تعديل الجولف 2

**vw3** · 11-06-2008 10:08 PM

معلش انا صغرتهم عشان ينفع أرفعهم...لو تلاحظ مكتوب عليهم ريكارو و لون الباب هو لون الفرش زي أي عربية فا مش هتحس انك لاعب في العربية و جايب من كل بستان زهرة :) .... لأ العربية فابريكتها كدة...بالتوفيق

**mohamed ibiza** · 12-06-2008 12:36 AM

المشاركة الأصلية كتبت بواسطة madawbs

ياباشا اوجزت وافدت بس ماتعرفش تمن المفصلات بتاعت البيبان بكام ؟؟ وبتتعمل فين

بحوالي 2000 جنيه و بتتعمل في الحرفيين

**madawbs** · 12-06-2008 09:29 AM

والله مش عارف اقولكوا ايه على المعلومات المفيدة دى ربنا يكرمكوا جميعا وياريت مكان المحل بتاع الجنوط الى فى الطالبية علشان اروحله قبل ماروح الحرفيين وإن شاء الله هاخد جولة على السروجية هناك واظبط موضوع الكراسى الكهربا والف الف شكر ليكوا جميعا

معلومة بايخة عرفتها امبارح الميكانيكى قاللى ان سعر الموتور 1800 بعفشته والتكييف والباور والفتيس اوتوماتيك 10000 جنيه بس بيتهيألى انه بيشتغلنى هاشوف ميكانيكى تانى وربنا يسهل لانى خايف انزل الحرفيين او بورسعيد لوحدى لانى اكيد هاتخم

**3mr Farrag** · 12-06-2008 02:30 PM

بص ادخل الطالبيه فيصل...
امشي شويه بعدين هتلاقي الطريق بيلف يمين....
مافيش كام متر هتلاقي محلين جنب بعض بتوع قطع غيار...و هتلاقي الجنوط محطوطه بره
بس ممكن تحاول تظبط معاه لو جاتله حاجه يكلمك مثلا....و بس

**madawbs** · 12-06-2008 06:30 PM

شكرا ياباشا وان شاء الله اول ما اشترى هاصور وابعت الصور على طول

**ahmed1981** · 13-06-2008 06:21 PM

أولاً أرحب بالزملاء الجلفاوية

المشاركة الأصلية كتبت بواسطة madawbs

اولا: هاغير الموتور بواحد 1800 انجيكشن وبفتيس اوتوماتيك ( وياريت لو حد يقوللى لو يعرف هل فيه فرق فى استهلاك البنزين ولا لأ لان واحد صاحبى متبهدل من البنزين موتوره 1800 كاربراتير).

أكيد الإستهلاك هيبقى أكثر
وعن نفسي فكرت في هذا لفترة لكن رجعت عن قراري (سيارتي 1300 CC)

المشاركة الأصلية كتبت بواسطة madawbs

وبرضه عاوز اسأل لان الميكانيكى الى باتعامل معاه قاللى احسن بدل مانجيب موتور 1800 لوحده اننا نشترى ربع عربية استيراد كامل وناخد منه الى احنا عاوزينه علشان نوفر شوية فلوس حيث ان الموتور ال 1800 الكويس فاضى بيعمل حوالى 4000 - وده لسة كلام الميكانيكى - ( وطبعا الكلام ده كان قبل زيادة البنزين فممكن يكون السعر قل شوية عن كدة دلوقتى ) والربع الى هو بيقول عليه ده هايتكلف حوالى 6500 ومش هانرجع نقول عاوزين خراطيم ولا سربنتينة ولا اى حاجة خالص لاننا بندور ونجرب قبل مانشترى

4000 إيه !!
الواقع أغلى من كده

المشاركة الأصلية كتبت بواسطة madawbs

وبعد كدة نشوف طقم جنوط وكاوتش كويسين بس قلقان من الصينى لو ربنا وفق فى طقم ايطالى بسعر كويس يبقى هايل وعاوز اسألكوا بالنسبة لمقاس الكاوتش هو المقاس الحالى 14/70/175 وده الى فى الكاتالوج وانا مستريح فيه جدا والعربية لغاية 185كم مستريحة وثابتة على الطريق تمام التمام هل حد ينصحنى اغير ل15/50/195 ولا خلينا زى ماحنا ؟؟

كان راكب عندي في الجولف 14/60/195 وللأسف كان بيحك ورا في الفجاوي
وإضطريت أشتري جوز خلفي 14/60/185 وهذه هو أفضل مقاس

المشاركة الأصلية كتبت بواسطة madawbs

ثالثا : الدهان انا عربيتى لونها ابيض هل حد ينصحنى بتغيير اللون ولا خليه زى ماهوه واحطله استيكارات تروش الموضوع شوية لان فيه ناس خوفتنى من انى اغير اللون لانهم قالولى انى لازم ارش القوايم بتاعت البيبان وده طبعا انا رافضه لان العربية فابريكا دواخل وواحد قاللى ان ممكن مارشهمش وارش من برة بس ده طبعا هايخلى منظر العربية مش حلو .

على العموم انا لو هاغير بافكر فى الرمادى الميتاليك او الفضى او الفيرانى

ممنوع منعاً باتاً تغيير لون السيارة لأن هذا يطعن في سمعتها وتاريخها

**madawbs** · 14-06-2008 12:32 PM

المشاركة الأصلية كتبت بواسطة ahmed1981

4000 إيه !!
الواقع أغلى من كده

والله من 6 شهور بس كان ده السعر ودلوقتى بقى من 7500 الى 10000 للاسف بس ان شاء الله ربنا يسهل واجيبه

**Xpert** · 15-06-2008 02:17 AM

باشا ... ناسف للتاخير بس ماعرفش ان الموضوع اتحول كده من الاول ..
المهم يا باشا ندخل للمفيد :
الجولف خليك في موتور 1600 انجكشن و مانوال ... لسببين ... اليومين دول رفعوا الرسوم الضريبيه و غير كده استهلاك البنزين .. لو 1600 انجكشن هاتبقي في المضمون .. حاول تجيب الموتور موديل حديث من جولف 3 مثلاُ ...و تجيب عفشه و فرامل و سيرفو الجولف 2 1800 سيسي ..
بأي حال من الاحوال مالتغيرش اللون نهائياُ ... بس ممكن ترش درجه لون تفوق بيها العربيه ... شوف انت لونك ايه و ممكن انا اساعدك في درجه لون ...
بالنسبه للتابلوه تابلوه الجولف 2 او 3 او كمان الفولكس كورادو بيركب عندك .. و انا ارشحلك : الكورادو لو لقيته .. و بعديه الاوريجينال بتاع العربيه و ممكن تكسيه جلد بلون ابيض سكري مثلاُ ...
باور و تكيف و الكلام ده .. طبعاُ ده شيء مستحب ..
الجنوط اللي هاتشتري من عنده هاتلاقي عنده جنوط استيراد اقفش واحد لا يتعدي ال 16" و يكون شكله تمام علي العربيه ...
طبعاُ سعاتك ذكرت ان عربيتك لونها ابيض ... ممكن ترش لون ابيض برضه بس يكون سكري مثلاُ .. و لو عربيتك ابيض يبقي انصحلك تخلي الفرش نبيتي و تكسي التابلون نفسه جلد نبيتي و تسيب العربيه ابيض نفس اللون بره ...
الساوند سيستم : اي ام وركنج اون ات و باظبطلكم مع صديق ليا علي الله بس يشارك معانا هنا ...
الكراسي الريكارو يا باشا اوريجينال و ده ماركه من الكراسي زيها زي سباركو ... و ممكن تلاقي كرسيين استيراد بس هايبقوا غليين ...و ميزتها انها بتثبتك في الكرسي باحكام في الملفات ...
البويا الاحسن الاسكينز طبعاُ بس كله شغال .. اتاكد بس انك بتشتريها من واحد عليه ضغط علشان ماتكونش بويا راكده ...
الموتور القديم مالوش تمن و هوه زي ما الميكانيكي ما قال كده بس ارفع السعر معاه علي قد ما تقدر ..
الموتور باي حال من الاحوال يتجاب من بورسعيد و العفشه كذلك .. الباقي براحتك ...
الموتور مش ب 10 الاف جنيه طبعاُ و الموتور هايبقي سعره في حدود ال 5000 جنيه و عفشته حطلها مثلاً 1500 جنيه ... و ممكن ماتاخدش اليايات و المساعدين لو هاتجيب اسبور جديد .. و ممكن تاخجهم و تبقي تتعامل فيهم ... و لازم تاخد السيرفو و الماستر بتاع الفارمل اللي هاتاخدها ..
و شوف يا باشا لو ناويت ممكن اكلملك الدكان بتاعنا في بورسعيد ينظملك الليله و يجيبلك القرار النهائي مين حاجته كويسه و كده .. بحيث انك تنزل عليهم علي طول ..
بالنسبه للالوان : www.paintscratch.com
و الابيض يا سيدي الفاضل : مرسيدس ابيض ميتاليك اسمه Mystic White Metallic Clearcoat 048/0048

و صورته :

**madawbs** · 15-06-2008 09:01 AM