كورولا 2007 1600 و لا لانسر بومه زيرو

**S O P H O S** · 03-04-2012 03:43 PM

بص انا معايا كورولا الاثنين متقاربين في راي في القيمة لكن التويوتا اكثر اعتمادية والخ
لكن كشكل اللانسر كثبات اللانسر كفرحة العربية الجديدة اللانسر حاجات كتيرة اللانسر وعلي الاقل مش داخلة فخمس سنين زي الكورولا
بص راي ده مش تقليل من الكورولا لا بالعكس هي اعلي من اللانسر فحاجات كتيررررررررررر اوي بس انا قولت اقولك السلبيات فقط ___ فالنهاية لو مكانك هشتري الجديد حتي لو المستعمل اعلي بفارق بسيط
صدقني فرحة الجديد والكمليات افضل لان لو المستعمل ممكن تحس انك اتسرعت
الاثنين محترمين جدا بس لو بالسعر ده صدقني اللانسر وخصوصا لو انت سنك مش كبير اللانسر هي الي هتناسبك
مجرد راي فقط
وربنا يفوقك للخير والافضل

تقبل مروري اخي الكريم

**Dawns_Mist** · 03-04-2012 04:08 PM

المشاركة الأصلية كتبت بواسطة roffa1

1600 مش 1300
أحب أقولك جرب ركوبها الاول قبل ماتتكلم

المشاركة الأصلية كتبت بواسطة roffa1

دى عربيه ماسكه سعر جامد أوى
أدخل على كونتاكت كار وشوف سعر العربيه دى ايه 2007. 1600

يا أفندم بقول لحضرتك عندنا محل قطع غيار استعمال خارج في اسكندرية و بنتاجر فيهم يا باشا .. تقولي جرب ركوبها !!!
والله العظيم و رب ديني و ربنا يشهد عليا من شهرين 1600 كورولا 2008 أوتو متجنطة كمان 85 ألف جنيه يا باشا .... انزل للمحل بتاعنا ( اسكندرية - ش 13 متفرع من ش 45 عصافرة - محل أبو عمرو لقطع غيار تويوتا ) و احتمال كبير تلاقي هناك عربيتين معروضين للبيع مع جوز أختي هناك ، و شوف أسعارهم على أرض الواقع و سيبك من الأسعار المستعمله اللي على النت .. لإن على النت اللي بيعرض بيطلب اللي هو عايزه بالتالي أكيد هيطلب سعر عالي ... لكن في السوق الكلام بيختلف ...

2005 كورولا 1600 أوتو كاملة ... كانت معايا فترة كبيرة قبل ماشتري عربيتي البومة . قعدت معايا 3000 كيلو يا باشا .. و بقولك البومة تسارع أفضل و موتور أقوى و ثبات أعلى .... الكورولا عفشتها طرية و قعدتها مريحة و ممكن تلاقي كماليات بسيطة جدا أكتر و ممكن تحس إن العزل كمان أحسن ... غير كده مافيش شيء تتفوق فيه كورولا عن لانسر في كل الفئات ...

آسف لأسلوبي .. بس أنا والله ماعايز أتعصب لعربية عن عربية .. العربيتين دول جامدين جدا .. كورولا و لانسر مافيش خلاف عليهم .. لكن مافيش واحده فيهم تعلى على التانية .. الاتنين راسهم براس بعض على طول الخط .. و كلام التجار بقى بتاع علامة تويوتا و الكلام ده على أرض الواقع لما تركب العربية مش هتشوفه لما تمتلك العربيتين دول لسنين طويلة ..

بالتالي التفكير المنطقي و الطبيعي إن مدام الزيرو بسعر المستعمل .. يبقى نجيب زيرو .. بس هو ده كلامي ...

**Hossam_hassan4** · 03-04-2012 04:40 PM

صح لو مستعمل بالسعر ده شوف باسات و ممكن بي ام كمان و الفرنساوي العربيات اللي معروف ان سعر اعاده بيعها منخفض و ده مش بيبقي عيب في العربيه دي ثقافه شعب مش اكتر غير كده بقي يبقا الانسر احسن اكيد دي wolex wagon EOS مستعمله ب 120 و عربيه كابورليه

**assaf** · 03-04-2012 06:53 PM

لانسر زيرو
ازاي تدفع 115 الف في عربيه مستعمله وعندك خيار بنفس الكفائه زيرو

**mostafa53** · 03-04-2012 07:19 PM

السلام عليكم ورحمة الله وبركاته
رغم اقتناعى إن الكورولا أعلى من الانسر فى الراحة والكماليات وقطع غيارها معمرة وموديل 2007 هايل, لكن سعرها اللى انت قلته فعلا عالى والزيرو له رونقه وبتستمتع بالسيارة 50-60 ألف كيلو على الأقل من غير ماتغير فيها حاجة وتربيها على إيدك بالإضافة لأن اللانسر برضه كويسة وإن كانت أقل نسبيا من الكورولا لو الاتنين زيرو

**Unendlich** · 03-04-2012 09:08 PM

المشاركة الأصلية كتبت بواسطة Dawns_Mist

سبحان الله ... أنا بس مستغرب من اللي بيقول كورولا ... يعني الراجل يشتري عربية موديل 4 سنين فاتت .. و يدفع فيها فوق الـ 100 ألف جنيه يا جماعة !!!!
سبحان الله العظيم ....
الكورولا لما نزلت في 2007 الزيرو أعلى فئة كان بـ 110 ألف جنيه و 2008 كان 115 ألف جنيه ....
معقول الراجل يشتريها دلوقتي و هي استعمال 4 سنين ماشية 45000 كيلو و راشه بره ... و يشتريها بـ 100 ألف يا جدعان ... هي ده معقول بالله عليكم !!!
لو الكورولا دي 80 الف أو بالكتير أوي 85 ألف .. حلو جدا .. هقولك اشتريها وانت أولى بالفلوس .. لكن أزيد من كده مليم ماتستحقش أبدا .......

آسف على المداخلة يا جماعة .. و ده رأيي الشخصي ..

2008 ده الشكل الجديد
ال baseline بتاعها كان 138 وال highline 160 (الكلام على ال 1600 MMT)

المشاركة الأصلية كتبت بواسطة Dawns_Mist

الانسر اللي مكتوبة هنا دي يا أفندم في البروفايل بتاعي هي عربيتي الشخصية اللي بإسمي و من فلوسي ... لكن أنا مش كاتب باقية عربيات البيت أو العيلة .... فمش معنى إني مش كاتب إني أمتلك كورولا يبقى أنا مش عارف حاجة عن الكورولا أو ماسوقتهاش

جوز أختي يمتلك كامري ملاكي موديل 95 ... و لسه قريب جداااا شاريين أخت عربية سيادتك كورولا 2003 أوتو 1300 ماشية 100 ألف كيلو بـ 60 ألف جنيه مصري ( و أنا مستغرب جدا جدا إزاي انت شاريها بـ 80 ألف ) .. و في 2005 كان عندنا كورولا زيرو 2005 كاملة ... و سوقتها في اسكندرية 3000 كيلو و كانت معايا لوحدي الفترة دي .... واحد من أعز اصحابي عنده كورولا زيرو 2010 هاي لاين ، و ياما سوقتها ، و إصدارات تويوتا دي بالذات أكتر إصدارات سوقتها في حياتي من كل الفئات ، من الإيكو للياريس و الكورولا و الكامري و أفينسيس و البرادو ، سوقتهم أكتر ما سوقت عربيتي .... و مافيش إصدار نزل في الكورولا من ساعة مانزلت ماسوقتهاش ، و مافيش إصدار نزل في لانسر ماسوقتوش ....... و عندنا في اسكندرية محل قطع غيار تويوتا فقط بكل أنواعها لحد الميكروباص ..

و بقول لحضرتك كلام واحد ساق التويوتا كتير و الميتسوبيشي كتير .... و كلام واحد مهندس ميكانيكا كمان ... الكورولا و الانسر من ساعة مانزلوا .... و هما الاتنين نفس الفئة .... يعني دايما الكورولا راسها براس لانسر و العكس صحيح ... و كل إصدار هتلاقي تويوتا تتفوق مرة في حاجة و مرة تانية لانسر تتفوق في حاجة تانية .. و هكذا ... و أي حد يقولي غير كده يجيبلي دليل عملي بالأرقام إن كورولا فئة أعلى ..

وبعدين بعيدا عن لانسر أو كورولا ......
هل منطقي إن يكون فيه عربية الزيرو بتاعها بـ 110 ألف ... و تشتريها اسمتعال 4 سنين بعد 45000 كيلو بـ 100 ألف جنيه ؟؟؟؟؟

أنا صحيح بحب اللانسر البومة قوي (بالذات ال CVT) انما لاحظ إن الكورولا بايعة 1,141,709 عربية في 2011 (أعلى سيارة مبيعا على وجه الكرة الأرضية) في حين إن اللانسر مش بايعة 1/10 من الرقم ده. و طالما ال 2 سعرهم قريب و نفس الفئة ليه ال 1,141,709 مغفل اللي اشتروا كورولا ماشتروش بفلوسها لانسر ؟!
و على فكرة السيفيك أقرب المنافسين بايعة 555,071 عربية, و ده لا يقلل من السيفيك في شيء انما يوريك إن الكورولا دايما اسم من دهب عالميا

**amr_2010** · 04-04-2012 01:29 AM

لو الكورولا حالتها كويسة و متأكد منها اتوكل على الله و خلص فيها و مش حتندم ان شاء الله
الشكل ده بالذات ماسك سعر جامد اوى

**Dawns_Mist** · 04-04-2012 02:09 AM

المشاركة الأصلية كتبت بواسطة unendlich

2008 ده الشكل الجديد
ال baseline بتاعها كان 138 وال highline 160 (الكلام على ال 1600 mmt)

أنا صحيح بحب اللانسر البومة قوي (بالذات ال cvt) انما لاحظ إن الكورولا بايعة 1,141,709 عربية في 2011 (أعلى سيارة مبيعا على وجه الكرة الأرضية) في حين إن اللانسر مش بايعة 1/10 من الرقم ده. و طالما ال 2 سعرهم قريب و نفس الفئة ليه ال 1,141,709 مغفل اللي اشتروا كورولا ماشتروش بفلوسها لانسر ؟!
و على فكرة السيفيك أقرب المنافسين بايعة 555,071 عربية, و ده لا يقلل من السيفيك في شيء انما يوريك إن الكورولا دايما اسم من دهب عالميا

أنا ممكن أجيب لحضرتك مئات العربيات أقل من الكورولا 2011 في السعر و أعلى منها بكتير في الإمكانيات و مبيعاتهم أقل من الانسر كمان و حضرتك عارف كده كويس مدام حضرتك متابع كويس في السوق .. و آديك قولت بنفسك إن السيفيك مبيعاتها أقل بالنص من الكورولا رغم إن مافيش مقارنة بين السيفيك و الكورولا ...

الراجل الطيب اللي اتكلم من شوية و قال كلمة ( هي مجرد ثقافة شعب ) و شعب مصر مايفرقش كتير يعني عن باقي الشعوب .... بعيدا عن كلمة تويوتا و كلمة ميتسوبيشي اللي أنا عارف طبعا إن قيمة علامة التويوتا أغلى من قيمة علامة ميتسوبيشي قطعا بدون فصال ... بس خلينا نقارن عربية بعربية بعيدا عن قطع الغيار أو التوكيل أو إعادة البيع ....
أنا رأيي إن مقارنة عربية بعربية لانسر 2007 مع كورولا 2007 الاتنين راس براس .. الكورولا مريحة أكتر لكن اللانسر أقوى و أثبت .... مقارنة الشارك بالكورولا 2011 .. الشارك تتفوق برضه في نفس الكلام القوة و الثبات و كمان في الكماليات في الهاي لاين .. و الكورولا أفضل في الراحة الداخلية و العزل و الخامات .... بالتالي قيمة فلوس مقابل عربية .. أنا مازلت شايف إن ماينفعش أبدا أشتري بـ 115 ألف كورولا 2007 حتى لو كانت بتطير ...

**TOOLA** · 04-04-2012 04:13 PM

بص عشان هتوه من الناس هنا, أولا عرف السوق فى مصر, لو سألت أى حد فاهم فى السوق و العربيات هيقولك خد الكورولا طبعا انا مركبتش الأثنين كتير, بس سوقتهم عموما, الكورولا أنعم بفرق ملحوظ و بحس ان خامتها الداخلية و عزل الصوت افضل من اللانسر و بالطبع اكثر اعتمادية من اللانسر و فرق السعر ما بينهم مش جى من فراغ كمان (على فكرة انا لا معايا ديه ولا ديه و قبل كده كان معايا اى حاجة منهم فرايى يعتبر حيادى) ,يعنى لو الكورولا ضامن حالتها (و ديه أهم نقطة) يبقى استخير و اسال على سعرها فى السوق و ماتسيبهاش و اللانسر لو فكرت تبيع هتخسر فى سعرها شوية (لأنك جايبها زيرو و هتبعها استعمال), لكن الكورولا طول ما حالتها كويس بتقدر تتشرط و انتا بتبيع براحتك.