الموضوع: ابيزا - ليون - قاشقاي

المشاركة الأصلية كتبت بواسطة mmbadroo

حضرتك ليه اخترت التقييم "توب جير " وتركت التقييم الأخر وهو أكثر أعتمادية
والمعروف عن "توب جير" أنه موقع إنجليزى وله تحيزات كثيرة فبرجاء مراجعة نفسك علشان عدم التضليل ,
وبعدين كل الواقع دية تقييمتها بعيدة عننا تماما . يعني مين يصدق انه على نفس الموقع سيارات فارهة جدا" وتقييمتها أقل من 8 . يعنى عربية تمنها فى مصر يعدى مليون جنيه ومنهم الBMW علي سبيل المثال وليس الحصر علشان فى عربيات أعلى منها كمان والموقع "توب جير " قيمها ب 7 من 10 ,
والكلام ده مش توب جير بس بالعكس كل المواقع ليها تقييمات احنا ملناش دعوة بيها عل الإطلاق والكلام ده أو الدرجات دية لو أخذنا بها يبقى أحنا بيضحك علينا لأننا لنا معايير تانية خالص ممكن أطرحها لسيادتك بعد كده وعلشان مطولش أكثر من كده وتأكيد لكلامى . هل تعتقد ان >BMW.X1 تقييمها أقل من السبورتاج أو القشقاى طبعا يبقى احنا كده بنضحك عل نفسنا > بس هو ده الواقع وبالدليل خش وشوف
Compare Cars | CarBuyer

وحضرتك ليه مجبتش تقييم whatcar
Compare Comparision - What Car?
المواقع دي اساسا اغلبها بيبقى تبع معارض كبيرة

بدليل لو بصيت في اليوتيوب حتلاقي المعرض اللي بيعمل منو تست على العربية

مكتوب على النمرة مثللا best buy
وتوب جير مش متحيز ولا حاجة بالعكس ده حاطط تقييم تفصيلي

انت مشفتش لما بيمسكو الرينج روفر ويمسخروها رغم انها انجليزية

وطلعو ال السكودا yeti افضل من الرينج روفر كراحة داخلية

ومسكو المايباك ومسخروها عشان مقولة ان تكييفها اقوى من 130 تلاجة

طب يعني مشفتش مثلا تقييم الكيا سول واخدة 13 من 20 على فكرة

يعني مفيش تحيز هو حضرتك دخلت وشفت عربية بتحبها واخدة تقييم قليل فزعلت وخدت انطباع التحيز عنهم

وعلى فكرة في معارض في اوروبا بيكتبو على العربية ستيكر recommended by top gear
والتقييم لبعض العربيات بيكون قليل عشان سعرها مثلا مقارنة بعربية اقل في السعر وتكاد تكون مقاربة في المواصفات والاعتمادية
يعني عربية بي ام مثلا بيقارنوها بعربية فولكس نفس القئة بس السعر اقل
ده مثال يعني مش شرط السعر يكون مبدا

انت دخلت حطيت مقارنة وانا دخلت عملت نفس الموضوع

مش عارف ليه خدتها على قلبك

هو التحيز يعمل كده ياريت يبقى فيه سعة صدر وكل واحد بيبني اختياراتو على معادلة رابحة بالنسبالو

وعمر ما الحاجات دي كانت مقياس اساساااااا