دعوة للمطالبة بتجربة القيادة قبل الشراء .....حقك ما تتنازلش عنه

**Chicco** · 10-06-2008 03:29 AM

نهى باشا ..منورة ....هو بس يعني....يعني يا باشا أصل .....بصراحة يعني ..... لفة في ال showroom صعب نحسبها تست درايف و كمان مرة آه و مرة لأ .....
على فكرة توقيعك الجديد حلو قوي ..... ربنا يا باشا يهنيكي ب ويني ذا بووه:) .

**Noha.M** · 10-06-2008 03:36 AM

الموضوع منور بصحابه يا شيييكووووو :)

بجد التوقيع حلو ؟؟

اصل انا بحب pooh اوى

و بحب نيل موتورز و بحب .... احم احم نايل موتورز كمان مرة

نيييييييييههههههههههههههه ههههه

**Ramy.Gamal** · 10-06-2008 03:47 AM

للتأكد من توكيل متسوبيشى ارجو الذهاب للينك دة
http://www.nilemotors.net/Nile/showthread.php?t=21788

**Chicco** · 10-06-2008 03:58 AM

نهى باشا ..ربنا يخليلك نايل موتورز الأولاني...... و التاني كمان :d
رامي باشا... كده تمام و لو إن التوكيل جايب عربية ملهاش دعوة بالعربية اللي بتتباع انما أحسن من مفيش

**r0xer** · 10-06-2008 04:04 AM

لان الناس اللي برة ياباشا بتكون رايحة تشتري فعلاً و أنت كنت رايح تشتري فعلاً، لكن المصريين معلش.. مش كلهم كدا و غالبيتهم بيكونو بيضيعو وقت أو بيجربو للتجربة مش أكتر.

إقتراح عشان الفكرة تبقى قابلة للتنفيذ و التوكيلات تسمعنا فعلاً..وهو أن يتم دفع مثلا رسم من 1000-2000 جنيه كدليل للجدية في الشراء بعد التجربة . وحتى لو معجبتوش العربية ومشترهاش ياخد الفلوس اللي دفعها، لكن على الأقل كدا هنقلل من الناس اللي بتبقى رايحة تجرب بدون هدف دي!

رأي شخصي . وشكراً.

**Chicco** · 10-06-2008 04:13 AM

وجهة نظر مختلفة برضه ...شكرا يا roxer باشا
بس خلي بالك في تجربتي الراجل عارف أن حشتري كورولا و أنا شارح له ظروفي كلها و قايل اني إحتمال أسيب البلد كلها و أمشي و مع ذلك خلاني أجرب العربيات ديه كلها و كلهم أغلي من عربيتي ....حتى و أنا باستلم العربية خلاني أجرب الهايلاندر !!؟؟؟
معاك إن فيه ناس ممكن تسئ استخدام الموضوع ده .....بس مش مبرر إن ناخد العاطل بالباطل ....حتى لو عملوا أحتياطات ..ماشي ..بس الأختبار يبقى متاح و لكل العربيات

**r0xer** · 10-06-2008 04:18 AM

يبقى متخلفناش يا Chicco باشا و موضوع دفع مبلغ من المال ممكن يقلل نسبة الناس اللي هي بتجرب بدون هدف ولا سبب دي.

**hazem_khidr** · 10-06-2008 04:37 AM

موضوع جميل يا شيكو باشا
بس انا عن نفسي عمري ما عملت اي تيست درايف خالص
المره الوحيده عملته للتويوتا الxa
في دبي لاني كنت خلاص ناوي اشتريها و اللي شجعني اني حعملها تيست درايف.
بس هنا في مصر انسي.
لما جيت جيبت الياريس ما فكرتش جربت بتاع ابن خالي بس كام يوم كده (اخد السويفت و اخدت الياريس)
و لما عجبتني توكلت علي الله.

**Chicco** · 10-06-2008 04:47 AM

سنيور زيموس..... منور يا جميل ....ما أنت عملت تست درايف أهو يا باشا :) ..بس بدل ما تروح التوكيل أخدت عربية إبن خالك و كمان كذا يوم ....و فيه اللي راح أجر عربية زاي اللي ناوي عليها و كده .....أنا بس صعبان علي الناس اللي بتجيب عربية و بيدفعوا فيها الافات و تطلع مش قد مستوي توقعاتهم ....الكورولا الجديدة مثلا

**Mosso** · 10-06-2008 03:09 PM

عايز اوضح حاجه بس,
العربيه الي كانت test drive الميتسوبيشي الي في الموضوع الي ذكره الاستاذ رامي لانسر,,,
دي حضرتك كانت في الكويت مش في مصر و تقدر تلاحظ الصور,
و عندهم انك تجرب ال gt ده عادي لان هناك الفرق بين ال 1.5 و ال 2.0 في السعر مش رهيــــــــب زي هنا في مصر
انما هنا في مصر مفيش test drive للانسر حتى الgt لانها مش موجوده حتى في التوكيل,
لان الي هيجيب لانسر 2000cc يزود شويه و يجيب ايفوليوشن ده اذا متجهش لعربيات تانيه بنفس السعر زي ال BMW ,Mercedes