الموضوع: الفتيس مش عارفلو حل

لو العربيه طلعتها واداؤها وعزم الفتيس في الطلعه مش بيفرق من الd وال 1 يبقي كده فعلا سليكتور او الواير بتاع العصايه اللي شابك في السليكتور عاوز يترجلش مش أكتر
وعموما عشان نطمن علي الفتيس طلع مقياس الزيت وشم الزيت اللي عليها وشوف فيه ريحه شياط تيل ولا لا

الاخوة الافاضل
شكرا جزيلا عل المعلومات والردود الممتازه
بالنسبه للسيليكتور انا شايف ان مفيش مشكله خالص لو بالفعل اتنضف مش حيضر فى اى حاجه حتى لو كان فى سبب تانى وبرضو الواحد يبقى قلل الاحتمالات
ريحة الزيت والعربيه بارده عادى لكن وهى سخنه لى ريحه قويه متهيألى ده طبيعى
الواحد الحمد لله مستبشر خير لأن العيب مش ثابت خالص ساعات لما بنقل تتحرك على طول
ربنا يكتب الخير

المهم انا بس بنتى عندها امتحانات الاسبوع ده وانا مش فاضى للعربيه خالص اليومين دول،
كمان عاجبنى قوى فكرة ان الواحد يفك حاجته بنفسه بالذات ان الاساتذه اللى فى المنتدى ماشاء الله عليهم مش سايبنا الا و معانا مانيوال كامل مصور لكل شىء، مع امكانية الاتصال والسؤال عن اى شىء، الله يجزى الجميع خير
لما شوفت موضوع السيليكتور للاستاذ اسلام بجد حسيت انو ناقص الراجل ييجى بنفسه يفككو ربنا يكرمو
أهم شىء تدعو كده للعيال فى الامتحانات ربنا يكرمهم و يحافظ على كل اولادنا انشاء الله

الله المستعان