الموضوع: أكمل تأمين على العربية و لا لأ؟

المشاركة الأصلية كتبت بواسطة Ahmazong

بص أنا بصراحة بستحرم التأمين فمتخدش رأي ..

المشاركة الأصلية كتبت بواسطة Optiplex

111111111111111111111

المشاركة الأصلية كتبت بواسطة MaZaGAngeE

مالوش معنى من وجهة نظري

رأى يحترم

المشاركة الأصلية كتبت بواسطة ehab_hamed

اولا هو مبلغ التأمين كبير اوى فمش عارف هو بيغطى ايه؟ لن انا مأمن على العربيه عندى بس بدفع 1400 جنيه فى السنه بس. انا احتجت للتأمين مرتين بس وانا برش العربيه نتيجه للخدوش والاحتكاكات اللى فى جسم السيارة فقط. التأمين عندى هو اللى دفع مباشرة لأن انا ما رشيتش العربيه فى التوكيل. أنا عارف ان نظام الأصلاح فى التوكيل انك تدفع الاول وبعدين تاخد فلوسك من التأمين.
بس فى الاخر لازم تستمر فى التأمين طبعا على السيارة علشان لو لا قدر الله حصل حاجه تلاقي اللى يغطيك فى الموضوع ده.
وربنا يكفينا شر الحوادث.

أمين يا رب العالمين
حضرتك مأمن أزاى بمبلغ صغير كدة؟؟؟
التأمين عندى 3.5% من ثمن العربية و ثمن العربية بيقل فى الوثيقة 10% كل سنة
يشمل الحوادث و السرقات
و لا يشمل الخدوش
فى أنتظار رد حضرتك
و أشكرك على المشاركة

المشاركة الأصلية كتبت بواسطة ahmed1006

شيل الفلوس افضل ...

فعلآ أنا بفكر فى كدة بس الظروف اللى بتمر بيها البلد بتخلى الواحد قلقان شوية
أشكرك على المشاركة

المشاركة الأصلية كتبت بواسطة bor3ey

والله رايى امن انا والله بسوق حلو و محترم ومع ذلك امنت ب 2000 و شويه او 3000 مش فاكر المهم فى السنه بتاعت التأمين دى و الله حصلت خبطت بما يوازى حوالى( 15000 جنيه او 9000 مش فاكر والله) على الشركه !!!! على حوادث كتييره و مكنتش غلطان فيها انزل الصبح الاقى اتوبيس ابن حلال خبطنى و جرى ابقى ماشى فى صلاح سالم و واحد شارب ولا مش عارف ايه دخل فيه طلعنى على الرصيف و بوظلى الرفرف و العفشه ناحية الشمال !!!! تعمل شغل حلو فى العربيه فى يومها لازم تتمسى بحاجه حلوه كده من العين و حاجات من دى كتيييييييير و المره الوحيده اللى كنت غلطان فيها كل اللى حصل انى ريحت على عربيه قدامى و الحمدلله محصلش اضرار خالص للجانبين و محتاجتش التوكيل ساعتها .... امن علشان متضمنش الظروف

ربنا يحفظك يا رب من شر الطريق و من شر العين
الواحد فعلآ طول ما هو ماشى بيقابل ناس بتسوق بشكل مستفز منتهى الاستهتار
و كمان لو لا قدر الله حصل حاجة ينزل يبجح
أشكرك على المشاركة

المشاركة الأصلية كتبت بواسطة wisambasha

والله يا اخي انا محتار زيك بالظبط انا كنت مأمن علي عربيتي القديمة لمدة 4 سنين ودفعت فيهم 6000 جنيه واستفدت من التأمين مرة واحدة الزجاج اتكسر وغيرته في التوكيل وكان تمنه 600 جنيه وصرفوهملي ودلوقتي لما اشتريت العربية الجديدة متردد في التأمين عليها لان احد الاسباب في ترددي هو ان المبلغ هيكون اكبر من الاول

لمن لما ببص للدنيا حواليا دلوقتي والبلد اللي حاله مش باين له هيتصلح امتي بخاف وبقول اامن علشان لو الفأس وقعت في الرأس الاقي حد في ضهري وبعدين فكرة انك تحوش الفلوس دي فكرة فاشلة لان ما فيش فلوس بتقعد الفلوس ان وجدت لازم يطلع لها الف عفريت يفرتكوها

انا ميال للتأمين بس حاول متأمنش علي مبلغ العربية كله يعني مثلا لو العربية ب 90 الف امن علي 60 او سبعين فقط علشان القسط ميبقاش كبير خصوصا ان جميع شركات التأمين دلوقتي رفعت من النسب بتاعتها ووضعت شرط في حالة السرقة تتحمل الشركة 75% فقط من قيمة السيارة انت تتحمل 25%

ومن الشركات المحترمة اللي انا اتعاملت معاها قبل كدة قناة السويس للتأمين والنسبة بتاعتهم حاليا هي 3.5 % بنسبة تحمل 4 في الالف
او نسبة 4.25 % بدون نسبة تحمل تماما
اناعندي عرض منهم بكدة بعتوهولي من اسبوعين تقريبا وبفكر انفذ معاهم

أولآ مبروك على العربية الجديدة
ربنا يحفظك يا رب و يحفظها و يكفيك شرها و شر الطريق
هو فعلآ شىء محير
خصوصآ لو لا قدر الله حصل حاجة بتحصل فى لحظة
رغم أنى الحمد لله لم استفيد من التأمين بس بميل أنى أأمن السنة دة كمان بسبب عدم أستقرار البلد
لو حضرتك لسة ما أستلمتش العربية أمن عليها قبل خروجها من المعروض و تركيب النمر علشان ما تضررش تصور العربية
تحياتى

المشاركة الأصلية كتبت بواسطة ehab_hamed

اولا هو مبلغ التأمين كبير اوى فمش عارف هو بيغطى ايه؟ لن انا مأمن على العربيه عندى بس بدفع 1400 جنيه فى السنه بس. انا احتجت للتأمين مرتين بس وانا برش العربيه نتيجه للخدوش والاحتكاكات اللى فى جسم السيارة فقط. التأمين عندى هو اللى دفع مباشرة لأن انا ما رشيتش العربيه فى التوكيل. أنا عارف ان نظام الأصلاح فى التوكيل انك تدفع الاول وبعدين تاخد فلوسك من التأمين.
بس فى الاخر لازم تستمر فى التأمين طبعا على السيارة علشان لو لا قدر الله حصل حاجه تلاقي اللى يغطيك فى الموضوع ده.
وربنا يكفينا شر الحوادث.

ندي كده

هو التامين بيغطي الخدوش
اصلي مامن ي شركة وثاق والعربية اتحكت كزا مرة ممكن استفيد بالتامين

التامين. مهم اليومين دول علشان موضوع السرقه اللى منتشر ده و حضرتك ممكن تقلل القيمه اللى حضرتك مأمن بيها و ده هيقلل القسط و تبقى تشيل بقيه الفلوس معاك او لو ما نفعش مع نفس الشركه ممكن تشوف شركه تانيه بتاخد قسط اقل مثلا علشان بس لو لاقدر الله حصل حاجه يبقى معاك حاجه تساعدك

المشاركة الأصلية كتبت بواسطة tarekbasha999

ندي كده

هو التامين بيغطي الخدوش
اصلي مامن ي شركة وثاق والعربية اتحكت كزا مرة ممكن استفيد بالتامين

عندى فى الشركة التأمين لا يغطى الخدوش