Opel Astra VS Citroen C4

**Formulator** · 01-05-2012 03:16 PM

المشاركة الأصلية كتبت بواسطة TFSI

موتور أقوى وأسرع 120 حصان وتكنولوجيا الموتور (حقن مباشر) أحدث بمراحل من الأوبل

موتور الـPrince 1.6 N/A بتاع PSA الـ120 حصان اللى بينزل مصر.. مش Direct-injection،
الـ308 والـC4 الشيب الجديد Port-injection عادى.. الكلام ده أكيييييييييد أنا أعرف كذا واحد معاهم 308/SW..؟!!

- موتور البيجو-ستروين عليه VTi على كامة الـintake، بيطلع 120 (وبروشورز عز-العرب بتقول 117 حصان).
- موتور الأوبل-GM برضه عليه Eco-TEC على كامة الـintake، وبيطلع 115 حصان.
الفروق لا تذكر فـ الأداء..
مش عايز أقولك موتور الأوبل فـ الـMid-to-High Range أجمد.. (فـ الـLow-End طلعتها مش قد كده عشان الوزن والفتيس، لكن فوق أسرع بكتيييير)..؟!!

المشاركة الأصلية كتبت بواسطة mody3on

ستروين مين اللي اكبر من اوبل ؟ اكبر من جنرال موتورز ؟
روحوا شوفوا انتشار الكورسا والاسترا في اوروبا وبريطانيا وشوف هتلاقي كام c4 هناك
وبعدين قطع غيارها زي 308 , هو ال 308 قطع غيارها مغرقة الدنيا يعني مثلا ؟

+1
الأوبل والفوكسهول (الكورسا والأسترا) من العربيات الـTop-Sellers فـ فئاتهم فـ أوروبا/انجلترا.
بس هو الموضوع مش مقارنة شركات أو ألمانى vs فرنساوى.. العربيتين "أصلى" ومن شركتين يمتلكوا تكنولوجيا عالية..
الفروق فـ الفئة دى الـEuro C-Segment Hatchback هتبقى بسيطة جدا.. (أضف عليهم الميجانIII والبرافو والـ308 وممكن الجولف والفوكاس كمان)..!!

هنتكلم عربية vs عربية:
- الأوبل عفشة خلفية أفضل؛ Watt-Link مقابل Torsion-Beam عادية بدون تعديل للـC4.
وده مدى للأسترا أفضلية بتهاندل وثبات أفضل فـ السرعات..
(عن تجربة لأسترا مش تربو) وكذا 308 و C4 الشيب اللى فات.. أعتقد مفيش تغيير فـ العفشة عن الـ307 حتى..؟!!

المشاركة الأصلية كتبت بواسطة mody3on

اعتقد صاحب الموضوع ممكن يحط الفوكاس هاتشباك في المقارنة , تكسب في الموتور والراحة وحاجات كتير , وتوكيل كويس

جامد اقتراح الفوكاس أوى،
- عفشة خلفية Multi-Link أفضل من الأسترا والـC4.
- موتور 1.6 Ti-VCT والكنترول عـ الكامتين intake/exhaust بيطلع 125 حصان.
- فتيس Power-Shift ديوال-كلتش.
الموتور + الفتيس كفاية انهم يخلوها أقوى وأسرع من الـ2
لو فـ المقارنة أعتقد انها تتفوق عـ الأثنين..

**mohaismail** · 01-05-2012 05:18 PM

وجهة نظرى سى4 افضل كسيارة
معرفش توكيلها نظامه ايه اظن انه فى نفس سوء منصور

**N.a.j.d** · 01-05-2012 06:01 PM

طب ياباشا جربت الاسترا او مش حقولك جرب عربيات منصور تعال هنا وشوف الاسترا عن حق وحقيقي

**dede_dodo88** · 01-05-2012 06:42 PM

الـc4 تكسب من حيث الكماليات.
الأتنين شكلهم شيك جداً, لكن الأسترا تفاصيلها أكتر فمُلفتة بشكل أكبر.
الأسترا (مع الأنسجنيا) واخدين تقييم كأقل العربيات عطلاً في فئتهم, وده يدل على جودة التصنيع.
توكيل العربيتين في مصر مضيعين سمعتهم الكبيرة, و ده سبب عدم أنتشارهم.
أنا مشفتش الـc4 لحد دلوقتي غير مرتين, مرة في معرض أوتوماك و مرة ماشية في الشارع.
الأسترا أبتديت أشفها كذه مرة دلوقتي في الشارع.
توكيل ستروين كل اللي سمعته عنه كان تجارب سيئة و أنه مبيفهمش في العربيات اللي بيبيعها.
توكيل منصور, شوية بيشكروا فيه و شوية تانيين بيلعنوا اليوم اللي تعاملوا معاه فيه, أنا عن نفسي محتاجتش أتعامل معاهم كتير لحد دلوقتي, لكن المرات القليلة اللي كلمتهم فيها كانوا محترمين و كويسين معايا, و لاحظت أن معاملتهم للأوبل بتبقى مختلفة شوية عن الشيفرولية.
أنا أخترت الأسترا على الرغم أنها أغلى حبتين عن ال c4 لأني ميال أكتر للألماني لأنه متفوق تماماً خصوصاً في الفئة دي, أو بمعني أصح محتكرها, زي الجولف و الفوكس و معاهم الأسترا.

**mohaismail** · 01-05-2012 07:28 PM

المشاركة الأصلية كتبت بواسطة dede_dodo88

الـc4 تكسب من حيث الكماليات.
الأتنين شكلهم شيك جداً, لكن الأسترا تفاصيلها أكتر فمُلفتة بشكل أكبر.
الأسترا (مع الأنسجنيا) واخدين تقييم كأقل العربيات عطلاً في فئتهم, وده يدل على جودة التصنيع.
توكيل العربيتين في مصر مضيعين سمعتهم الكبيرة, و ده سبب عدم أنتشارهم.
أنا مشفتش الـc4 لحد دلوقتي غير مرتين, مرة في معرض أوتوماك و مرة ماشية في الشارع.
الأسترا أبتديت أشفها كذه مرة دلوقتي في الشارع.
توكيل ستروين كل اللي سمعته عنه كان تجارب سيئة و أنه مبيفهمش في العربيات اللي بيبيعها.
توكيل منصور, شوية بيشكروا فيه و شوية تانيين بيلعنوا اليوم اللي تعاملوا معاه فيه, أنا عن نفسي محتاجتش أتعامل معاهم كتير لحد دلوقتي, لكن المرات القليلة اللي كلمتهم فيها كانوا محترمين و كويسين معايا, و لاحظت أن معاملتهم للأوبل بتبقى مختلفة شوية عن الشيفرولية.
أنا أخترت الأسترا على الرغم أنها أغلى حبتين عن ال c4 لأني ميال أكتر للألماني لأنه متفوق تماماً خصوصاً في الفئة دي, أو بمعني أصح محتكرها, زي الجولف و الفوكس و معاهم الأسترا.

طب العزل بتاعها اخباره ايه يعنى وانت قافل الزجاج صوت الموتور وصوت احتكاك الكاوتش على الطريق مسموع لانهى درجة؟
واخبار استهلاك البنزين بتاعها ايه ؟

**TFSI** · 01-05-2012 07:46 PM

[QUOTE=formulator;3874275629]موتور الـPrince 1.6 N/A بتاع PSA الـ120 حصان اللى بينزل مصر.. مش Direct-injection،
الـ308 والـC4 الشيب الجديد Port-injection عادى.. الكلام ده أكيييييييييد أنا أعرف كذا واحد معاهم 308/SW..؟!!

- موتور البيجو-ستروين عليه VTi على كامة الـintake، بيطلع 120 (وبروشورز عز-العرب بتقول 117 حصان).
- موتور الأوبل-GM برضه عليه Eco-TEC على كامة الـintake، وبيطلع 115 حصان.
الفروق لا تذكر فـ الأداء..
مش عايز أقولك موتور الأوبل فـ الـMid-to-High Range أجمد.. (فـ الـLow-End طلعتها مش قد كده عشان الوزن والفتيس، لكن فوق أسرع بكتيييير)..؟!!

الكلام ده كان من 3 أو 4 سنين تلاقيها موديل 2008 كانت بتنزل بموتور ال TU5 ال 110 حصان بتاع ال 307 لكن دلوقتى كلها مواتير حقن مباشر وأسرع وأحسن الأوبل بمراحل

**melagouze** · 01-05-2012 08:21 PM

الاسترا عربيه جميله بجد ...و عنصر الامان فيها هايل...هيه سحبتها الاولي مش قويه بس بعد ال 60 كيلو بتبقي جامده بجد ......العربيه مريحه جدااا في السفر و ع المطبات .... كراسيها هايله....و صاجها كويس جدا .....

بصوا الاسترا الجديده اللي هنا في مصر بولندي ( و لو حد قالكوا الماني ما تصدقهوش) ......

العربيه جميله و هتعجب اللي بيشتريها اكتر من الستروين ........مجرد رأي

**Mohab.Nabil** · 01-05-2012 08:33 PM

المشاركة الأصلية كتبت بواسطة n.a.j.d

طب ياباشا جربت الاسترا او مش حقولك جرب عربيات منصور تعال هنا وشوف الاسترا عن حق وحقيقي

يا باشا انا مجربتش الاسترا و مقولتش انى جربتها بس معروف للكل ان العربيات فى الفئة ديه قريبة جدا من بعض فى الاداء و الاعتمادية و تقريبا كل حاجة .. و عارف ان الاسترا عربية كويسة و انا مقولتش انها وحشة خالص .. بس الفكرة كلها انها تتقارن بالسى فور عادى ممكن ديه تكسب و ديه تكسب بس مش الفرق الرهيب اللى حضرتك صورته

-

-

الموضوع: Opel Astra VS Citroen C4

LinkBack

أدوات الموضوع

عرض

-

-

-

-

المواضيع المتشابهه

Opel Astra

opel astra

opel astra

My Opel Astra

vauxhall astra & opel astra

الكلمات الدلالية لهذا الموضوع

المفضلات

المفضلات

ضوابط المشاركة