الموضوع: قدر الله و ما شاء فعل .عملت حادثه و الحمد لله على كل شىء

المشاركة الأصلية كتبت بواسطة ابو ليلى

انت كمان يا احمد ..... الف سلامة عليك وعلى الاسرة ليه كده بس
تصدق اى موضوع فى القسم بيتكلم على الشد والتسارع هشيله
يارجالة مش كده كل واحد فيكم مسؤل عن بيت واولاد فكرو فيهم لو حصل
شى لاقدر الله الاولاد هيعملو ايه من غيركم .

+111111111111111111111

الله ينور على حضرتك هو ده الكلام

بغض النظر على اللى حصل مع اخونا محمد ،،، الموضوع بجد وصل لدرجه وحشة فى موضوع الشد او التسارع ،، كل واحد راكب عربية بيشد ويسحب بيها ويتناسى ان فى حاجات ممكن تضره زى ان العربيه مش مهياه لكده او فى ظروف ممكن طارئه ممكن تحصل فجاه او ان ممكن اللى ماشى جنبه فى الطريق ممكن يحصله ذعر من اللى معدى جنبه بسرعه فيضرب لخمه فيتسبب فى كوارث زائد ان طرقنا كلها بلا استثناء مش بتاعت كده

انا والله لما بكون ماشى على الدائرى والاقى اتنين بيشدوا مع بعض وشغاليين غرز بيبقى هاين عليا ادعى عليهم انهم يلبسوا فى بعض علشان نخلص من اذاهم لانهم مش بس ممكن يضروا نفسهم ده ممكن يضيعوا ارواح او يخسروا حد عربيته وهو بياكل من وراها عيش او شقيان على لم تمنها.

أنا أويد حضرتك فى منع مواضيع الشد والتسارع لان ده ممكن يخلى اى حد معاه اى عربيه يبقى عايز يجرب وده ممكن يسبب مشاكل وساعتها كل اللى شارك فى الموضوع ده عليه ذنب لانه ساعد فى توصيل الافكار دى.

شكرا