تماما وطبعا الهيونداى ليها ميزة انها بتبقى محركها هادى جدا قبل ال2500 لفة بعد كدة بيعلى + ان بيبقى العزل فيها كويس + والاستهلاك بردة بيبقى معقول يعنى بتعمل تقريبا 180/190 داخل البلد

قطع غيار الهيونداى غالية مش رخيصة وخصوصا الفوانيس والزجاج والكلام دة

بالنسبة لعيوب هيونداى انها مابتنزلش بمانع سرقة الا فى اعلى فئة فقط وساعات مابيبقاش فية فحضرتك لازم تحطى فى اعتبارك ان العربية تتركن فى جراج او ماتتسابش برة فى اماكن مجهولة عشان انتى عارفة ان السيارات الجديدة بيبقى عليها العين اكتر

النيسان صنى فيها كل عوامل الامام + immoplaizer+ abs - 2 airbag - ebd - ba system



الكيا ريو محدش جربها بس انا ركبتها هية واسعة من من الخلف مش ضيقة العربية كويسة كمجمل لكن كعيوب بقى والكلام دة مابيبانش دلوقتى بعد اول 5000 الاف كيلو بتبدأى تقييم العربية صح

طبعا الشكل لصالح ال rb + شكل العدادات + شكل ال cd كل دة بيدى منظر للعربية + العربية ناعمة وبتجرى بس بعد 120 مانحكيش تجرى اكتر من كدة لان الثبات هيكون بيضيع

دية كدة مقارنة سريعة مابين الاتنين اللى فى نفس الفئة وعمليا الصنى امان اكتر لكن الrb انعم الكنبة الخلفية فى نظرى الصنى اوسع منها قليلا

فية كمان مشكلة فى الrb ان ابعدها صعبة جدا وكمان مجال الرؤية الخلفى يكاد يكون معدوم لان الزجاج صغير جدا ودية كمان مشكلة فى ال ريو 2012

وللحديث بقية عشان ماطولش عليكى

والله مش عارفه أشكرك أد إيه على المقارنه اللى إنت عملتهالى دى قولت كل اللى كان نفسى أقوله عن ال rb ومكنتش عارفه أقوله إزاى لإنى نزلت بالفعل وشفتها بس بصراحه محستهاش مش عارفه ليه وكمان الكنبه الخلفيه تحسها ضيقه اوى يعنى لو فى حد طويل شويه قاعد ورا هيتضايق أكيد لان سقفها واطى صح ولا أنا غلطانه

اعتقد الالنترا فيه منها لسه 2011 زيرو الشكل القديم و بتعمل في رانج 100000 اوتوماتيك