موضوع سخن بين الأوروبي والأسيوي والأمريكي

**mody3on** · 20-04-2012 02:09 AM

اي نعم حتى الان محدش عارف يوصل للاوروبي لان دي شركات خبرتها مئات السنين ( رولز رويس - مايباخ - فيراري - لامبورجيني - فولكس - مرسيدس ) , بس ارجو محدش يحتقر حاجة , بره لما بيقارنوا بين الجينسس والماستانج ودي كوري ودي ماسل كار معروفة , بنشوف مقارنة موضوعية مش تريقة وخلاص , انما كل واحد عامل نفسه خبير للاسف
وده ميمنعش ان الكوري لسه ظاهر من 20 سنة وعمل طفرة مهولة ووصل على الاقل ل 50% من مستوى الاوروبي , وده مش حاجة قليلة لانه تطور في زمن قليل جدا واصبحت هيونداي بتغلب مازدا ونيسان وسوبارو واوبل في بعض العربيات , بس مع ذلك لا ترقى لمستوى الالماني تحديدا ومش الاوروبي كله

**MBhead** · 20-04-2012 02:18 AM

التخليص غير صحيح بالمرة و التعميم كذلك خطا ...مين قال ان كل الاوروبي اعطاله كتير ....الحقيقة انا اول مرة اعرف العربيات الياباني سابقة الدنيا في التكنولوجيا ...انا هناقش حاجة واحده
الامريكي
الامريكي يا فندم اللي برغم من استهلاكه العالي بيبرعوا في صناعة المحركات الكبيرة الV8 من 5.0 لحد 8 لتر كمان الموتور الامريكي اولا عزم عاااااالي جدا جدا جدا high torque end قدرة عالية جدا صوت رررهيب بكل المقايس ...الكاديلاك او النكولن بتبقي ملكية و شكلها فخم للغاية و ركوبيتها احسن من احسن عربية ياباني و علي عكس المرسيدس مثلا او الجاجوار ...الامريكي ابقي راكبه ادوس شوية اسمع صوت وووحش و سحب ال 8سلندر الامريكي شي اسطوري غير ان الامريكي فيه لمسات جمالية رائعة في امريكي تاني زي الكورفيت مثلا ...الكورفيت اول اصدار ليها كان قطعة فنية بكل المقاييس تاني اصدار بقي كان فيبرجلاس بودي و دي من سنة 1962 ...دي بالذمة مش تكنولوجيا غير ان الفتيس الاوتوماتيك و الباور في العربيات الامربكي من الاربعينات و الفرامل الabs اختراع امريكي في الاصل اتطور بعد كده في المرسيدس
يا فندم انا شخصيا لي باع مع المواتير الكبيرة و ركبت امريكي موديلات و موديلات واقدر اقول لحضرتك ببساطة اللي راكب عربية من دول مش بيفرق معاه استهلاك البنزين في اي شي
الياباني عربيات حلوة موفرة و كاستخدم يومي عملية جدا ..لكن لا يجوز اني ابقي راكب كاديلاك و انزل منها اركب توتويا ..حتي المقارنة غير عادلة

**minicooper20** · 20-04-2012 07:15 AM

المشاركة الأصلية كتبت بواسطة formulator

+999
معظم التكنولوجى اللى تعتبر Breakthrough فـ صناعة السيارات بتيجى من شركات زى فيات وفولكس..!!

مش من BM ومرسيدس..؟؟؟!!

بعد اذنك ياعم Yoko, سيبلى أنا الطلعة دى..

طالما الكلام على السبق فـ التكنولوجيا, أعتقد معروفة الـEuro طبعا...
اليابانى معروف انه بياخد تكنولوجى أوروبى وبيطورها, والكورى.. نقول مالوش فيها أصلا.

تأكيدا للكلام اللى فات, وتحديدا مواتير الـHigh-Revving:

تقدر تعرف من الـBorexStroke اذا كان الموتور Oversquare/High-Revv ولا لأ؟؟!!

طب تسمع عن عربية اسمها Fiat X1/9 كانت حاجة اسطورية كده؟؟!!!
ماهو أكيد تعرف موتور الفيات 128 الـSOHC 1300 الشهير (1290cc)..
كانت ابعاد السلندر 86.4mm bore x 55.5mm stroke..؟؟؟!!! والنسخة اللى نزلت فـ الـX1/9 دى, وكذا عربية تانية أبارث ولانشيا كانت بتوصل:
160 حصان عند 8600 rpm,

وفيه نسخ الأبارث واللانسيا Stratos (والـX1/9 الـ1.5) كان بيركب عليها 3 بساتم (Bore ثابت مع Stroke مختلف):
- لو الـStroke 78.4mm الموتور بيـRevv لحد 7700 rpm
- لو الـStroke 67.4mm الموتور بيـRevv لحد 8900 rpm
- لو الـStroke 63.9mm الموتور بيـRevv لحد 9400 rpm

أقولك أعلى Piston-Speed كانت بتوصل 20m/s عند كام rpm, ولا بلاش عشان ماتتعقدش؟؟!!! ههههههههههههههه

وتقوللى SiR و Mivec؟؟؟!! انت بتهرج على فكرة!!! انت عارف الكلام ده سنة كام؟؟!!!
من سنة 1972 لحد 1982.. وفين نسخ Bertone فضلت تتعمل لحد 1989؟؟؟!!!

أيــــــــــــــه قريب مش بعيد؟؟!! طب خد عندك بقى يا أستاذ يابتاع المايفوك,

حاجة فـ الزمن الغابر (غابر على صناعة السيارات الآسيوية اللى كانت بتعمل عجل وقتها)..
سنة 1966 لحد 1973.. الفيات Dino الشهيرة:

- موتور الـ2.0 V6 كان بيطلع 160 حصان/7200 rpm.. و163 نيوتن/6000 rpm
- موتور الـ2.4 V6 كان بيطلع 180 حصان/6600 rpm.. و216 نيوتن/4600 rpm

مع العلم ان النسخ اللى كانت بتتعمل للفيررارى Dino 206/206GT كانت بتخرج من مصانع فيات Torino (أنا مادخلتش الفيررارى خالص أهو عشان ماحبطش حد), بهورسباور claim عند rpm أعلى؟؟!!!
هاه؟؟ Street-Legal ولا لأ؟؟؟!!

قالك مايفوك.. ههههههههههههه
طبعا كده حقى أقول محدش يتكلم عن الـHigh-Revving تانى.. أوروبى صرف.

أصلا أنا لسه ماتكلمتش عن الـFormula1 والمواتير اللى بتلف لحد 18,000-20,000 rpm.. (ومحدش ييجى يقوللى بايك Yamaha بعد اذنكم), معروفة الـF1 أوروبية صرف.

يكفى ان تويوتا وهوندا لما كانوا فـ F1 (قبل ما ينسحبوا ههههههههههه) كانوا واخدين كل الـTech بتاع مواتير الـHigh-Revv من فرق أوروبية زى Williams و Sauber.
(طبعا عشان فرق الشركات الكبيرة زى فيررارى ومرسيدس مش هيدوهم Tech كده)؟؟!!!

@ Eng.Geo
تنفع العربية دى:
- لانشيا دلتا انتيجرالى موتور 2.0 (سوبر-تشارجر وتربوتشارجر) ودفع رباعى AWD.. أرقام الأداء هتزعل ناس كتير معلش:
- HF integrale 8v موتور 185 حصان.. وتسارع من 0-100 فـ 6.6 ثانية.. موديل 1987
- HF integrale 16v موتور 200 حصان.. وتسارع من 0-100 فـ 5.7 ثانية.. موديل 1989
- HF integrale 16 Evo I/II موتور 210/215 حصان.. وتسارع من 0-100 فـ 5.5 ثانية.. موديل 1991/1993
ماينفعش تيجى تقوللى سنة 1993 الأوروبى كان فين؟؟؟ أنا بتكلم قبلها كماااااااااااان!!!

تاخد الفاجعة الكبرى:
عشان الناس اللى فرحانة بمواتير الميتسو ايفو (المضروبة).. جاى فـ القرن الـ21st بعد الألفينات تقوللى ايفوليوشن 280 حصان و360 حصان.. وبتتربن توصل لـ1000 حصان..

لأ معلش, أنا بتكلم فـ الـ80s الثمانينات من القرن اللى فات (والتكنولوجيل لسه موجودة الشركات الـEuro ماولعتش فيها يعنى):

سنة 1985-1986 ينفع؟؟؟
خدوا كده الـParagraph ده للى عايز يستمتع (والبعض هيذهل) بصناعة العربيات الأوروبية وهوس الطليان تحديدا بالسباقات:

The car's 1,759.3 cc four-cylinder engine combined supercharging and turbocharging to reduce turbo lag at low engine speeds.[1] Officially, the car produced 480 horsepower (350 kW), but the one that participated in the 1986 World Rally Championship developed over 560 horsepower (367 kW). In 1985, Lancia engineers tested a S4 engine under extreme conditions, reaching 5 bars boost, developing around 1000 horsepower. Independent figures show the S4 could accelerate from 0 to 100 km/h (62 mph) on gravel in under 2.3 seconds.[citation needed] An engine capacity multiple of 1.4 was applied to forced induction engines by the FIA and the choice of 1,759 cc put the S4 in the under 2,500 cc class, which allowed for a minimum weight of 890 kg (1,962 lb). The combined super/turbocharger system (often referred to as twincharging) was a development of the 037 engine that produced 350 hp (261 kW) with a supercharger only. This was competitive with the Audi Quattro in 1984 which also had 350 hp (261 kW), but by the 1985 season Audi's S1 was homologated with 600 hp (450 kW).[citation needed] Consequently, a turbo had to be added to the S4 engine design to remain competitive.

يعنى لما موتور 1800 يطلع 480-560 لحد 1000 حصان
يعنى لما عربية تتسارع من 0-100 على الحصى فى 2.3 ثانية.. Let the Bugatti go to HELL
يعنى لما الـFIA تلغى الفئة دى أصلا (group B-Rally) من الوجود عشان حادثة كارثية لللانشيا دلتا S4 مات فيها رقم خزعبلى من السواقين والفريق والجمهور المجنون..؟؟!!!

ليه؟؟!!!
عشان الـFIA مش قادرة تحكم السباق بين لانشيا-أودى-بيجو فـ أرقام الهورسباور (من مواتير صغيرة) والتسارع الرهيب للعربيات.. والقوة المفرطة اللى خلت الرياضة دموية؟؟!!!

وفـ الآخر تقولى SiR و Mivec.. وايفوليوشن وامبريزا, دى عربيات SH*T
هنتكلم على خرج مواتير عالى من سعة لترية قليلة.. متحاولوش!!

الخلاصة:
التكنولوجيا تأتى من الغرب وليس من الشرق يا أساتذة...
ههههههههههههههههههههههه

بجد بتعلم منك يا فلاملاتور دنا طلعت مبفهمش غير فى البى ام
شابو يا حبى
و كل كلمه قولتها عندك حق فيها بصراحه
liiiiiiiiiiiiiiiiiiiiiiiiike

**SYD** · 20-04-2012 09:35 AM

معلش يا جو مع كامل احترامي
ومفيش داعي للزعل من بعض

المقصود هنا
ان الأوروبي بيعمل شئ جديد محدش عمله
لكن ايه الفايدة اني اعمل عربية سنة 2012 بتكنولوجيا مستخدمة في عربيات تانية من سنة 2000

فين السبق ؟؟؟

بقالها 20 سنة بس وعملت حاجات خطيرة
طب ماهو طبيعي
امال انت عايزهم من 20 سنة ويبتدوا من الصفر - عربية بمنافلة والردياتير خارج من الكبوت والأستبن جمب الباب

انا اقصد
انهم لما ابتدوا من 20 سنة كانت العربيات التانية متطورة جدا
ولما هما ابتدوا ياريتهم خدوا تكنولوجيا وقتها واخترعوا عليها تكنولوجيا جديدة
لا بقوا يشتروا التكنولوجيا ويعلموها في عربياتهم بعد ماتكون اتهرست في اوروبا من 15 سنة

لذلك تلاقي النهاردة عربيات كوري صغيرة وفاضية

في حين ان اصغر عربية اوروبي لا تخلو من التكنولوجيا ووسائل الأمان

ابسط مثال
لحد النهاردة 2012 والفيرنا نازلة من غير ايموبلايزر
في حين انه نزل في البولو (تقريبا اصغر عربية فولكس) من سنة 95

هوندا لما نزلت في 2011 في عربياتها سنسور يحس بالسرعة وبناء عليه الكاسيت صوته يوطي ويعلي اوتوماتيكيا
كانت مرسيدس عاملاها من التسعينيات

هو دة الفرق المقصود

ايه الفايدة اني عمال اعمل عربيات لولابية وشكلها جزاب وفوانيسها شكلها غريب وانا مش ببدع او ببتكر شئ جديد

تقبلوا مروري

والله المستعان
،
،

**Screenplays** · 20-04-2012 05:52 PM

الكوري : افضل تصميمات
الالماني : افضل جوده

**ahmedeihab** · 20-04-2012 09:26 PM