متااابع معاك لاني في حيره قريبه منك. برضه بس انا مايل اكتر ل c4 و ان شاء الله احتمال كبير اجيبها بس قولي لما عملت التيست درايف ايه اخبار السحب و الموتور و خامات التابلو و الفرش و لو احتجت اي معلومات انا بقيت افهم فيها شويه من الريفيوهات علي النت
متااابع معاك لاني في حيره قريبه منك. برضه بس انا مايل اكتر ل c4 و ان شاء الله احتمال كبير اجيبها بس قولي لما عملت التيست درايف ايه اخبار السحب و الموتور و خامات التابلو و الفرش و لو احتجت اي معلومات انا بقيت افهم فيها شويه من الريفيوهات علي النت
طيب حضرتك بعد كل التقرير المفصل ده لسه محتاج رأي حد فينا .. يا باشا ده احنا كده اللي هننتهز الفرصة و نستفيد من خبرتك و رأيك ....
عموما برضه هحط نفسي مكانك و أقولك رأيي الشخصي ... و هناخد في الاعتبار إننا بنقارن عربية بعربية بعيدا عن إعادة البيع ... و هنعتبر كمان إن كل صياناتنا هتبقى في التوكيل ...
هقيم السيتريون على راس القائمة ... الأفضل من الداخل إجمالا ... أداء جيد جدا .. ثبات رائع .. عيبها الوحيد فعلا إني مضطر أروح للتوكيل .. لكنها معروفه إن مشاكلها قليلة و شكلها الجديد جميل جدا ..
تيجي الفوكس في المرتبة التانية .. ولو كانت الفوكس أرخص 15 ألف كنت هحطها في المقام الأول لإن الوكيل بتاعها هو الأفضل و قطع غيارها داخل التوكيل أسعارها كويسه جدا .. عربية متكاملة و دي أقل كلمة هقول عليها .. و خوفك من مشاكل الفيتيس ليه مبرراته طبعا بعد اللي شوفناه من فولكس بس شوف باقي الريفيوهات على النت هتلاقي ناس تانية كتير بتشكر في الفيتيس ....
أسترا .. يعيبها توكيلها و قطع غيارها ... كنت اتمنى كمان آخد منها أداء أقوى لكن التربو بتاعها غالي أوي ..
الشارك لو كانت بكل الكماليات كنت هحطها بعد الفوكس مباشرة ... رغم إن سواقتها لا تقل في المتعة أبدا عنهم .. و قوية جدا . و ثبات جيد جدا ... و قطع غيار مناسبة و منتشرة خارج التوكيل ... لو هندور على عربية عملية جدا مش هنلاقي أحسن منها .... لكن تقييم عربية مقابل عربية هي الأقل في مواجهة الباقيين ....
لأ طبعا,
موتور الفورد Duratec 1.6 Ti-VCT أقوى من موتور الأوبل Ecotec بالأرقام, وأعلى فنيا وتقنيا..
- موتور الفورد فيه VVT عـ الكامتين (intake/exhaust).. بيطلع 125 حصان-160 نيوتن.
- موتور الأوبل فيه VVT على كامة واحدة (الـintake).. قوته 115 حصان-156 نيوتن.
وأرقام التسارع:
الفوكاس من 0-100 فـ 10.9 ثانية (السيدان كمان), وتوب سبيد 198 كم/س.
الأسترا من 0-100 فـ 12.3-12.6 ثانية.. وتوب سبيد 185 كم/س..
هنتكلم سواقة وتجربة فعلية: الأسترا العادية (مش التربو) بطـــــــة, والفتيس الأوتو قاتلها.. القديمة H بالأيزيترونيك (رغم مشاكله) كانت أسرع بكتييييييير..؟!!
مفيش الكلام ده ياباشا,
من 2005 (أول ما VW عملت الـTSI, وفيات عملت الـT-JET).. وهما اللى كانوا بدأوا الـTrend بتاع Downsizing+Turbocharging
لحد دلوقتى, مواتير التربو شغالة ومفيش مشاكل.. ولا أداء بيقل ولا بتاكل زيت ولا الهواء..؟!!!
- فيه مواتير T-JET هنا فـ مصر معدية الـ100 ألف كم, وعلى FiatForum مواتير معدية 150 ألف كم وبيقولك: Great Engine; Not a single drop of Oil burned
- أعرف واحد معاه جولف5 TSI (وكان جايبها غالية بأفورة).. عامل 120 ألف كم, والعربية لسه بتجرى زى الصاروخ.. مفيش الهواء؟؟!!!
اللى عايز أقوله:
ان الـMaterial of Construction بتاع البلوكات ووشوش السلندرات اتقدمت جدا, بقت أكثر صلابة, أخف وزنا.. وأعلى فـ تحمل درجات الحرارة.
التربوهات نفسها, الشركات اللى زى Borg-Warner/Garrett/IHI وميتسوبيشى بقت تعمل تربوهات صغننة جدا (لعبة) بس بـLow-inertia/High-Boost
التربو الـIHI/Garrett فـ مواتير الـT-JET بيبقى تيتانيوم-ماغنيسيوم.. وبيلف لحد 250,000 rpm (أيوه 250 ألف) وبيستحمل حرارة لحد 950 درجة سيليزيوس..؟؟!!!
أيه اللى يخلى شركات زى فورد وGM ورينو تعمل زيهم..؟؟
- GM-opel عملت مواتير 1.6/1.4 Ecotec Turbo
- فورد عملت مواتير 1.6/1.0 Ecoboost
- رينو/نيسان عملت مواتير DiG-T/TCe 1.4/1.6 تربو
- حتى BM هتلغى مواتير الـ16i/20i/30i وهتبدلها بمواتير ti تربو..
كله بيعمل كده عشان استهلاك الوقود, انبعاثات العادم والجمارك طبعا.. مفيش بلوكات كبيرة وCC عالية تانى غير فـ الـPerformance..!!
برضه الكلام مش صحيح,
البرافو الـ120 حصان تربو (اصلا اسمها T-JET)..
البرافو الـ150 حصان تربو...
والبرافو الجديدة الـ140 حصان MultiAir برضه تربو..
الأبارث بونتو أيفو EsseEsse الـ180 حصان تربو..
الأبارث 500 Assetto Corse الـ205 حصان تربو
وكلهم مواتير 1400cc, مفيش موتور 1.4 N/A هيطلع 200-270 نيوتن من غير شحن-اجبارى..؟؟!!!
قلبي وعقلى بيقولى الـ c4 يا ربي عربية تحفة يا رب اوعدنا بيها يا رب
شوف انت وقلبك طالما انت اللى هتركب اختار اللى يرحيك
بالنسبة لجزئية الفتيس الـPowerShift بتاع الفورد..
لما نقارنه بفتيس الـDSG بتاع فولكس, أو بأى فتيس Dual Dry-Clutch (مش Wet لأن الشركتين برضه عندهم نسخ Wet-Clutch للمواتير الأقوى)..
أنا بتكلم على الـ7-سرعات Dry-Clutch بتاع فولكس.. والـ6-سرعات Dry-Clutch بتاع الفورد اللى بينزل على الفييستا والفوكس.
هتلاقى:
الأثنين عليهم نفس الكومنتات (اللى غالبا بتيجى من الـConsumer المتعود على الأوتوماتيك الصرف)..
Hesitation فـ الزحمة.. مش عارف يختار انهى نقلة, Jerking فـ الـDeceleration ورجرجة العربية, النتشة الجامدة فـ الـDownshifts... وكده.
رأيى, (بعد تجارب لفتيس الـVW فـ كذا عربية.. وتجربة واحدة للنسخة الـWet-Clutch بتاع الفورد فـ الفولفو S60):
ان كل اللى اللى الشركتين بيحاولوا يلعبوا/يحسنوا/يتنافسوا فيه هو:
الأداء و سرعة النقلات, نعومة النقلات.. واستهلاك البنزين..؟؟؟!! وفـ الآخر هتجد ان الفروق بسيطة برضه!!
ولو انى متفائل بفتيس الـPowerShift أكثر, لأنه من تطوير شركة Getrag الألمانية...
آه الـDSG برضه عاملاه شركة ضخمة (Borg-Warner الألمانية), بس مش متخصصة أوى فـ الفتيسات الرياضية زىGetrag اللى بتعمل فتيسات لفيررارى و BMW ///M.
رأيى فـ المقارنة:
1- فورد فوكاس
2- أوبل أسترا
ونفض للـ2 التانيين (الشارك والـC4).
بالتوفيق فـ الأختيار isA,
طبعا مع احترامي لتفاؤلك لفتيش الفورد - بس أنا مش عايز أجيب عربية أنا اتعود عليها - أنا عايز أجيب عربية هي تتعود عليا :) وبصراحة ما عنديش ادنى استعداد يجيلي ثابته قلبية لما يحصلو مشاكل - أنا قراءة الرفيوس عالية بره مصر واللي قراءته مهبب بصراحة - أنا أصلا وضعت بعض الرفيوس في أول اشتركاتي في هذا الموضوع
تمام و فيها فاميه برضو .. انا شايف فيها كل حاجة بصراحة الا البانوراما ديه الحاجة الوحيدة اللى نقصاها :hitwall3: و الموتور 120 حصان 160 نيوتن و موتور بتاع مينى كوبر فعلا
عز العرب فعلا مش سىء اوى للدرجة ديه .. يعنى ليه عيوبه زى كل التوكيلات فى مصر و ليه مميزات برضه .. اعادة بيع الشكل القديم فعلا وحشة .. بس حضرتك لو جبتها يعنى اظن مش هتحتاج تغير الا مثلا لبى ام او مرسيدس .. حضرتك الوحيد اللى ممكن تكون شايف التغيير ده هيحتاج وقت قد ايه .. لو قدامها شوية لسه بعد 5 او 7 سنين مش هتفرق كتير عن العربيات التانية اللى مختارها فى النقطة ديه ..عدم وجود فتحة السقف او البانوراما عيب كبير فعلا فيها ..
تكييف بكر برضه حاجة مش ظريفة بس مش مشكلة كبيرة اوى .. معقدة يعنى هى فعلا مش سهلة اوى و مش اى حد بيفهم فيها بس بعد فترة .. هتلاقى ناس برة بتفهم فيها زى ما حصل مع الموديل القديم .. و كده كده اظن حضرتك هتجيب عربية فى الفئة ديه هتتعامل مع التوكيل فى اول 3 سنين مثلا
بالتوفيق ان شاء الله