الموضوع: مشكلة ! ! ؟ الياريس مش بتعدي ال 160 ! ! ؟

المشاركة الأصلية كتبت بواسطة swimmer25

انا لما غيرت الزيت كان علي 60 الف وكان لونه رمادي...بالنسبة لمقاس الزيت زي ما موضح في الصورة لما يكون سخن يكون مستواه بين العلامتين المكتوب بينهم hot
ان شاء الله يكون الفلتر بس...وابقي طمنا

اشكرك على المتابعة يا كبير وهشوف تاني موضوع الزيت ده وخير ان شاء الله

المشاركة الأصلية كتبت بواسطة mohammadrashee

السلام عليكم
بص انا هقول رايي بكل صراحه بس من غير زعل
انا معايا ياريس زيك بالظبط 2007 اوتوماتيك
بس مش قادر اعرف ازاي حضرتك جيالك قلب ونفس تركب العربيه وهيا مبتعديش ال160 لازم تبيعها فورااااااا
ده مش كلام
بص انت لو شتمت هتتوقف انا بقولك حتى لو في سرك
انا بصراحه شايف ان حضرتك شاغل نفسك بالشد قوي والجري بس مش ديه المشكله المشكله انك عايز تعمل ده بالياريس
ديه عربيه مش بتاعة شد وانا جبت بيها قبل كده 170 عشان كان الوالد تعبان ورايح اوديه المستشفى
بصراحه نزلت السرعه تاني لأنها بقت زي مراجيح مولد النبي ( ص )
طبعا الكلام نسبي انا كان معايا بي ام وكنت بجري بيها من هنا تقدر تعرف الفرق
حرام عليك ارحم العربيه
بالنسبه لزيت الفتيس لازم يتغير ويتغير بزيت تويوتا مش حاجه تاني بس انت عامل كام كيلو؟؟؟
اوعى تزعل

وعليكم السلام

انا طبعا مقدر ومحترم وجهة نظر حضرتك لكن الموضوع والله مش زي ماحضرتك متخيل خالص !

يمكن عشان انا بكتب مواضيع كتير عن الشد والجري فاغلبية الاعضاء هنا واخدين عني فكرة اني 24 ساعة بشد ! لكن ده مش صحيح نهائيا !

انا اغلبية وقتي بكون ماشي في السرعة المعتدلة 90/100 ! نادرا لما بقيت اجري

وعلى فكرة انا مش بمشي على طرق تسمح اني اعدي ال 160 الا نادرا ! لكن الفكرة كلها ان لما تبقى العربية العادي انها تجيب 180 وتلاقيها مرة واحدة مابقتش تعدي ال 160 ! يبقى انت فيه مشكلة عندك ! ! ؟ وممكن لو المشكلة مالحقتش تعالجها تاثر على حجات تانية فيما بعد

فالفكرة كلها ان الواحد مايبقاش حاسس ان عربيته فيها اي مشكلة حتى ولو صغيرة

ومش موضوع عربية بتاعة شد او عربية مش بتاعة شد

الاهم من ده انك تكون بتعرف تتحكم في عربيتك وعارف ال Limits بتاعتها ! وفي الاخر ربنا اللى بيسترها

المشاركة الأصلية كتبت بواسطة dodyrisk

انا شايف انه مشكلة من مزعجة لاننا الطرقعندنا مش طلبة السرعة دى خالص وكمان الياريسبتعوم جامد فى الجري ربنا يحميك ياربويسترها علينا كلنا

الفكرة ان العربية فيها مشكلة ! وجايز المشكلة تكون مأثرة على حجات تانية او مستقبلا تاثر على اي حاجة تانية لو ماعرفتش سببها وحليته

جايز بسبب فلتر الهوا ممكن طرمبة بنزين ممكن زيت فتيس !

الله واعلم ! فمش منطقي ابدا ان العربية تكون فيها مشكلة والواحد يكبر دماغه حتى ولو مشكلة صغيرة

المشاركة الأصلية كتبت بواسطة dodyrisk

والله كويس انى دخلت ..... انا بقالى 70 ألف كيلو مغيرتش زيت الفتيس للياريس 2008 .. ربنا يستر حد يقولنا نجيب الزيت بتاع الفتيس دة منين ياشباب ؟

+111111111 ياريت حد فعلا يقولنا زيت تويوتا نجيبه منين

المشاركة الأصلية كتبت بواسطة lanos2004

موضوع محير جدا شوف انا هبعلك عربيتى و خلاص بس موعدكش باكتر من 200 كيلو فى الساعه

يابوحميد ده انا ليا الشرف يا كبير انت بتتكلم في ايه

ده كلو كوم والانوس المسكينة بتاعتك كوم تاني