الموضوع: مشكلة ! ! ؟ الياريس مش بتعدي ال 160 ! ! ؟

المشاركة الأصلية كتبت بواسطة novo

الموضوع ان شاء الله سهل
روح ورشة توب جير و حط العربية على الكمبيوتر(50 جم) علشان تتأكد ان مفيش أي ايرورز

و دي كميات السوائل اللى موجوده فى عربيتك و نوعها
عربيتك بتأخد زيت فتيس ليكوي مولي ATF 1200

LIQUI MOLY - Motor Oils, Additives, Car Care - Oil Guide

على فكره انا قابلت حاجة زي دي فى عربيتي و مكنتش عارف أعدي ال160 كم و طلع ان ريجلاش الدواسة مش مضبوط و بالتالي البوابة مكنتش مضبوطه و مبتفتحش 100% و بعد ما صلحتها الحمد لله ال200كم عادي

انا غالبا هروح اغير زيت الفتيس اما في التوكيل او في مركز معتمد من تبع تويوتا عشان اتاكد انه الزيت اللى اتحط هو زيت تويوتا بتاعها

المشاركة الأصلية كتبت بواسطة makarhn

حضرتك قلت المشكلة بنفسك زيت الفيس لازم يتغير يعنى لازم يتغير مافيش حاجة أسمها زيت يقعد طول العمر كمان بسبب الحراراة الرهيبة ألى على الفتيس بسبب حرارة الجو وحراة الحرق على rpm عالى دة بيغير من خواص الزيت و دة بالنسبة للعربيات الأوتو أهم من المانيول
كمان لون الزيت ملوش علاقة بخواصة هو المفروض لونة وردى طبيعى ان لونة يتغير بسبب التسخين والتبريد المستمر ودة مش معناة أنة محتاج يتغير
قبل ما تكشف على العربية أو تعمل أى حاجة غير زيت الفتيس بزيت جديد أصلى وغير فلتر البنزين ممكن يكون عامل مشاكل بردوا وجرب تانى أن شاء الله العربية تعدل معاك

ربنا يسهل انا كدة ولا كدة هغيره فخير ان شاء الله

المشاركة الأصلية كتبت بواسطة makarhn

وكمان غير فلتر زيت الفتيس ممكن يكون أبتدى يتسد ويعمل مشاكل

تقريبا على حسب ماسمعت ان فلتر زيت الفتيس بيتغير عند تغييرة الزيت التانية مش الاولى ! يعني اعتقد عند 80.000

المشاركة الأصلية كتبت بواسطة asemx1

الخلاصه :
1- تغيير جنط ( مقاس اكبر ) سرعه قصوى اقل
2- تغيير جنط مقاس اكبر عزم اقل وحمل على المحرك اعلى

تحياتى لك ... م/عاصم جاد

والله يا باشمهندس انا برضوا حاسس انها من الجنط والكاوتش بس اللى اعرفه ان الكاوتش بينزل ال Topspeed بس معقولة لدرجة من 180 ل 160 !! 20 كم كتير برضوا

المشاركة الأصلية كتبت بواسطة semsem kane

شوف يابو حميد ياريت تعمل الاتى :

1- بالنسبة لزيت الفيتيس ( انت بتجرى وتتحرق والزيت فى الطبيعى بيتغير عند 60 الف كيلو لكن بطريقة سواقتك لازم تغيرة دلوقتى وانت فتيسك اتوماتيك عادى مش cvt فبالتالى هتجيب الزيت اللى بينصح بية التوكيل بتاعك وهو انظفهم زيت تويوتا طبعا)

الزيت مكتوب عندي في الكتالوج يتغير على 40.000

2- دلوقتى انت بتقول ان مرة واحدة الفتيس مابقاش يجيب رابع ودة دليل على وجود خلل فى الزيت وطبعا دة بيأثر على احتكاك تروس الفتيس ببعضها نتيجة لانخفاض لزوجة زيت الفتيس ( وياريت تحط الفتيس على كاشف اعطال وتعملة restart وتشيل ال errors لو فية

اه هو مرة عمل كدة في اليوم اللى جبت فيه 180 جيت اجبها تاني راح مابقاش ينقل رابع !! بس سعتها العربية كانت لسه عاملة 27 الف كيلو تقريبا وماكنتش سعتها بحرق عليها كتير يعني مافتكرش ان زيت الفتيس كان سعتها محتاج يتغير !! هو اعتقد في حاجة غلط حصلت في اليوم ده بس مش عارفها

3- فلتر البنزين لازم يكون نظيف عشان مايكتمش العربية ومافيش حاجة اسمها فلتر بنزين يتركب غلط هو يايتركب ياميتركبش , فياريت تشوف النوع اللى انت جيبتة كويس ولا لأ

هو انا جايب فلتر البنزين من التوكيل الاصلي بتاعها وبرضوا المشكلة موجودة من قبل ماغيره فمافتكرش انه ماثر

4- دلوقتى بالنسبة لموضوع الفلتر الاسبور ( منطقيا ان الفلتر الاسبور بيحسن دخول الهواء للمحرك فبالتالى هيحسن سحب المحرك وهيفرق معاك فى التوب سبيد مش عارف ازاى بيحصل مع ا/ ياسر العكس فى السيراتو اكيد فية حاجة غلط لائما انتوا معندكوش تهوية مناسبة تقدروا تاخدوا بيها هواء من الخارج او فى حرارة بتبقى قريبة من الفلتر لان دة السبب الوحيد اللى يخلية مايسحبش كويس وخلى بالك بردة ان ال k&n محتاج نظافة اسبوعية بالمنظف الخاص بتاعة مش اى منظف

هو ممكن يكون محتاج يتنضف لكن انا شلته خالص واشتريت فلتر هوا جديد من التوكيل وجربت نفس الكلام !! بالعكس كانت بالفلتر ال K&N اسرع على السرعات العالية !!

5- دلوقتى انت كبرت ال exhuaust ولا شيلت علبة البيئة بس ؟؟؟؟؟؟؟؟؟؟؟؟؟

كبرته 2 بوصة بس برضوا المشكلة موجودة قبل ماعدله وايام الشكمان الاستوك بتاع العربية

6- البوجيهات اللى انت جيبتها هل زى البوجيهات اللى موجودة فى الكتالوج ولا غيرها ؟؟؟؟؟؟

هو انا جبت البوجيهات الاصلية من الموزع المعتمد Denzo 2 شعلة !! بس برضوا يا سامح المشكلة موجودة قبل ماغير البوجيهات

7- ياريت تشيل كابل البطارية وتسيبة نص ساعة كدة وبعد كدة تركبة تانى لان واضح ان عندك مشكلة فى ال ecu عموما بتاعة المحرك

شلتها ورسترت كتيير ومافيش فايدة

8- الجنوط الاسبور تتقل العربية فى التسارع لو هية نوعها وحش او وزنها تقيل وكمان لو ماجيبتش نفس ال offset المناسب لسياراتك وعلى السرعة العالية بتقلل ال topspeed بس الكلام دة لو انت جيبت مقاس اكبر من مقاسك او غير المسموح بية من قبل الشركة , ونقشة الكاوتش تبان فى الفرامل والصوت بس لكن كسرعة مالهاش دعوة

انا الكاوتش الاستوك عندي كان 185/60/15

انا جبت مقاس 195/50/16

الجنط جايبه HRS تيواني وده تقريبا انضف تيواني في السوق كان طقم الجنط لوحده عامل 3000 وهو بصراحة نوع نضيف

9- ياريت تعمل نظافة للتانك كل فترة وبعد كدة تنظف الرشاشات + وضع بنزين نظيف من بنزينة محترمة + تغير الزيت بنوع افضل جودة بعد هذا التنظيف يعنى تعمل الكلام دة وانت خلاص هتغير زيت وطبعا الفلتر
ولازم تجيب فلتر الزيت الاصلى

وان شاء الله خير

الف شكر على الرد يا سامح تعبتك معايا

هو بإختصار كدة هنطلع فلتر الهوا / البوجيهات / فلتر البنزين / Exhaust من الموضوع لان المشكلة موجودة من قبل ماعدل فيهم اي حاجة

كدة مايتبقاش غير اما من زيت الفتيس او من الجنط !!

انا لسه مقابل واحد اعرفه معاه ياريس مانويل

قالي لما ركبلها جنط 17 العربية ماكنتش بتعدي معاه ال 160

بعد كدة شاله ورجع حطلها جنط 16 بمقاس 205/50 يعني اعرض من اللى عندي

وقالي دلوقتي بقت طبيعية وبتجيب 190 عادي وممكن تقفل ال 200 في منزل او بصعوبة شوية

فهو بيقولي انه وارد عشان انا اتوماتيك فاضعف من المانويل بالتالي مع الجنط ال 16 وقفت على ال 160 !!

هو اللى انا اعرفه ان الفرق مابين المانويل والاتوماتيك بيكون 10 كم في التوب اسبيد !!

يعني لما انا بجيب 180 وهو بيجيب 190 كدة ده منطقي وطبيعي

لكن معقول لما احنا الاتنين نحط جنط 16 انا اقف عند ال 160 وهو مايحصلش عنده تاثير ؟؟؟