الموضوع: ما هو اكثر موقف مضحك وهو سايق او له علاقه بالسيارات

المشاركة الأصلية كتبت بواسطة osos_lion

انا بقا اصحابي كانو ماجرين نوبيرا وطلعو اسكندريه
والواد الي سايق كان لسه جديد فالسواقه
المهم ماشي بسرعه اوي
المهم اصحابي الي كانو معاه فجاه وبصوت اعلي مطاااااااااااااااب
وهو تيييييييييييييييييييييييي ييييييييييييت
ياعم مطااااااااااااااااااااااا ااااااب وهو تيييييييييييييييييييييييي ييييييييييييييت
المهم فالاخر الشكمان اتخرم طبعا
الظاهر كده المطب مسمعش الكلاكس

الموقف دا جامد جدا

من حوالي 5 سنوات كنت رايح الشغل متأخر كالعادة طبعا و كان عندي سيارة كابريس و طبعا كنا في الصيف و ما ادراك ما صيف الكويت المهم وصلت لمكان شغلي و مستعجل أوي بعدين ضغطت على ( المسوجر ) و نزلت بسرعة و قفلت الباب و نسيتها شغالة و التكييف شغال و المفتاح ( الاستبن ) مش معايا و مش فاكر هوه فين أساسا المهم جاني أحد أصدقائي و قال لي نكسر ( الازاز ) و طبعا أنا وافقت بس قلت له ادخل الشركة جيب لي أي مفتاح يقابلك مع أي حد غاب خمس دقايق و لقيته طاله بأكثر - و الله العظيم بدون مبالغة أكتر من 50 مفتاح - و معاه بعض موظفي الشركة جايين يطمنوا ايه اللي حصل .
ضربت أول مفتاح في الباب الحمد لله فتح الباب و استغربت جدا و سط ذهول البشرية اللي واقفة بعدين طفيت السيارة و أخدت مفتاحي و قلت أجرب باقي المفاتيح لقيت كل المفاتيح بتفتح سيارتي مش بس كده دخلت جبت مفاتيح ابواب و ادراج المكتب لقيتها ماشاء الله بتفتح هيه كمان قام واحد مطلع ( قصافة ) لقيتها شغالة و اتفضحت في الشركة بعدها بكم يوم عت السيارة .

مرة كنت ماشي بعربيتي نصر 127 في شارع جانبي و هوب الدنيا مطرت دقيقة و بعد كده بطلت ...... بس للاسف ما كنتش ماسح البربريز كويس و طبعا التراب اللي علي الازاز اتحول الي طينة وما بقتش شايف حاجة وللاسف برضه قربة مياه المساحات ما كانتش شغالة .......... بس الحمد لله كنت حافظ الشارع من كتر ما مشيت فيه بالعربية وبالاضافة الي الخيالات اللي كنت شايفها من وراء الباربريز عرفت اقف علي جنب من غير خسائر الحمدلله.......... بس موقف الصراحة ساعتها كنت حاسس ان مصيبة حتحصل بس دلوقني بعد مرور 3 سنين علي الموقف ده كل ما افتكره اموت من الضحك.......

مواقف جامدة جدا و زي العسل
أنا بقى حصللي من شهر تقريبا موقف عجيب عمري ما اتحطيت فيه قبلها
كنا طالعين أنا و 3 أصحابي مارينا و معانا واحدة صاحبتنا من بولندا كانت عاوزة تحضر حفلة عمرو دياب.... و بعدين عدينا على ناس أصحابنا في النخيل 6 أكتوبر عشان نطلع سوا...
كانت الأخت قاعدة ورا في النص و واحد جنبها من كل ناحية عشان نبعدها عن الزحمة و حركات الناس اللي انتو عارفينها


و احنا طالعين من هناك (منطقة شعبية طبعا) وقفنا شوية في الزحمة و جمبنا أتوبيس...و اذ فجأة كده لقينا كل اللي في الأتوبيس طالعين من الشباك و قاعدين يشاوروا و يصفروا و يغمزوا و يعملوا حركات غريبة

و فجأة لقينا اللي عاوز ينط على العربية واللي بيفتح الباب
و كانوا عاوزين يغتصبونا احنا و البنت و العربية
أنا كنت مرعوب على المازدا كانت لسه عاملة 1000 كم.....مش مشكلة البنت اللي معانا دي اللي كانت مش فاهمة ايه اللي بيحصل و سألتنا بعد ما طلعنا من الزحمة دي: هما كانوا بيعملوا كده ليه؟؟
صاحبي رد بكل هدوء و قاللها: "They were just saying "Hi:)

مش الموضوع ده مكانه في الاجتماعي ؟؟؟؟؟؟؟؟؟؟

مره كنت ماشى على كوبرى 6 اكتوبر كنت سعاتها مش دايس فيه اوى
المهم فى نزله كده فى الكوبرى بتنزل قبل البنك الاهلى علطول على الكورنيش وفيه نزله بتنزل الناحيه التانيه من الكورنيش
انا اتخلبط ونزلت النزله التانيه من الكورنيش
انا كده تهت رسمى لانى معرفش اى حاجه فى النهايه التانيه وكنت عايز اروح الناحيه التانيه من الكورنيش علشان اروح البنك الاهلى
الى فى دماغى سعاتها انى ارجع واخذ كوبرى اكتوبر الى راجع وانزل وامشى مع الكوبرى الى رايح مع الكورنيش علشان انزل البنك
ولا امشى عادى فى طرقى واكيد هلاقى كوبرى بيعدى النيل
فجأه شوفت عرببيه تاكسى سايقتها سواق شكله اصيل فى مهنته راكب عربيه 124 ومأتب على الدركسيون وشكله مش باين من العربيه
المهم قولت اسأله
سلام عليكوووووو
ازاى اروح الناحيه التانيه من الكورنيش
الراجل كان رده غريب شويه وكان عصبى
قالى هوه انت ايه الى جابك هنا اساسا ؟؟
قوتلوا انا تايه
المهم الراجل اقتنع انى تايه فعلا واعد يشرحلى الطريق اروح ازاى
بس شرحه كان بعصبيه جامده وكان بيقولى شوارع انا عمرى ما سمعت عنها وانا حسيت انى لو مشيت وراه انى مش هروح البيت تانى
عملت نفسى بسمعه ومركز معاه على الاخر وسبته يتكلم لغايه ما خلص فقولت اعتمد على نفسى واحاول اوصل
المم مشيت شويه كده عمال اخش يمين فى شمال اقف فى اشاره انزل نفق فى الاخر موصلتش
قولت اسأل تانى اول تاكسى فى سكتى
سلام عليكوووو ازاى اروح الناحيه من الكورنيش ؟
لــــسه مبصتش فى وش الراجل
وببص الاقى سواق التاكسى الى انا سأله فى الاول هوه نفسه الى بسأله تانى
الراجل بصلى بعصبيه وقالى انت تانــــــــــــــى وراح داخل يمين سابنى

مواقف زى العسل كلها و تومت من الضحك
مره واحد صاحبى كان عاوز يروح حلميه الزيتون خلص ورق هناك رحت انا و هو و احد صاحبنا كمان
ودى كانت اول مره اروح الحته دى فطبعا مش عارف هى فين
المهم قولت اما اسال سواق تاكسى
روحت واقف جمب سواق تاكسى كان لسه هيطلع بعربيته و سالته
لو سمحت اروح حلميه الزتون ازاى
قالى بوص انت هتمشى طوالى
بعدين هتلاقى كوبرى متطلعوش
بعدين امشى طوالى
هتلاقى كوبرى تانى برده متطلعوش
بعدين امشى طوالى
هتلاقى كوبرى (قولتله مطلعوش)
قالى لا لف من تحتيه
طبعا انا اول ماقالى متطلعوش كان اصحابى فاطصانين على روحهم نت ادحك و باصين من الناحيه التانيه على الشارع عشان الراجل ميشوفهمش بيدحكوا وانا سامعهم و عاوز ادحك و مش عارف عشان الراجل ميزعلش
بس مكنتش عارف امسك نفسى فكنت كل شويه ابوص ليهم و اعمل قال ايه انى بكلمهم و اقعد ادحك شويه ولما اخلص دحك ابوصله تانى متصنعا الجديه فى الكلام