هو واحد بس في أستراليا ومش عارف الاقي اللينك
عرض للطباعة
هو واحد بس في أستراليا ومش عارف الاقي اللينك
دورت وطلع فعلا عشان يرخصوها بالموتور ده لازم بيعملوا كذا تعديل عليه لإن الوتور ببوابتين هواء وعلبتين فلتر ومن غير vvt ومن غير حاجات كير منعاها الرالي
بصراحة موضوع جميل جدا وانا كنت فى الحيرة دي من كام شهر لما كنت بغير عربيتى واللى توصلت اليه ان مشكلتنا مش اوروبي ولا يابانى ولا كوري احنا مشكلتنا اننا في مصر وياريت نحط تحت كلمة مصر الف خط
يعنى اللى يمشى على العالم كله ما يمشيش علينا واحب اوضح
1- الكوري
لو اتكلمنا عليه من ناحية المبيعات على مستوى العالم يبقى لازم نعترف ان من اهم اسباب مبيعات العربيات الكورى انها برة بتتباع ارخص من مثيلتها من الاوروبي والياباني ودي حاجة مفيهاش فصال يعنى برة عمرك ما هتلاقى عربية النترا او سيراتو سعرها قريب وساعات كتير مساوى لعربيات اوروبي او يابانى زى ما بيحصل عندنا في مصر
العربيات دي برة بيعتبروها عربيات اقتصادية سواء في السعر او في تكاليف الصيانة ومع ذلك بيبقى فيها كل الكماليات اللى في الدنيا وده من اهم اسباب الانتشار يعنى مش علشان العربية باعت كتير تبقى بالضرورة احسن وعمر ما العربية ما بتتقاس بكمالياتها لكن بالاداء والاعتمادية والامان والثبات واظن موضوع الامان والثبات مش مظبط مع الكورى خالص ولا ايه؟؟
2- الاوروبي
انا رأى الشخصي انه ماينفعش اقول على عربية فرنساوى او عربية المانى او ايطالي انهم وحشين علشان فى بلدنا بس التوكيل مش عارف يتعامل مع العربية او تكنولوجيا العربية مش نافعة مع ظروف شوارعنا
وعلى سبيل المثال عندنا فتيس الفولكس ال dsg ناجح في كل دول العالم ويعتبر في حد ذاته اختراع عبقرى ومريح جدا للماتور غير انه موفر للبنزين ومش بتحس بالغيارات خالص بس الكلام ده برة مش هنا
لكن هنا فتيس بينقل الغيار في اجزاء من الثانية وانت في النهاية بتمشى عجلتين وتقف وبعدين اربع عجلات وتريح شوية وهو بينقل على لفات ماتور قليلة يعنى في الخطوتين اللى عربية مشيتهم هو على الاقل جاب التاني وفى اجزاء من الثانية على اساس ان توفير زمن النقلة ده ميزة جامدة وهو كدة عمل اللى عليه وزيادة ويادوب العربية هاتبتدى تجرى وتروح انت واقف وهكذا لغاية ما الفتيس يودع وبعدين مصر تبقى البلد الوحيدة اللى اكتشفت ان واحد من احدث انظمة الجيربوكس في العالم فاشل واى كلام وتسمع الشكاوى اللى عارفينها كلنا من الفتيس مش علشان انه فاشل او ان الفتيس الكورى احدث منه لأ ده بسبب انه معمول ببساطة لظروف قيادة مش عندنا ( على فكرة برة لما العربية بتمشي يبقى بنسبة 95% مش هاتقف قبل ماتجيب الرابع :36_2_33:وطبعا الكلام ده خيال علمى بالنسبة لينا هنا )
او تلاقى توكيل زى بتاع البيجو مش فاهم العربية ولا عارف يشتغل فيها ونقول العربية هي اللى وحشة علشان فيها حاجة عاوزة تتغير زى اى عربية كورى ( ولا الكوري مفهوش حاجة بتبوظ ) والتوكيل مش عارف وبيجرب فيك
الخلاصة بعد ماوجعت دماغكم ان المشكلة مش العربية كورى ولا اوروبي ولا يابانى المشكلة ايه يمشى في بلدنا وايه ما يمشيش
واعتقد لو التوكيلات اللى في مصر احترمت نفسها اى عربية مهما كانت صناعتها مع الصيانة المظبوطة هاتمشى معاك زي الفل وبدون اى مشاكل لكن الاختلاف هايبقى في متعة القيادة واظن ان الموضوع ده في صالح الاوروبي ومش الالماني وبس لا الفرنساوى والايطالي برضه متعة القيادة فيهم احسن من الكوري 100مرة ( على فكرة انا كان معايا افيو 6 سنين وسافرت بعربيات اصدقائى من اللى معاهم سيراتو والنترا كتير علشان الناس اللى هاتقولك ده بيهاجم وخلاص ومايعرفش حاجة عن الكوري )
بص.. انا مش هشارك في الموضوع دا لأني عارف انها هتقلب خناقات برضه في الآخر لأن كل واحد بيبقى ماشي بمنطق ان هو الفلحوص اللي اختار الصح و الباقي بهايم و هو ميعرفش اللي اختار العربية x اختارها على اساس اية و ان كل الناس يا حسرة مضحوك عليهم وهو المفتح و بالباقي عالم جاهلة.. بس هو اللي بيبقى غالباً جاهل اعمى و معقد و عنده نقص شديد بيعبر عنه بعربيته الجامدة اللي مفيش زيها
ف انا هكتفي بالفرجة على الخناقات و الفيديوهات بتاعت التسارع وانا باكل فشار
انا للأسف ماقريتش ولا رد من ال45 رد بتوع الأعضاء
بس لما افضي هقراهم ان شاء الله
انا بس عايز اقول تعليقي
الألماني مش كثير الأعطال ولا حاجة
الألماني كثير الصيانات
وللأسف احنا في مصر ماشيين بمبدأين في منتهي الخطأ مع العربيات دي وبعد كدة نقول انها بتعطل كتير
1- دي الماني يا عم - يعني افحت م.....ابوها مش هيجرالها حاجة وقطع غيارها تركبها وتنساها
2- مش بنروح للميكانيكي غير بعد العطل - يعني بعد ماخلاص حصل عطل في جزء معين ولازم يتغير
الألماني - كعربيات انا بعتبرها شبه الطيارات
عارف حضرتك الطيارات
قبل ماتطلع الرحلة - الفنيين بيبقي معاهم Check List بيراجعوا بيه علي كل جزئية في الطيارة من اول الهيكل الي المحركات الي الكهرباء واللاسلكي
والي محتاج تغيير بيتغير
واكثر المشاكل والكوارث بتحدث نتيجة خطأ في الصيانات او تنظيف واعادة تأهيل بدل التغيير
(متأثر ببرنامج تحقيقات الكوارث الجوية)
الوضع مختلف في العربيات بس مش كتير
يعني مثلا مش هينفع تعمل تشيك كل خروجة
بس علي الأقل خالص هتمشي علي ال Check list بتاعة الكتالوج الي بتقولك كل اسبوع اعمل كذا وكل 10,000 اعمل كذا وكل 20,000 اعمل كذا ......الخ
انت لو بصيت علي الكتالوج هتلاقيه بيقولك حتي علي تشيك اللمبات
وفي الأخر نقول الألماني كخة وبيعطل كتير وقطع غياره غااااااالية بس معمرة
نيجي للياباني
تويوتا وهوندا مثلا (لا اغفل قدر سوبارو ونيسان وباقي عمالقة الياباني)
هوندا علي سبيل المثال
ب target علي الأمريكي بوجه عام
ونازلة كحل بديل للأمريكي الي مش قادر يركب الماني وامريكي
وبالتالي
عايزة تحاكي تكنولوجيا الألماني بسعر مناسب وتنافس الأمريكي باستهلاك البنزين
ولا ننسي ان اول عربية هوندا كانت السيفيك واتعملت مخصوص اثناء ازمة البترول في اوائل السبعينيات وبالتالي عملوها بتشم البنزين عشان تعمل مبيعات كويسة في امريكا وتضرب الأمريكاني الي بيسف البنزين
وبعد كدة اتطورت بشكل رهيب مع الحفاظ علي المبدأ الأساسي
استهلاك بنزين اقل من الأمريكي
تكنولوجيا عالية تضاهي الأوروبي
رفاهية عالية تضاهي الأمريكي
عوامل امان تضاهي الأوروبي
جودة خامات تضاهي الأمريكي
وهنا نخلي بالنا من ملحوظة
الأمريكي لسوق ليس بالصغير او قليل الشأن
بالعكس
دة بيتعمله الف حساب لأنه سوق مستهلك - دة نمرة 1
نمرة 2 - لا يرضي بالقليل
زي بردو سوق الخليج - لا يستهان به ويستحق انه يتعمله مواصفات لوحده زي الأمريكي والأوروبي
يعني طوول عمرنا نسمع عربيات مواصفات امريكي (اكصدامات عريضة غالبا وفوانيس شبورة)
ومواصفات خليجي (تكييف قوي وعفشة رياضية)
مواصفات اوروبي (فتحة السقف والتكييف سخن)
لكن المصري ياا ولاداه
اقصي مواصفات نزلت في اللادا وهي العفشة الناشفة الي تستحمل شغل التاكسي والبلاعات
المهم
نرجع للتويوتا
التويوتا نزلت عشان تبني صرح ياباني هائل
ومبدأهم الأعتمادية وجودة الخامات وتأخروا قليلا في التكنولوجيا عن هوندا والأوروبي
الكوري
بصراحة بحسه تقليد الياباني
اول عربية كوري شوفتها كانت سنة 94 وهي الكيا سيفيا 1
يعني تخيل معايا
الكوري تقليد الياباني
والياباني بديل الألماني
اقنعني
ازاي تقارن كوري بالماني ؟؟؟
تقبلوا مروري
والله المستعان
،
،
سبق ؟؟
بأيه ؟؟
يعني الأيموبلايزر مثلا نزل امتي في الأوروبي ونزل امتي في الياباني ؟؟؟
الكراسي الكهرباء نزلت امتي في الأوروبي ونزلت امتي في الياباني ؟؟؟
ال abs نزل امتي في الأوروبي ونزل امتي في الياباني ؟؟
الريموت في المفتاح (مش ريموت لوحده ومفتاح لوحده) نزل امتي في الأوروبي ونزل امتي في الياباني ؟؟؟
دة كدة علي سبيل المثال وليس الحصر
اعتقد الأوروبي دايما سباق في كل حاجة
وانا بتكلم عن اوروبي ككل وياباني ككل
مش بخص عربية في الأوروبي بعربية في الياباني
من غير ما نجيب طفايات ولا حاجة انا شايف ان لما بتتذكر مدارس السيارات بيجى فى بالى المعادلات دى :
الأوروبى = تكنولوجيا + امان
اليابانى = اعتمادية + مناسبية
الكورى = اقتصادية + كمالية
الأمريكى = فخامة + راحة
أما من حيث تاريخ صناعة السيارات هيترتبوا
أوروبى ثم امريكى ثم يابانى ثم كورى واخيراً ضهر كمان الصينى .
اليابانى شايف انه بيحقق المعادلة الصعبة من تكنولوجى وقوة مواتير واعتمادية واقتصادية مع قدر معقول من الأمان والكماليات والأهم مناسبيته للأجواء المصرية وقلة اعطاله .
والأوروبى والأمريكى متفوق فى التكنولوجى بشكل عام والأمان والراحة والفخامة والاحساس بالركوبة بشكل خاص .
وده لانهم بيعتمدوا فى تصميماتهم على راحة المستهلك وأمانه وبيتعاملوا معاه على انه بنأدم .
نيجى للكورى اللى شايف انه بقى الحصان الاسود اللى بيحاول يحقق المعادلة الصعبة اللى كان محققها اليابانى فى الكام عقد الاخيرة وده فى انه بيحاول يوصل لعربيات منافسة سعرياً واقتصاديا بتكنولوجيا معقولة وكماليات كتيرة وأمان اقل بشكل عام .
ومن هنا تميزت كل صناعة منهم بقدرات وصفات ... وكل واحد يختار المناسب ليه ولراحته .
watch the world's reviews ... that's it !
موضوع جامد و شيق و متابع بأهتمام
و عربيه المطافى واقفه بره متقلقوش
انا مش هدخل غير فى السخن بس
^_^
كل وقت و ليه اذان
لاكن الكبير بيفضل كبير
هو حضرتكوا بتقارنو بين الاوربى و اليابانى و الكورى سنة 90 ولا سنة 2012؟؟؟ لو بتكلموا من 20 او 30 سنة يبقى اوربى و يابانى و الكورى تعبان. اما لو بتكلموا سنة 2012 يبقى مع احترامى للجميع, الدنيا اتغيرت تماما لان الكورى فى اخر كام سنة حاجة تانية خالص من حيث الاعتمادية و الكماليات و التصميم و قلة الاعطال و و و ...
يا ريت نقرا الريفيوهات العالمية حتلاقى الالنترا 2012 متقدمة و متفوقة على الجيتا و السيفيك و الكورولا.... السوناتا تتقدم على الباسات و الاكورد و الكامرى و ده مش كلامى.
مع إحترامي لأراء ناس كتير في الموضوع مفيش مقارنه بين أوروبي وكوري علشان مش نظلم حد في مقابل حد تاني ولكن نكون منصفين في حكمنا لأن الكوري ليه فكر والأوروبي فكر تاني خالص
الكوري عربيات إستهلاكيه بمعني معموله بأقل الخامات والتكاليف علشان تتباع بأسعار منافسه وبعدين يبدأ يستنزفهم في بيع قطع الغيار المشكله هنا في مصر الكوري بيتباع بأسعار الأوروبي وده نوع من أنواع الإستغلال لإنه بيبعلك عربيه فاضيه تماماً من الكماليات بسعر عالي جداً علشان يكسب أكبر كم من الفلوس وللأسف السوق المصري مساعد جداً في الإستغلال ده
الأوروبي مواصفات أمان عاليه جداً تكنولوجيا عاليه جداً وللأسف التوكيلات هنا في مصر بتبيع وتشتري فينا بسبب كده ومش واخدين في بالهم إن ده مقلل مبيعاتهم جداً لإن يا فرحتي لما أشتري سينسور بسعر محترم ليه دانا أجيب عربيه كوري أحسنلي وهكذا
لكن بأمانه توكيلات العربيات الأوروبي هنا في مصر لو مركزه شويه وبطلت طمع في أسعار المصنعيات وقطع الغيار هتكون هي الحصان الرابح لإنك هتركب عربيه بمواصفات عاليه وبسعر مناسب لأن تقريباً أسعار العربيات مقاربه جداً بسبب طمع تجار السيارات الكوري
وبالتالي هتلاقي العربيه الكوري بسعر مناسب وهتلاقي الأوروبي بسعر كويس وضامن إنك مش هتتعب ولا قلبك هيوجعك لما تسمع سعر قطعة غيار
المشكله في السوق المصري
لكن لو أنا عايش بره هختار أوروبي من غير تفكير لإن كل حاجه معموله علشانك إنت كبني أدم مش علشان أبيعلك وخلاص
أسف للإطاله
قرب اسعار الكوري من الاوروبي مش عشان الكوري بيطمع , هو التوكيلات بتطمع طبعا للانتشار بتاعها بس برضه توكيلات الاوروبي حرامية , مفروض ان كل سنة بينزل 10% من الجمارك على العربيات الاوروبي طبقا للاتفاقية المعمولة مع الاتحاد الاوروبي , يعني مفروض يكون الاوروبي ارخص من الكوري كمان عشان الجمارك عليه اقل من الكوري
+999
معظم التكنولوجى اللى تعتبر Breakthrough فـ صناعة السيارات بتيجى من شركات زى فيات وفولكس..!! :first:
مش من BM ومرسيدس..؟؟؟!!
بعد اذنك ياعم Yoko, سيبلى أنا الطلعة دى..
طالما الكلام على السبق فـ التكنولوجيا, أعتقد معروفة الـEuro طبعا...
اليابانى معروف انه بياخد تكنولوجى أوروبى وبيطورها, والكورى.. نقول مالوش فيها أصلا. :frown:
تأكيدا للكلام اللى فات, وتحديدا مواتير الـHigh-Revving:
تقدر تعرف من الـBorexStroke اذا كان الموتور Oversquare/High-Revv ولا لأ؟؟!! :Ka_che1[1]:
طب تسمع عن عربية اسمها Fiat X1/9 كانت حاجة اسطورية كده؟؟!!!
ماهو أكيد تعرف موتور الفيات 128 الـSOHC 1300 الشهير (1290cc)..
كانت ابعاد السلندر 86.4mm bore x 55.5mm stroke..؟؟؟!!! والنسخة اللى نزلت فـ الـX1/9 دى, وكذا عربية تانية أبارث ولانشيا كانت بتوصل:
160 حصان عند 8600 rpm,
وفيه نسخ الأبارث واللانسيا Stratos (والـX1/9 الـ1.5) كان بيركب عليها 3 بساتم (Bore ثابت مع Stroke مختلف):
- لو الـStroke 78.4mm الموتور بيـRevv لحد 7700 rpm
- لو الـStroke 67.4mm الموتور بيـRevv لحد 8900 rpm
- لو الـStroke 63.9mm الموتور بيـRevv لحد 9400 rpm
أقولك أعلى Piston-Speed كانت بتوصل 20m/s عند كام rpm, ولا بلاش عشان ماتتعقدش؟؟!!! ههههههههههههههه
وتقوللى SiR و Mivec؟؟؟!! انت بتهرج على فكرة!!! انت عارف الكلام ده سنة كام؟؟!!!
من سنة 1972 لحد 1982.. وفين نسخ Bertone فضلت تتعمل لحد 1989؟؟؟!!! :majd(4):
أيــــــــــــــه قريب مش بعيد؟؟!! طب خد عندك بقى يا أستاذ يابتاع المايفوك, :oops1: حاجة فـ الزمن الغابر (غابر على صناعة السيارات الآسيوية اللى كانت بتعمل عجل وقتها)..
سنة 1966 لحد 1973.. الفيات Dino الشهيرة:
- موتور الـ2.0 V6 كان بيطلع 160 حصان/7200 rpm.. و163 نيوتن/6000 rpm
- موتور الـ2.4 V6 كان بيطلع 180 حصان/6600 rpm.. و216 نيوتن/4600 rpm
مع العلم ان النسخ اللى كانت بتتعمل للفيررارى Dino 206/206GT كانت بتخرج من مصانع فيات Torino (أنا مادخلتش الفيررارى خالص أهو عشان ماحبطش حد), بهورسباور claim عند rpm أعلى؟؟!!!
هاه؟؟ Street-Legal ولا لأ؟؟؟!! :36_2_49[1]:
قالك مايفوك.. ههههههههههههه
طبعا كده حقى أقول محدش يتكلم عن الـHigh-Revving تانى.. أوروبى صرف. :first:
أصلا أنا لسه ماتكلمتش عن الـFormula1 والمواتير اللى بتلف لحد 18,000-20,000 rpm.. (ومحدش ييجى يقوللى بايك Yamaha بعد اذنكم), معروفة الـF1 أوروبية صرف.
يكفى ان تويوتا وهوندا لما كانوا فـ F1 (قبل ما ينسحبوا ههههههههههه) كانوا واخدين كل الـTech بتاع مواتير الـHigh-Revv من فرق أوروبية زى Williams و Sauber.
(طبعا عشان فرق الشركات الكبيرة زى فيررارى ومرسيدس مش هيدوهم Tech كده)؟؟!!! :no1:
@ Eng.Geo
تنفع العربية دى:
- لانشيا دلتا انتيجرالى موتور 2.0 (سوبر-تشارجر وتربوتشارجر) ودفع رباعى AWD.. أرقام الأداء هتزعل ناس كتير معلش:
- HF integrale 8v موتور 185 حصان.. وتسارع من 0-100 فـ 6.6 ثانية.. موديل 1987
- HF integrale 16v موتور 200 حصان.. وتسارع من 0-100 فـ 5.7 ثانية.. موديل 1989
- HF integrale 16 Evo I/II موتور 210/215 حصان.. وتسارع من 0-100 فـ 5.5 ثانية.. موديل 1991/1993
ماينفعش تيجى تقوللى سنة 1993 الأوروبى كان فين؟؟؟ أنا بتكلم قبلها كماااااااااااان!!! :frown:
تاخد الفاجعة الكبرى:
عشان الناس اللى فرحانة بمواتير الميتسو ايفو (المضروبة).. جاى فـ القرن الـ21st بعد الألفينات تقوللى ايفوليوشن 280 حصان و360 حصان.. وبتتربن توصل لـ1000 حصان..
لأ معلش, أنا بتكلم فـ الـ80s الثمانينات من القرن اللى فات (والتكنولوجيل لسه موجودة الشركات الـEuro ماولعتش فيها يعنى):
سنة 1985-1986 ينفع؟؟؟
خدوا كده الـParagraph ده للى عايز يستمتع (والبعض هيذهل) بصناعة العربيات الأوروبية وهوس الطليان تحديدا بالسباقات:
The car's 1,759.3 cc four-cylinder engine combined supercharging and turbocharging to reduce turbo lag at low engine speeds.[1] Officially, the car produced 480 horsepower (350 kW), but the one that participated in the 1986 World Rally Championship developed over 560 horsepower (367 kW). In 1985, Lancia engineers tested a S4 engine under extreme conditions, reaching 5 bars boost, developing around 1000 horsepower. Independent figures show the S4 could accelerate from 0 to 100 km/h (62 mph) on gravel in under 2.3 seconds.[citation needed] An engine capacity multiple of 1.4 was applied to forced induction engines by the FIA and the choice of 1,759 cc put the S4 in the under 2,500 cc class, which allowed for a minimum weight of 890 kg (1,962 lb). The combined super/turbocharger system (often referred to as twincharging) was a development of the 037 engine that produced 350 hp (261 kW) with a supercharger only. This was competitive with the Audi Quattro in 1984 which also had 350 hp (261 kW), but by the 1985 season Audi's S1 was homologated with 600 hp (450 kW).[citation needed] Consequently, a turbo had to be added to the S4 engine design to remain competitive.
يعنى لما موتور 1800 يطلع 480-560 لحد 1000 حصان
يعنى لما عربية تتسارع من 0-100 على الحصى فى 2.3 ثانية.. Let the Bugatti go to HELL
يعنى لما الـFIA تلغى الفئة دى أصلا (group B-Rally) من الوجود عشان حادثة كارثية لللانشيا دلتا S4 مات فيها رقم خزعبلى من السواقين والفريق والجمهور المجنون..؟؟!!!
ليه؟؟!!!
عشان الـFIA مش قادرة تحكم السباق بين لانشيا-أودى-بيجو فـ أرقام الهورسباور (من مواتير صغيرة) والتسارع الرهيب للعربيات.. والقوة المفرطة اللى خلت الرياضة دموية؟؟!!! :oops1:
وفـ الآخر تقولى SiR و Mivec.. وايفوليوشن وامبريزا, دى عربيات SH*T
هنتكلم على خرج مواتير عالى من سعة لترية قليلة.. متحاولوش!! :rfds:
الخلاصة:
التكنولوجيا تأتى من الغرب وليس من الشرق يا أساتذة...
ههههههههههههههههههههههه
انا متفق مع صاحب الموضوع تماما و في رأيي المتواضع أن فعلا الكوري قفز خطوات للامام
كنت بأغير العربية و نازل من تويوتا و عايز أركب حاجة بنفس المواصفات أو أعلي و بقدرات مادية اعلي حاجة بسيطة في الوقت اللي أسعار السيارات قفزت فيه قفزة هائلة بسبب الازمة الاقتصادية العالمية و أزمتنا أحنا هنا في مصر اللي لما الدولار بيغلي ربع قرش الراجل اللي بيبيع جرجير علي الرصيف بيزود جنيه بحجة أن الدولار زاد قال يعني بنستورد الجرجير من بره بالعملة الصعبة
فكرت في الياباني علي أساس أني مجربه أكثر من 3 سنوات و كان ممتاز و طبعا روحت لتويوتا و لكن أصطدمت بالاسعار الهلامية للكورولا و الياريس فقولت بلاها تويوتا و خلينا في اللي جنبها
هوندا اسم كويس و عربيات شيك و توكيل محترم برضه بس مايختلفوش عن تويوتا كتير في الفكر لذا لما جربت العربية (السيتي) حسيت أني مانزلتش لسه من الياريس و الفرق مش كبير و السعر كان نار يبدأ من 132000 جنيه
سوزوكي .. طبعا فكرت في ال sx4 عربية فعلا واسعة و عالية و دفع رباعي و امان و مناسبة للسفر لكن واجهتني مشكلتين :
- الاولي : التوكيل ماعحبنيش نهائي
- الثانية : عدم توافر العربية في السوق و كنت بادور عليها الامر اللي خلاني أشعر أني هأبقي ضحية النصب و الاوفر برايس و ده علي جثتي , ده انا أشتري توكتوك و لا أدفع أوفربرايس
لحد هنا خلص البحث عن الياباني و بدأت رحلة البحث مع الاوروبي
المتوفر في الحدود المادية كان : رينو او فيات
و الاثنين تم أستبعادهم من غير تفكير بسبب قطع الغيار و زي ماقولت انا باسافر كتير يعني باعمل في السنة في حدود 30000 كم و عايز عربية موفرة و كمان تدي سعر أعادة بيع كويس بعد 3 سنوات
هنا بقي جه الكوري:
- كيا : كان قدامي عرضين (سيراتو - سول)
- هيونداي : و دي دخلت في اخر لحظة بالالنترا الجديدة اللي ما كنتش أعرف عنها حاجة
و بمقارنة سريعة لمحت ان الالنترا بتقارب في الاداء و المواصفات الكورولا الجنوب أفريقي اللي كانت معايا قبل كده و هنا وقع الاختيار عليها لكن حصلت غلطة فظيعة ....
مادققتش في الاختيار علشان أعرف أن عمو غبور الامور بينزل منها 30 ألف فئة فوقعت في الفخ و أخدت أول فئة أوتوماتيك (من غير أي بي أس أو حتي مخدة مش أيرباج)
طبعا أستلمت العربية و انا متعكنن و صعبان عليا الياريس
لكن مع مرور الوقت (اهو فات 7 شهور عملت فيهم 17000 كم) العربية اثبتت أنها مش وحشة بل علي العكس كل يوم بتزداد ثقتي فيها و بأطمئن لها و باحس أن هيونداي فعلا أتقدمت .... صحيح مش زي باقي العربيات الاوروبي أو الياباني لكن هما علي الطريق و بعد ماكنت بأفكر أن النقلة الجاية تكون علي أوروبي بأراجع نفسي حاليا و بأفكر في هيونداي برضه اللي اكيد هاتكون أتنقلت نقلة نوعية كبيرة تضعها في المقدمة
و زي مابنقول كده علي الكوري دلوقتي هانقول بكرة علي الصيني و الهندي اللي هاييجي يوم و يتقدماو هما كمان
المهم ..... امتي هانشوف العربية الصناعة المصرية اللي حتي نقول عليها أنها تعبانة
معلش طولت عليكوا بس قصدي أن مافيش عربية كويسة و عربية حلوة
و لكن فيه عربية بتحقق متطلبات مالكها و لا لأ و في حدود امكانياته و مش بس كده
هل هو بيعرف يستفيد من كل قرش دفعه فيها و لا بيدفع فلوس في عربية لمجرد انها أوروبي و ألماني و هو مابيعرفش يسوقها
اي نعم حتى الان محدش عارف يوصل للاوروبي لان دي شركات خبرتها مئات السنين ( رولز رويس - مايباخ - فيراري - لامبورجيني - فولكس - مرسيدس ) , بس ارجو محدش يحتقر حاجة , بره لما بيقارنوا بين الجينسس والماستانج ودي كوري ودي ماسل كار معروفة , بنشوف مقارنة موضوعية مش تريقة وخلاص , انما كل واحد عامل نفسه خبير للاسف
وده ميمنعش ان الكوري لسه ظاهر من 20 سنة وعمل طفرة مهولة ووصل على الاقل ل 50% من مستوى الاوروبي , وده مش حاجة قليلة لانه تطور في زمن قليل جدا واصبحت هيونداي بتغلب مازدا ونيسان وسوبارو واوبل في بعض العربيات , بس مع ذلك لا ترقى لمستوى الالماني تحديدا ومش الاوروبي كله
التخليص غير صحيح بالمرة و التعميم كذلك خطا ...مين قال ان كل الاوروبي اعطاله كتير ....الحقيقة انا اول مرة اعرف العربيات الياباني سابقة الدنيا في التكنولوجيا ...انا هناقش حاجة واحده
الامريكي
الامريكي يا فندم اللي برغم من استهلاكه العالي بيبرعوا في صناعة المحركات الكبيرة الV8 من 5.0 لحد 8 لتر كمان الموتور الامريكي اولا عزم عاااااالي جدا جدا جدا high torque end قدرة عالية جدا صوت رررهيب بكل المقايس ...الكاديلاك او النكولن بتبقي ملكية و شكلها فخم للغاية و ركوبيتها احسن من احسن عربية ياباني و علي عكس المرسيدس مثلا او الجاجوار ...الامريكي ابقي راكبه ادوس شوية اسمع صوت وووحش و سحب ال 8سلندر الامريكي شي اسطوري غير ان الامريكي فيه لمسات جمالية رائعة في امريكي تاني زي الكورفيت مثلا ...الكورفيت اول اصدار ليها كان قطعة فنية بكل المقاييس تاني اصدار بقي كان فيبرجلاس بودي و دي من سنة 1962 ...دي بالذمة مش تكنولوجيا غير ان الفتيس الاوتوماتيك و الباور في العربيات الامربكي من الاربعينات و الفرامل الabs اختراع امريكي في الاصل اتطور بعد كده في المرسيدس
يا فندم انا شخصيا لي باع مع المواتير الكبيرة و ركبت امريكي موديلات و موديلات واقدر اقول لحضرتك ببساطة اللي راكب عربية من دول مش بيفرق معاه استهلاك البنزين في اي شي
الياباني عربيات حلوة موفرة و كاستخدم يومي عملية جدا ..لكن لا يجوز اني ابقي راكب كاديلاك و انزل منها اركب توتويا ..حتي المقارنة غير عادلة
معلش يا جو مع كامل احترامي
ومفيش داعي للزعل من بعض
المقصود هنا
ان الأوروبي بيعمل شئ جديد محدش عمله
لكن ايه الفايدة اني اعمل عربية سنة 2012 بتكنولوجيا مستخدمة في عربيات تانية من سنة 2000
فين السبق ؟؟؟
بقالها 20 سنة بس وعملت حاجات خطيرة
طب ماهو طبيعي
امال انت عايزهم من 20 سنة ويبتدوا من الصفر - عربية بمنافلة والردياتير خارج من الكبوت والأستبن جمب الباب
انا اقصد
انهم لما ابتدوا من 20 سنة كانت العربيات التانية متطورة جدا
ولما هما ابتدوا ياريتهم خدوا تكنولوجيا وقتها واخترعوا عليها تكنولوجيا جديدة
لا بقوا يشتروا التكنولوجيا ويعلموها في عربياتهم بعد ماتكون اتهرست في اوروبا من 15 سنة
لذلك تلاقي النهاردة عربيات كوري صغيرة وفاضية
في حين ان اصغر عربية اوروبي لا تخلو من التكنولوجيا ووسائل الأمان
ابسط مثال
لحد النهاردة 2012 والفيرنا نازلة من غير ايموبلايزر
في حين انه نزل في البولو (تقريبا اصغر عربية فولكس) من سنة 95
هوندا لما نزلت في 2011 في عربياتها سنسور يحس بالسرعة وبناء عليه الكاسيت صوته يوطي ويعلي اوتوماتيكيا
كانت مرسيدس عاملاها من التسعينيات
هو دة الفرق المقصود
ايه الفايدة اني عمال اعمل عربيات لولابية وشكلها جزاب وفوانيسها شكلها غريب وانا مش ببدع او ببتكر شئ جديد
تقبلوا مروري
والله المستعان
،
،
يا باشا انا هزعل من ايه
انا بحب اتناقش
بس النقاش يبقي fair والطريقة كويسة
مش ... انتوا ماتعرفوش حاجة أو انت بتهزر !
انا معييش ياباني عشان أدافع عنه
انا سقت أغلب العربيات اللي في السوق المصري أوروبي وياباني وكوري
وعارف كويس ايه عيوبهم
ولو علي فيات ... أحسن عربيات نزلت الفترة اللي فاتت والوكيل موتها
وهقولك علي حاجة تصدمك يا فورميلاتور ... أكيد انت عارفها
البرافو والجراند بونتو عالسرعات الكبيرة بتعوم وخصوصا في مطبات الهوا بتلعب من ورا
كلامك سليم
اللي بيعمل حاجة بيكمل عاللي قبله
خد بالك االحرب العالمية التانية وتأخر اليابانيين ... فاكس كوري دلوقتي عشان هو أتأخر شويتين
بس الياباني مجاش سرق !
سرق منين الفتيس الأوتو ؟ .. مش ده سبق ؟
سرق منين تكنولوجيا الموتور اللي تخلي أستهلاك الوقود قليل .... مش ده سبق ؟
سرق منين ال vtec ؟
فيات وفولكس شركات عرية وعملت كتيييييييييييير جدا
بس برضه هوندا وميتسو :wink05: عملوا
يا ريت النقاش يبقي هادي ... لمصلحتنا كلنا
فين الطفايات ؟ :Ka_che1[1]:
الكوري : افضل تصميمات
الالماني : افضل جوده
أيه اللى مش Fair فـ مشاركاتى يا جورج؟؟؟!! :U_thin1[1]:
بتقولوا ان السبق فـ مواتير الـHigh-Revving لليابانيين, الـSiR والـMivec
طلع الكلام مش صحيح,
والفيات واللانشيا عملت مواتير High-Revv قبلهم بـ 30-40 سنة.. هههههههههههههههههه
(تانى: كل ده أنا لسه متكلمتش عن مواتير الـFormula1 الفيررارى والمازيراتى والألفا والمرسيدس والرينو والمكلارين)..
كانوا فـ الخمسينات 50s بيعملوا مواتير High-Revv قبل ما الآسيويين أصلا يعملوا عربيات بمواتير عادية من أساسه..؟؟!!!
أهاهاهاهاهاهاهاهاهاهاها هههههههههههههههههههه
ولسه هاطلع كلام تانى غلط فـ آخر المشاركة.. بس انت تابع. :chirol_boo:
Edit: لو قصدك ان أنا مش Fair عشان طلعت الآسيويين أقزام ومتخلفين فـ التكنولوجى عن الأوربيين (طلعت واثبتت ههههههه), يبقى أنا مش Fair..!! :first:
+111
دانا نسيت الأمريكانى.. :majd(4):
اللى بيقولوا عليها مواتير ضخمة واستهلاك بنزين غبى, و آخرها Straight-Line Acceleration؟؟!!!
ياراجل هو فيه عربية يابانى تعرف تعمل Engine/Exhaust-Note وباور حاضرة كده زى مواتير الدودج Viper والشيفرولية كورفيت؟؟!!!
ياعم هنا فـ مصر: حد ركب التشارجر 5.7 HEMI وسمع صوت الموتور وهى بتحرق (الـSRT)؟؟!!!
بيقولك: الليكزس LFA أول عربية ينفع يتقال عليها Super-Car فـ تاريخ شركتها (اللى هى تويوتا أكبر اليابانيين)..؟؟!!! هههههههههههههههههههه
وان الـGT-R هى أول "سوبركار" تطلع من القارة الآسيوية..!!
يعنى السوبرا والـNSX والحاجات دى مش عربيات Super, دى عربيات "سبورت"... فقط؟؟!!! :oops1:
طب قوللى انت: أعمل ايه لما الاقى الكلام غلط؟؟ :majd(4):
معرفش الصراحة دا كده بتزيطوا.. ولا انتو فعلا (هأقول المعلومة مش دقيقة عشان ماتزعلش): مين اللى عمل الأوتو والـVVT؟؟!!!!!!
The first automatic transmissions were developed by General Motors during the 1930s and introduced in the 1940 Oldsmobile as the "Hydra-Matic" transmission. They were incorporated into GM-built tanks during WW-II and, after the war, GM marketed them as being "battle-tested."
معروفة يعنى الفتيس الأوتو اختراع أمريكانى صرف, لو حد كلف نفسه وقرأ كلام الأستاذ MBhead..
"غير ان الفتيس الاوتوماتيك و الباور في العربيات الامربكي من الاربعينات".. وخد بالك الثلاثينات والأربعينات مكانش فيه حاجة اسمها Japan أصلا؟؟!! هههههههههههه
تعالى بقى فـ الحته بتاع الـVVT, عشان دى دخلة غلط آخر 200 حاجة.. :Ka_che1[1]:
انت بتقول (وغيرك كتير كانوا فاكرين) ان الهوندا هى اللى اخترعت الـVVT؟؟!!! خد عندك بقى:
Fiat was the first auto manufacturer to patent a functional automotive variable valve timing system which included variable lift. Developed by Giovanni Torazza in the late 1960s, the system used hydraulic pressure to vary the fulcrum of the cam followers (US Patent 3,641,988). The hydraulic pressure changed according to engine speed and intake pressure. The typical opening variation was 37%
المهندس ده عمل موتور Prototype كده فـ معامل فيات-لانشيا-ألفا, وسجل الـPatent ده.. أصلا معدل التغيير فـ فتح الصبابات يوصل 37% ده رقم خزعبلى؟؟!!!
قالك الـV-TEC طبعا.. هههههههههههههههه..؟؟؟!!
هتقوللى دا Prototype مش انتاج فعلى, هاخبطك الـParagraph التانى: :36_2_49[1]:
Alfa Romeo was the first manufacturer to use a variable valve timing system in production cars (US Patent 4,231,330). The 1980 Alfa Romeo Spider 2.0 L had a mechanical VVT system in SPICA fuel injected cars sold in the United States. Later this was also used in the 1983 Alfetta 2.0 Quadrifoglio Oro models as well as other cars. The system was engineered by Ing Giampaolo Garcea in the 1970s.
بس ياسيدى,
وجه الخواجة جان-باولو جارسيا خد الشغل بتاع الباشمهندس جيوفانى (يخرب بيت الطلاينة :first: هههههههههه),
وكمل تطوير عليه ونزله فـ عربيات mainstream-production..؟؟!!!
وكمااااااااااااااان تيجى Fiat-Powertrain Technology بعدها بـ30 سنة, تنفخ الـV-TEC (تانى) وحتى الـValvetronic اتاخد فـ الرجلين.. :16:
وتاخد 4 جوايز Engine of The Year Awards بتكنولوجيا الموتور الـMultiAir الأفتكاسة, اللى هتغير (وبدأت تغير) مفهوم صناعة المواتير فـ العالم..!!
وده مش جديد على فيات اللى عملت الـCommon-Rail Turbo-Diesel Direct-injection للى راكب النهاردة على كل عربيات الديزل على وجه الأرض.
Plz ممكن أقول حاجة.. :U_thin1[1]: ؟؟!!! ولا بلاش ياعم عشان ماتوقفش. :oops1:
Regards,
لا لأ لأ.. الصراحة مش قااااااااااااااادر :oops1:
نياهاهاهاهاهاهاها ههههههههههههههههههههههههه هه
انتو اتقطعتوا ياجدعاااااااااااااااان.
كل الأختراعات فـ صناعة العربيات طلعت Euro وش..!! هار اسود,
أمال اليابانى عملوا أيه؟؟ الـPanasonic والـToshiba؟؟!!! هههههههههههه
وتصدق فيات دى طلعت جامدة --خ, انا عن نفسى كـ formulator اتصدمت..؟؟؟!! :majd(4): ههههههههههههههههههه
معلش هي فيات دي اصلا منتشرة فين ؟ لا بتبيع في امريكا ولا الخليج ولا اوروب
مبيعاتها كلها في ايطاليا والبرازيل عشان بتتصنع هناك , اعمل ايه انا بال prototype بقى ؟ فين النتايج ؟
من الأخر ..
عايزين تقولوا أن الكوري سئ و الاوروبي واااااو
ماشي موافقين
بس أحنا بقي مابنفهمش و بنحب يتضحك علينا و بندفع فلوس كتييييييير في عربيات سيئة و تقليد للاوروبي
أيه اللي مزعلكوا بقي ؟؟
لا ازاي !!
اليابان اخترعت حاجات كتييييييييييييير يا فورمولاتر ... بس
طبعا اهمها و اكثرها افادة للبشر ..
هي دواسة تويوتا الي بتدوس بنزين لوحدها :)
مفيش ولا شركة عملتها !
---
مفيش مجال للنقاش يا جماعة في موضوع التكنولوجيا ( سواء كانت في المحرك او في نظم التعليق او حتى في الكماليات) ال PIONEER فيها اوروبا !
حتى لو تكنولوجيا مكملتش . . او كانت اختبارية او طلع فيها مشاكل .. بس في الاخر حتلاقي السبق دايما لاوروبا مش اسيا خالص !!
ممكن التصميم يبقى فيه و فيه و ممكن الاداء يبقى فيه و فيه وممكن الاعتمادية يبقى فيه و فيه و طبعا الاقتصادية (مش في البنزين بس) فيه و فيه مشاركة و منافسة بين جميع بقاع الارض ..
---
بلاش حتى العربيات الغالية ... بص لارخص السيارات الاوروبية و افضاها كمان .. و قارنها باخواتها الاسيوية الرخيصة برده ( لوجان - باليو-سيينا - بوينتر)
... حتلاقي فرق شاسع ... اوروبا بتعمل ايه في الفئة دي ؟
بتشوف الموديل الي قبله مثلا من العربية الغالية ... و تحلي شكله و تنزله في الموديل الرخيص .. بس بيبقى بنفس تكنولوجيا الغالية ... بس بسعر ارخص ..(علشان كدة ممكن تبقى مقرفة اكتر في الصيانة).
انما اسيا مش بتعمل كدة اساسا ... دي بتشيل خالص و تستبدل بحاجات ارخص و اسهل في الاستعمال ... دي دماغ و دي دماغ تانية خالص.
يعني جرب اركب مثلا ال i20 مع احترامي لملاكها و هيونداي ...
وانزل اركب الالنترا .او السوناتا.. اول فئة حتى .. حتلاقي فرق شاسع في كل حاجة .. حتى شاشة الكومبيوتر و الكاسيت مش بس في الخامات و التصميم ..
تعالى لفولكس فاجن ...
جرب اركب البولو مثلا .. و انزل اركب الجيتا ... نفس الكومبيوتر مع امكانيات اقل طبعا و تقريبا نفس الاحساس في كل حاجة ... بس مع زيادات طبعا لتنماشى ...
بيجو .. اركب ال 207 و اركب بعدها ال 508 .. طبعا حتحس ان 508 انضف و اكبر و اشيك .. بس حتلاقي برده في تكنولوجيا مشتركة كتيرة جدا و متحسش انك راكب عربية رخيصة...
ده في بعض الاحيان العربية الاصغر من الموديل الجديد بتبقى اشيك و افخم من العربية الاكبر في الموديل الي قبله .. بفرق كبير ( الفييستا - الفوكاس قبل الشكل الجديد).
وخلافه ...
فممكن نتناقش في اي حاجة :) اي حاجة ( اعتمادية - رخص - اداء)
انما تكنولوجيا صناعة وتصميم العربيات .. مبعها اوروبا
و تصميم العربيات خالصة ... حاجة يتفوق فيها الطلاينة في العالم كله :)
لو علي الحرب العالمية
انت عارف ان المانيا وقفت تماما بعد الحرب
ورجعت باقل المقومات
هكذا فرنسا
هكذا انجلترا
نفس امريكا كانت كدة
كل الي اتلط في الحرب -- خسر كتير سواء انهزم او انتصر
الفتيس الأوتو مش سبق للياباني
الفتيس الأوتو اعتقد امريكي اساسا
ولو علي توفير الوقود
فولكس صاحبة السبق بمعجزتها بيتل
في الوقود والتبريد
اية علاقة التكنولوجيا و صاحب الاختراع بالعربيات الاقتصادية اللى فى مصر, اللى معمولة باقل تكنولوجيا!!!! لو حنكلم على التكنولوجيا و الرفاهية نتكلم على الجينسيس و الليكزس و و... بلاش نتكلم على البوجاتى و المزرتى و الفرارى ... حجات كلها ملناش دعوة بيها هنا فى مصر!!!!
احنا بنتكلم على فئة العربيات الاقتصادية ذى العربيات اللى فى مصر و دى بتنزل باقل تكنولوجيا لتقليل التكلفة بقدر الامكان, و العربية الناجحة فى نظرى هى اللى تحقق المعادلة دى:
عربية اقتصادية ناجحة = سعر اقل + رخص قطع الغيار + اعتمادية و قلة اعطال + انتشار + عمر افتراضى + سعر اعادة بيع + انتشار مراكز الصيانة + كماليات و اوبشن بارخص سعر + جوده خامات مقابل السعر + تصميم و شكل ممتاز + اداء و تسارع ممتاز + وسع صالون + استهلاك بنزين كويس + امان مقبول (يكفى فرامل abs + عدد 2 ايرباجز) + توكيل كويس
واحد يقولى طب ما الصينى مليان كماليات و سعرة رخيص حقولة بس مفيش اعتمادية و مليان اعطال و مشاكل و كمان مفيش جوده خامات ولا عمر افتراضى ولا تسارع ولا ....!!!!
عموما المعادلة اللى فوق لما اليابانى بدء يحققها اكل السوق من الاوربى و لما الكورى بدء يحققها بسعر اقل اكل السوق من اليابانى و لو عرف الصينى يحققها الكام سنة الجايين حياكل السوق من الكورى و هكذا.
اية علاقة بقى التكنولوجيا و مين اللى اخترعها و تاريخ مش عارف اية بالعربيات الاقتصادية اللى عندنا اللى معمولة باقل تكنولوجيا ممكنة لتقليل السعر!!!!
حاليا الكورى( خصوصا الهيونداى و الكيا) هو احسن واحد بيحقق المعادلة اللى فوق علشان كدة هو انجح عربيات اقتصادية فى مصر و تلاقيها منتشرة ذى الرز و الانتشار يعنى نجاح و الشعب المصرى مش غبى و بيدور على احسن حاجة و افضل جوده باقل سعر
بص يا formulator :)
انت اسمك ايه صحيح ؟
مش هقدر أقول غير انك برنس وعارف حاجات كتير عن تاريخ العربيات الصراحة انا ماهتمتش أدعبس فيها
بس برضه انت مش fair :36_2_49[1]:
طاب ماتجيب لينكات أسهل ؟اقتباس:
دى كانت مشكلة الـFIA,
مش مشكلة عظماء الصناعة اللى كان كل همهم استعراض التكنولوجيا السباقة فـ الراليات..!!
(اللى هى بطبعها رياضة خطيرة لحد دلوقتى رغم تطور احتياطات الأمان).
بيقولك على Group-B دى..(اللى كان أفجر عربية فيها لانشيا دلتا S4):
الرياضة الميكانيكية الوحيدة فـ التاريخ اللى قتلها "جمهورها" المجنون, اللى كان بيقف بالآلاف على الـRace-Ground
ويجرى لما الصاروخ يعدى بسرعة فوق الـ200 كم/س (على تراك ضيق جدا حارة واحدة).. طبيعى أقل غلطة من السواق/الـCo-pilot أو أى Failure فـ العربية بيتسبب بموت العشرات..؟؟!!!
ياجدعان شوفوا الفيدز عـ اليوتيوب, أنا مش بخترع الكلام ده !!
ورغم كده مكانوش بيفوتوا سبق واحد.. أقولك حاجة مهمة أوى فـ سياق الموضوع بتاعنا:
هو ده الفرق بين الأوروبيين وأى حد تانى... (صناع وجماهير/شعوب): الهوس برياضة السيارات اللى خلى عندهم Passion بالتطوير والتفوق فـ الصناعة. :first:
ههههههههههههههههههههههههه هاقتباس:
ياراجل عيب عليك؟؟!!!
بقولك "قوة مفرطة" تقولى فيرنا؟؟؟!! وهى الفيرنا دى قوة مفرطة..؟؟!!!!!! :36_2_49[1]:
لازم أنكشك
انا مش قصدي كدة
الفيرنا عربية سريعة خفيفة فراملها ضعيفة ..... تبقي خطر
قول اللي في نفسك :first:
بس انت برنس الصراحة
ومش fair :44:
جو العربيات الي ركبتها ضغط الكاوتش قيها مش مظبوط ومعموله 30 أو 28 يقولك عسان العفشه
وعربيتنا 33 قدام و34 ورا وجرب هتلاقي فرق رهيب في الثبات والفرامل
انا فاكر اني سألته علي كذا حاجة منها الضغط وقالي اناعامل زي الكتالوج أو مكتوبة عالقايم ... مش فاكر بالظبط
ده كان عالبرافو
انما اللينيا ماسألتوش
بس والله العربية كانت بتتنطط وبتعمل زي السيراتو بالظبط
العجل يفقد traction والضهر بيروح حاجة بسيطة بس بيحسسك بخوف
الدائري انا كنت قافش في الدركسيون لا العربية تعرض مني
كان بالليل بالنسبة للعربيتين
لأ اكيد فيهم حاجة مش مظبوطه يا زوايا يا كاوتش
ومين قالك ان امريكا مافيهاش بيتل
انت ماشوفتش فيلم The Love Bug ؟؟
ودة ما يمنعش ان هوندا انتهزت فرصة ازمة البنزين ونزلت السيفيك موفرة اخر حاجة في البنزين
وبالنسبة لهوندا فعلا امريكا من اكبر الأسواق الأستهلاكية بالذات للأكورد ونزل فيها موديلات مش بتنزل عندنا طبعا
تحياتي