الموضوع: تبديل العجل

المشاركة الأصلية كتبت بواسطة beshomilan

طب ودى هتتعمل ازاى؟؟
انا هفك مثلا الكاوتش قدام شمال وبعد كده اسيب العجله فاضيه وافك اللى ورا يمين ازاى
انا اقصد ازاى هرفع العربيه من الجانبين؟؟ده حتى لو بأتنين كوريك مش هتفع
معنى كده ان لازم العربيه كلها تترفع فحته واغير الاربع عجلات فنفس الوقت واربطهم ولما تنزل الارض تفرط عليهم...
مفيش طريقة اقدر انفذها انا؟؟

بص يا معلم،
طبعاً في طريقة سهله جدا و هي انك تروح لبتاع كاوتش يعملهملك و نخلص.
بس بما انك غاوي عذاب و بتحب تعسف نفسل ف يا سيدي عندك طريقتين بإستخدام كوريك واحد و هم كالتالي:
الطريقة الأولى:
انك تستعمل الفردة الزيادة إللي في العربية إللي اسمها إستبن لا مؤاخزه يعني
و ده عن طريق إنك تركبها مكان العجلة إللي إنت محتاج تبدلها و هكذا (بس الطريقة دي ها تخليك تخلص العربية في ست خطوات) يعني ها تعمل عملية الفك و التركيب ست مرات.

الطريقة التانية:
إنك ترفع العجلين إللي قدام و تبدلهم مع بعض حرف x
و بعدين تنزل العربية و ترفع الجنب اليمين و تبدل الوا قدام و القدام ورا
و بعدين ترفع الجنب الشمال و تبدل الورا قدام برضو
و بعد كدة ترفع قدام تاني و تبدل العجلتين إللي قدام مكان بعض x. و بكده تبقى حليت الموضوع في 8 خطوات

و بكده يا معلم تبقى بدلت الكاوتش لوحدك

بس انا بقى عاوز اقولك على حاجه، انا قولت أريحك و أعرفك الحل على أساس إنها فزورة و يلا بينا نحلها.
و لكن يا راجل يا طيب ريح دماغك و بالش عقد و روح عند أي بتاع كاوتش يعملهالك و مش هائولك تعالى عندي أحسن تفتكرني بعمل عليك شغل ولا حاجه

تؤمرني يا معلم

محمد يسري
01006541113
01120011222