تعديل الجولف 2

**Xpert** · 15-06-2008 10:52 PM

المشاركة الأصلية كتبت بواسطة vw3

على فكرة انا اتصلت النهاردة بتاجر في الحرفيين كنت عنده الجمعة اللي فاتت و سألته على ماتور 1800 Bb الماتور ده حاجته موجودة و ماتور هايل قاللي بعفشته و ضفيرته و الباور و الردياتير لأن الردياتير بتاعه كبير بكل حاجته 4000-4500 و 2000 2e باردوا ده ماتور انا سوقته حلوا قوي ده بارده بكا حاجته و عفشته و التبريد 5000-5500 و الكراسي جلد طبيعي بتاع Bmw E36 (الدبانة) بــ 2000 جنيه يبقى زي السعر اللي جالي قبل كده صالون جولف 2 Gti كامل بفرش الببان في حدود 1500 ....فتحة سقف أصلي بفرش السقف 700 جنيه انت بس تركبهم عند إسلام مشهور بـ 2000 و مش أصلي مش فبريكة...الجنوط 15 تيتينيام واحد صحبي جابهم بـ 1000 جنيه و هو ده رنج الاسعار هناك (الحرفيين) و طبعاً في خصومات مع شراء حاجات كتير...متهيقلي الاسعار ده حلوة قوي خصوصاً انها متخدة النهاردة و قبل الفصال لسه كمان :)

ال 2E و ال PB فعلاً هم المرشحين يركبوا عندك و الاسعار كده حلوه مش وحشه ...لو شغله مضمون و حالته نضيفه شيل ...و الاسعار فعلاُ حلوه مش وحشه ..

**madawbs** · 16-06-2008 07:43 AM

المشاركة الأصلية كتبت بواسطة vw3

على فكرة انا اتصلت النهاردة بتاجر في الحرفيين كنت عنده الجمعة اللي فاتت و سألته على ماتور 1800 Bb الماتور ده حاجته موجودة و ماتور هايل قاللي بعفشته و ضفيرته و الباور و الردياتير لأن الردياتير بتاعه كبير بكل حاجته 4000-4500 و 2000 2e باردوا ده ماتور انا سوقته حلوا قوي ده بارده بكا حاجته و عفشته و التبريد 5000-5500 و الكراسي جلد طبيعي بتاع Bmw E36 (الدبانة) بــ 2000 جنيه يبقى زي السعر اللي جالي قبل كده صالون جولف 2 Gti كامل بفرش الببان في حدود 1500 ....فتحة سقف أصلي بفرش السقف 700 جنيه انت بس تركبهم عند إسلام مشهور بـ 2000 و مش أصلي مش فبريكة...الجنوط 15 تيتينيام واحد صحبي جابهم بـ 1000 جنيه و هو ده رنج الاسعار هناك (الحرفيين) و طبعاً في خصومات مع شراء حاجات كتير...متهيقلي الاسعار ده حلوة قوي خصوصاً انها متخدة النهاردة و قبل الفصال لسه كمان :)

فعلا الاسعار هايلة بس المهم الحالة بالنسبة للموتور والعفشة طبعا الكراسى سعرها 100 100 والجنوط برضه سعرها تحفة ولو انى اشك فى حكاية تيتانيم دى بس لو ايطالى مثلا استيراد وحالتها حلوة تبقى تحفة وفتحة السقف انا باخاف منها مدام مش جاية العربية بيها مهما اتعملت كويس بيتهيألى بتبقى مش مظبوطة

لو ممكن تدينى نمرة تليفون الراجل الى انت كلمته ده وتقوللى اوصله ازاى لانى ان شاء الله يوم التلات 16/6 هانزل اشوف واشترى ان شاء الله

انا لقيت واحد اسمه محمد جولف فى الحرفيين (0120668699/ 0104091958 فى الحرفيين شارع المرسيدس الورشة الالمانية) بيبيع

1600 اوتوماتيك تكييف وباور كاربراتير بعفشته وضفيرته ب 5750
1800 اوتوماتيك تكييف وباور انجيكشن بعفشته وضفيرته ب 7000 قبل الفصال

فطبعا بالمقارنة بالاسعار بتاعتك تبقى اسعارك ممتازة وهاخد ميكانيكى معايا وان شاء الله اجيب موتور كويس

**vw3** · 16-06-2008 07:21 PM

نمرة الراجل 010/5201290 اسمه ابراهيم راجل مؤدب قوي انا ماجربتش حاجته بس واحد تاني قاللي ان حاجته تمام و نصحني انني اجيب الحاجة من عنده و لما رحت لاقيت أسد واقف أمام المحل أسد أسود كوبيه بفتحة سقف و كراسي عمري ما شوفتها قالي انها كراسي جولف 5 كوبيه :)
أما بالنسبة للجنط فهو فعلاً تتنيام مكتوب عليه بالبارز و فعلاً أخف بكتير من جنط الفبريكة الرفيع و 14 كمان مش 15 و كل الجنوط في نفس الرنج ده ... بالتوفيق و لو عايزيين حاجة قولولي أسألكوا عليها انا نازل الجمعة اللي جاية إن شاء الله.

**madawbs** · 17-06-2008 07:26 AM

شكرا ياباشا على المعلومة وان شاء الله هاكلمه النهاردة قبل مانزل اشترى وربنا يسهل ونلاقى حاجة نضيفة

**vw3** · 17-06-2008 07:44 AM

بإذن الله.

**madawbs** · 22-06-2008 09:41 AM

موضوع تغيير الموتور فشل فشلا زريعا بسبب ان البهوات فى الحرفيين مش عاوزين يبيعوا كله على بعضه ولكن عاوزين يبيعوا قطعة قطعة يعنى الموتور بفتيسه لحده والتكييف لوحده (وطبعا كومبريسور بس من غير سربنتينة ولا كويل ولا حاجة ) والعفشة لوحدها والباور لوحده (وطبعا من غير علبة الدريكسيون ) وهكذا يعنى علشان تقفل الموتور عاوز 3 او 4 الاف جنيه كمان فطبعا ده موضوع فاشل فانا نزلت جنطت العربية جنوط فرنساوى استيراد شكلهم جميل وخفاف على العفشة جدا وجبت اربع فرد كاوتش جداد (هانكوك اصلى من اولاد صبرة فى المنيل ) وركبت تكييف Sanden يابانى جديد وكدة بقت العربية 10 على 10 مش ناقص غير شوية سمكرة وبوية وان شاء الله يتعملوا قريب

**momo2000901** · 10-09-2008 02:31 AM

انا من وجهه نظرى انك ترش العربيه رمادى(فيرانى) ودا على ضمانتى بيخلى شكل العربيه رايق وشيك ف نفس الوقت او أبيض(ملكى) زى اللى نازله بيه الهوندا2007 بس اوعى ترش الدواخل بالنسبه للكراسى انا برضو معايا جولف2 جايب لها كراسى ريكارو سعرها1200ج من بنك الاسكان ف بورسعيدوبالنسبه للجنط خليك ف جنط مقاس15 عشان يريحلك العفشه.... واسف لو كنت رديت على موضوعك متاخر

**madawbs** · 17-11-2008 10:59 AM

الحمد لله خلاص استلمت العربية بعد ما غيرت الموتور ل 1800 Rv اوتوماتيك انجيكشن وتمت تجربة الموتور لمدة اسبوعين والحمد لله قفل سرعة 220 وكبسه كويس واستهلاك البنزين اتظبط (300 كيلو / 24 لتر بنزين) والتكلفة تقريبا 9000 جنيه والموتور القديم اتباع ب 1000 جنيه والحمد لله بقت عربية جميلة

**zizophone** · 17-11-2008 07:15 PM

مبروووووووووووووووووووووو وووووووووووك

**falalo** · 08-05-2014 01:35 PM

السلام عليكم
يا جماعة انا عربيتي جولف 2 1800 abs بجيب بيها 160 بالعافية انا معدلها كربراتير بس العربية عزمها حلو جدا اول وتاني وتالت دة ممكن يكون اية لان المفروض 1800 بعد 120 تجمعها بيكون احسن ارجو الاعفادة واسف علي التطويل