بداية الثورة ضد غبور (موضوع للشكاوي ضد التوكيل)

**M.Radwan** · 04-12-2013 02:19 PM

المشاركة الأصلية كتبت بواسطة samir elshahawy

الي الان الشكاوي تنحصر في :
1- عدم حل المشاكل التي يتم الابلاغ عنها
2- عدم أحساس الأعضاء بالاهتمام
3- عدم قبول أضافة اي تعديلات للسيارات حتي و أن كانت اصلية و التهديد بالخروج من الضمان

بالنسبة للبندين 1 و 2 ممكن نتكلم فيهم مع الوكيل
بالنسبة للبند رقم 3 ممكن نسأل باقي الاقسام هل توكيلاتهم كده و لا مسموح بأضافة التعديلات

علي ما أذكر توكيل هوندا عندما سألتهم عن اضافة تعديلات للسيتي لرفعها كي تصبح كالهاي لاين أجابوا بالقبول و بعدم الخروج من الضمان ياريت بس نتأكد من باقي التوكيلات

أحب أأكد ان الرينو ممكن تركب داخل أو خارج التوكيل، حتى لو ركبت خارج التوكيل أي حاجة انت عايزها أيا كانت، طالما لم تؤثر على ضفيرة الكهرباء، لا تخرج العربية من الضمان. أنا شخصيا غيرت رادياتير كامل بالخراطيم خارج التوكيل ولم يخرجني من الضمان، بل على العكس لما روحتلهم قالي هنظبط دورة التبريد عشان الخراطيم مش محكمة كويس!
توكيل غبور لا يطاق فعلا من تجربة زوج أختى معه 3 سيارات فيرنا أجرة. ياريت تعملوا شكوى كبيرة.

**khaabas** · 04-12-2013 06:16 PM

المشاركة الأصلية كتبت بواسطة m.radwan

أحب أأكد ان الرينو ممكن تركب داخل أو خارج التوكيل، حتى لو ركبت خارج التوكيل أي حاجة انت عايزها أيا كانت، طالما لم تؤثر على ضفيرة الكهرباء، لا تخرج العربية من الضمان. أنا شخصيا غيرت رادياتير كامل بالخراطيم خارج التوكيل ولم يخرجني من الضمان، بل على العكس لما روحتلهم قالي هنظبط دورة التبريد عشان الخراطيم مش محكمة كويس!
توكيل غبور لا يطاق فعلا من تجربة زوج أختى معه 3 سيارات فيرنا أجرة. ياريت تعملوا شكوى كبيرة.

توكيل رينو من التوكيلات المحترمة فعلا

**matantawy** · 05-12-2013 11:54 PM

يا ريت يا باشمهندس سمير تقرأ اللى فرع العبور عمله فى عربيتى ده
http://www.nilemotors.net/Nile/393492-a.html

**Ahmed magdy 33** · 08-12-2013 04:27 PM

- الاسم : احمد مجدي
- نوع السيارة :النترا md
- سنة الصنع :2012
- الكيلومتر :32000
انا عندي مشكله في الكشافات الأمامية منمله والتنميل بيزيد ورحت التوكيل في ابو رواش وعملولي تقرير وصور العداد والكشافات وكان العداد ساعتها تقريبا 21000 وبعدين قالو هنرد عليك وجه الرد انه التنميل ده سببه نوع الفوم بتاع الغسيل وان التغير علي حسابي وكأننا اول مره نركب عربيه او نغسل عربيه منتهي الاستهتار بالعملاء

**s7oda** · 08-12-2013 06:46 PM

اية اللي تم ؟

**ahmedsho3a3** · 10-12-2013 04:53 PM

- الاسم : أحمد عاطف
- نوع السيارة : ألنترا
- سنة الصنع :2013
- الكيلومتر :15000
الشكوى : العربيه و أنا بشتريها من التوكيل سألتهم 100 مره فيها أيموبلايزر ولا لأ ؟ و بعد ما أستشاروا بعض قالولي أيوه فيها (أنا أشتريت في أخر 2012)
و طبعاً في الأخر طلع مافيهاش و حفيت وراهم عشا أركبوا مش راضيين و أقلهوم أركبوا بره يقولولي هتخرج من الضمان لحد ما أستسلمت و سامت أمري لله و حسبنت عليهم و قعدت ساكت

**eltanamly** · 10-12-2013 08:49 PM

الاسم : شريف الطناملي
- نوع السيارة : ألنترا
- سنة الصنع :2013
- الكيلومتر :58000
الشكوى : طقم الدبرياج ضرب على 15,000 وبسمع كلام فاضي مرة يقولك ده كان رايش ومرة يعملوها بال-wd-40
الصيانة غالية ... يعني اه أغير زيت وفلتر موتور وأزود ميت مساحات ب-800 جنيه
توكيل بيهرج مفيش حاجة اسمها أن أنا لو ركبت حاجة برا العربية تطلع من الضمان ؟؟؟
ازاي العربية مفيهاش إمبليزر ؟؟؟؟ مش هاؤلك abs لا سمح الله ؟؟؟
و ليه يا غبور بتضرب ال-cd الأصلي ؟؟؟
الكاوتش زبالة وصوت عالي وتماسك سيئ

بس المصيبة السودة ف طقم الدبرياج إلي ضرب ده
ويرجع يقولك أصل أنت غيرت زيت برا فالموتور والفتيس والعربية ضربت وولعت بجاز

يا ناس فوقو باءة مفش حاجة اسمها أن العربية تطلع من الضمان دي إلا لو عملت حاجة كبيرة بجد وهتأثر عل عربية ذي ركبت عفشة سبور والا حاجة
احنا دافعين فوق تمن العربية أكتر من 20.000 جنيه تحت بند ضمان وضريبة ضمان
أنا دافع تمن الضمان بتاعي تجي أنت يا غبور تطلعني عشان مرضيتش ادفع 800 جنيه ف 4 كيلو زيت وفلتر سعرهم برا 350 جنيه ؟؟؟؟؟؟

**Nashaat Rady** · 11-12-2013 11:46 AM

- الاسم : نشات راضي
- نوع السيارة :النترا md
- سنة الصنع :2012
- الكيلومتر ١٩٠٠٠

المشكلة: الكشافات الأمامية نملت و شققت من الداخل.. المهندس طاهر استقبل العربية من شهرين و اخد صور و حركات و قاللي حابعتهالك للحاجة كوريا للدراسة و سيتم الرد عليا في خلال اسبوعين.... رحعتلهم بعد شهر و نص لاقيت البرنس بيقولي: "معلش اصلي نسييييت".
قابلني المهندس مينا و و عدني في خلال ايام قليله سيتم الرد عليا... عدي اسبوع و عم مينا نفض..... روحت واخد بعضي و رحت قابلت المهندس محمود و قاللي الموضوع اترفض.... قولتله ازاي؟؟؟.. قاللي هو كده انت اللي بوظتهم بعامل خارجي.... قولتله حضرتك الحالة ده متكررة و انتم كُنْتُمْ بتغيروهم من غير مشاكل، انكر و قاللي انت اول واحد يشتكي من الموضوع ده و من هنا العفاريت أطنتت قدام عنيا و قولتله انا رايح اشوف حد كبير أكلمه....

قابلت المهندس عصام فرحات المحترم الخلوق جداً مدير المركز ... و شرح لي ان الناس في كوريا بيدرسوا المواضيع ده لسا و ان شاء الله نوصل معاهم لحاجة و انا حتابع معاك الموضوع بنفسي و ما تفكرشي تغيرهم.

نصيحة لمهندسي الاستقبال التوكيل فرع العبور: انتم ابعد ما يكون عن الاحترافية و ابعد ما يكون عن حرفية التعامل مع العميل....
بل انتم محترفون في استفزاز العميل...
انتم اخركم صيانة الألف كيلو مع العميل.

شكراً

**khaabas** · 11-12-2013 12:12 PM

المشاركة الأصلية كتبت بواسطة nashaat rady

- الاسم : نشات راضي
- نوع السيارة :النترا md
- سنة الصنع :2012
- الكيلومتر ١٩٠٠٠

المشكلة: الكشافات الأمامية نملت و شققت من الداخل.. المهندس طاهر استقبل العربية من شهرين و اخد صور و حركات و قاللي حابعتهالك للحاجة كوريا للدراسة و سيتم الرد عليا في خلال اسبوعين.... رحعتلهم بعد شهر و نص لاقيت البرنس بيقولي: "معلش اصلي نسييييت".
قابلني المهندس مينا و و عدني في خلال ايام قليله سيتم الرد عليا... عدي اسبوع و عم مينا نفض..... روحت واخد بعضي و رحت قابلت المهندس محمود و قاللي الموضوع اترفض.... قولتله ازاي؟؟؟.. قاللي هو كده انت اللي بوظتهم بعامل خارجي.... قولتله حضرتك الحالة ده متكررة و انتم كُنْتُمْ بتغيروهم من غير مشاكل، انكر و قاللي انت اول واحد يشتكي من الموضوع ده و من هنا العفاريت أطنتت قدام عنيا و قولتله انا رايح اشوف حد كبير أكلمه....

قابلت المهندس عصام فرحات المحترم الخلوق جداً مدير المركز ... و شرح لي ان الناس في كوريا بيدرسوا المواضيع ده لسا و ان شاء الله نوصل معاهم لحاجة و انا حتابع معاك الموضوع بنفسي و ما تفكرشي تغيرهم.

نصيحة لمهندسي الاستقبال التوكيل فرع العبور: انتم ابعد ما يكون عن الاحترافية و ابعد ما يكون عن حرفية التعامل مع العميل....
بل انتم محترفون في استفزاز العميل...
انتم اخركم صيانة الألف كيلو مع العميل.

شكراً

والعجيب بعد ما قالوا لحضرتك الموضوع اترفض دلوقتى لسا بيدرسوه ولو كنت قرصت عليهم شوية كانوا غيروا الفوانيس هههههههههه والله حاجة تحرق الدم

**Nashaat Rady** · 11-12-2013 12:15 PM

المشاركة الأصلية كتبت بواسطة khaabas

والعجيب بعد ما قالوا لحضرتك الموضوع اترفض دلوقتى لسا بيدرسوه ولو كنت قرصت عليهم شوية كانوا غيروا الفوانيس هههههههههه والله حاجة تحرق الدم

لو علي القرص، قرصت و صوتي اتنبح و كان في تلاتة بتوع امن واقفين خائفين من رد فعلي لكن هو ده كان اخري يوميها.... لسه في حلول ان شاء الله، لكن مش حاقولها دلوقتي عشان التوكيل لي عيون هنا