مشكلة مرضية مستعصية .. اللي عنده حل يشور عليا

**nonetta** · 24-04-2012 11:03 PM

مفيش اي مستشفي خاصة ولا حكومةراضية تاخدها عشان الميكروب اللي مالهاش ذنب فيه .. سألنا في دار الشفا .. الدمرداش .. احمد ماهر ..وكذا مستشفى خاص مش فاكرة اسمها وكذا دكتور عظام عشان يرشحلنا مستشفى .. كلهم اجمعوا محدش هيقبلها
الهلال دلوقتي مش اي حاجة بتقبلها .. وعلى ما اعتقد سألوا فيها قبل ما تدخل الفرنساوي رفضوا بردو
الفرنساوي بيقولوا ان الميكروب جالها اثناء العملية في مستشفي صيدناوي
واحنا ما كناش نعرف ان المستشفي بالبشاعة دي عشان زمايلها في الشغل اللي نقلوها ساعة ما وقعت
انا بس اللي نفسي اعرفه
يعني ايه مالهاش علاج
يعني تروح فين
اللي بيحصل له حاجة زي كدة بيسيبوه لحد ما اجل ربنا ييجي ولا ايه ؟

**kimo-nubira** · 24-04-2012 11:04 PM

انا لسه خارج من عمليه عظام في رجلي والدكتور كان مركبلي جهاز ايزاروف والجهاز ده خاص بتفتت العظام والحوادث لاقدر الله

بس انا ركبته علشان مفضلش عايش بمسامير وشرايح طول حياتي وشلته بعد 6 شهور

اظن انها محتاجه الدكتور ده هو مكانه في الجيزه ولو حضرتك عايزه رقمه ممكن اجبهولك

ويارب يشفيها ويعفو عنها ان شاء الله في اسرع وقت

**Vernawy** · 24-04-2012 11:11 PM

بسم الله

هاتكلم من منطلق أرض الواقع..

1- شوفي يا فندم، العرف بين الجراحين إن محدش بيتدخل في حالة بدأها جراح آخر عشان محدش يشيل عك غيره.

2- الحالات دي طالما في مستشفى يبقى الأفضل إنها تفضل فيها. ما تسمعيش كلامهم أبداً و سيبك من الضغط المعنوي و الزن. الخروج من المستشفى عدة أنواع: تحسن أو هروب أوتحويل أو وفاة أو على مسئولية الأهل. هي طبعاً مش تحسن و لا هروب يبقى ليس أمامهم إلا التحويل أو على مسئوليتكم.

هم مش يقدروا يخرجوها من نفسهم إلا بتحويل رسمي إلى مستشفى أخرى توافق على ذلك، و دي مسئولية الفرنساوي. لحالة الوحيدة اللي ممكن يحولوها بالقانون هي عدم دفع القاتورة و حتى في هذه الحالة بيكون التحويل على القصر العيني (الساحة الخلفية المجانية للفرنساوي) مش على الشارع.

يبقى مفيش غير إنهم يخلوكم تاخدوها على مسئوليتكم عشان كله يبقى في السليم، و ده طبعاً بيجي بالضغط و الزن و نبرة التهديد و خوف الأهل إنهم يسيئوا معاملتها. إذن فكك منهم و إوعي يستدركوكم لعمل خروج على مسئوليتكم.

عموماً من فضلك وضحي الحالة العامة (سكر، ضغط، فشل كلوي، درجة الوعي، إلخ) و إن شاء الله تعالى هنلاقيلها حل كويس.

**nonetta** · 24-04-2012 11:11 PM

المشاركة الأصلية كتبت بواسطة kimo-nubira

انا لسه خارج من عمليه عظام في رجلي والدكتور كان مركبلي جهاز ايزاروف والجهاز ده خاص بتفتت العظام والحوادث لاقدر الله

بس انا ركبته علشان مفضلش عايش بمسامير وشرايح طول حياتي وشلته بعد 6 شهور

اظن انها محتاجه الدكتور ده هو مكانه في الجيزه ولو حضرتك عايزه رقمه ممكن اجبهولك

ويارب يشفيها ويعفو عنها ان شاء الله في اسرع وقت

يا ريت تكتب لي رقمه اذا تكرمت ويجعله في ميزان حسناتك ان شاء الله
والف سلامة عليك ويا رب تكون بخير دلوقت

**Eng.Geo** · 24-04-2012 11:15 PM

المشاركة الأصلية كتبت بواسطة kimo-nubira

انا لسه خارج من عمليه عظام في رجلي والدكتور كان مركبلي جهاز ايزاروف والجهاز ده خاص بتفتت العظام والحوادث لاقدر الله

بس انا ركبته علشان مفضلش عايش بمسامير وشرايح طول حياتي وشلته بعد 6 شهور

اظن انها محتاجه الدكتور ده هو مكانه في الجيزه ولو حضرتك عايزه رقمه ممكن اجبهولك

ويارب يشفيها ويعفو عنها ان شاء الله في اسرع وقت

ربنا يكون في عونك
أخويا لغاية دلوقتي ماشلش الجهاز الرزل ده
أليزاروف

جهاز بشع
ومع ذلك مركب شريحتين و4 مسامير
الله يسامح اللي أخترع البتاع ده

**nonetta** · 24-04-2012 11:20 PM

المشاركة الأصلية كتبت بواسطة vernawy

بسم الله

هاتكلم من منطلق أرض الواقع..

1- شوفي يا فندم، العرف بين الجراحين إن محدش بيتدخل في حالة بدأها جراح آخر عشان محدش يشيل عك غيره.

2- الحالات دي طالما في مستشفى يبقى الأفضل إنها تفضل فيها. ما تسمعيش كلامهم أبداً و سيبك من الضغط المعنوي و الزن. الخروج من المستشفى عدة أنواع: تحسن أو هروب أوتحويل أو وفاة أو على مسئولية الأهل. هي طبعاً مش تحسن و لا هروب يبقى ليس أمامهم إلا التحويل أو على مسئوليتكم.

هم مش يقدروا يخرجوها من نفسهم إلا بتحويل رسمي إلى مستشفى أخرى توافق على ذلك، و دي مسئولية الفرنساوي. لحالة الوحيدة اللي ممكن يحولوها بالقانون هي عدم دفع القاتورة و حتى في هذه الحالة بيكون التحويل على القصر العيني (الساحة الخلفية المجانية للفرنساوي) مش على الشارع.

يبقى مفيش غير إنهم يخلوكم تاخدوها على مسئوليتكم عشان كله يبقى في السليم، و ده طبعاً بيجي بالضغط و الزن و نبرة التهديد و خوف الأهل إنهم يسيئوا معاملتها. إذن فكك منهم و إوعي يستدركوكم لعمل خروج على مسئوليتكم.

عموماً من فضلك وضحي الحالة العامة (سكر، ضغط، فشل كلوي، درجة الوعي، إلخ) و إن شاء الله تعالى هنلاقيلها حل كويس.

حضرتك حتى القصر العيني كلية الطب رفضوا ياخدوها .. احنا رافضين نخرجها لحد دلوقتي وهما يوميا يقولوا خلاص خدوها واخرجوا .. مش هنقدر نعمل لها حاجة اكتر من كدة ..
بس انا مش فاهمة حضرتك الجملة الاخيرة دي

من فضلك وضحي الحالة العامة (سكر، ضغط، فشل كلوي، درجة الوعي، إلخ) و إن شاء الله تعالى هنلاقيلها حل كويس

اذا كان بالنسبة لها
هيا عندها سكر مرتفع بس طبعا بيتضبط في المستشفي

عندها قدم سكري لسة عاملة بتر لاصبع القدم قبل حادث السقوط بتاعها بشهر
درجة الوعي عندها تقريبا مفيش .. اسفة اني اقول مخها قفل مصدي .. الارادة والعزيمة شبه معدومين
عشان كدة المهمة اصعب لما تلاقي المريض مش بيساعدك ولا بيساعد نفسه ومستسلم

**Dr_Mido** · 24-04-2012 11:30 PM

عظام يبقى الهلال افضل خيار متاح

ثم الميكرب دة اتعمله مزرعه ولا لا

**nonetta** · 24-04-2012 11:42 PM

المشاركة الأصلية كتبت بواسطة dr_mido

عظام يبقى الهلال افضل خيار متاح

ثم الميكرب دة اتعمله مزرعه ولا لا

ايوة عملوا مزرعة وقالولهم انه من اسوأ انواع الميكروبات
بس طبعا معرفش اسمه ايه لان التقرير مش معايا
وبعدين الهلال رفضت لان مفيش اماكن

مش فاضل لنا غير مستشفى مدينة نصر للتأمين الصحي
بس هيا تبع صيدناوي
محتاجين حد يدلنا على طريق نسلكه انهم يعملولها تحويل لمستشفى مدينة نصر
انظف من صيدناوي

**Vernawy** · 24-04-2012 11:42 PM

اللي يقولكم خدوها تقولوا له يجيب هو الإسعاف و ينسق مع مستشفى تانية مناسبة و يحول بمعرفته. لكن خروج على البيت غير وارد. الرد ده هيقفل الحوار.

**Dr_Mido** · 24-04-2012 11:46 PM

مفيش بكتيريا ملهاش مضاد ازاى مدوهاش كورس العلاج

الموضوع: مشكلة مرضية مستعصية .. اللي عنده حل يشور عليا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لكل اللي عنده مشكلة تزييق في عفشة اللوجان ......... الحل السحري

مشكلة فى لانوس 2010 مستعصية على الفهم وعلى خبراء التوكيل

حد يشور عليا في شركات النت الزباله دي::: زهقت

اللي عنده عربية حديثة مدشدشة لا للتجار اللي بيمصوا دم المصلحة

مشكلة مستعصية فى الراديو

الكلمات الدلالية لهذا الموضوع

المفضلات

المفضلات

ضوابط المشاركة