الموضوع: أكمل تأمين على العربية و لا لأ؟

مالوش معنى من وجهة نظري

والله رايى امن انا والله بسوق حلو و محترم ومع ذلك امنت ب 2000 و شويه او 3000 مش فاكر المهم فى السنه بتاعت التأمين دى و الله حصلت خبطت بما يوازى حوالى( 15000 جنيه او 9000 مش فاكر والله) على الشركه !!!! على حوادث كتييره و مكنتش غلطان فيها انزل الصبح الاقى اتوبيس ابن حلال خبطنى و جرى ابقى ماشى فى صلاح سالم و واحد شارب ولا مش عارف ايه دخل فيه طلعنى على الرصيف و بوظلى الرفرف و العفشه ناحية الشمال !!!! تعمل شغل حلو فى العربيه فى يومها لازم تتمسى بحاجه حلوه كده من العين و حاجات من دى كتيييييييير و المره الوحيده اللى كنت غلطان فيها كل اللى حصل انى ريحت على عربيه قدامى و الحمدلله محصلش اضرار خالص للجانبين و محتاجتش التوكيل ساعتها .... امن علشان متضمنش الظروف

المشاركة الأصلية كتبت بواسطة night_whisper

السلام عليكم و رحمة الله و بركاتة إخوانى الصقور
عاملين أيه؟
أتمنى يكون الجميع بخير و سعادة

الموضوع زى ما العنوان بيدل
انا دلوقتى بقالى 3 سنوات مأمن على العربية
دفعت فى 3 سنوات 9450 جنية تأمين
استفدت بية مرة واحدة لما المرايا أتكسرت دفعت 800 جنية أصلاح و طلع ليه الشيك ب 610 جنية لخصم ضرائب و استهلاك و طبعاٌ دفعت من ال 610 دول شاى بالياسمين
و علشان أصلحها عملت محضر (أكتر حاجة بكرها التعامل مع جهات حكومية)
الحمد لله رب العالمين لحد الأن ربنا حافظ الواحد و العربية

دلوقتى حان موعد التجديد
و بفكر إنى مأمنش و اتبع اسلوب جديد إنى أحفظ مبلغ التامين على جنب (3000 كل سنة) لو حصل للعربية أى حاجة لا قدر الله أصلحها بيه
فقولت أستشير إخوانى الصقور
إيه رأيكم
أأمن و لا لأ
و لكم جزيل الشكر مقدمآ
و ياريت الأعضاء تقولنا تجاربهم مع شركات التأمين
:u_thin1[1]:

والله يا اخي انا محتار زيك بالظبط انا كنت مأمن علي عربيتي القديمة لمدة 4 سنين ودفعت فيهم 6000 جنيه واستفدت من التأمين مرة واحدة الزجاج اتكسر وغيرته في التوكيل وكان تمنه 600 جنيه وصرفوهملي ودلوقتي لما اشتريت العربية الجديدة متردد في التأمين عليها لان احد الاسباب في ترددي هو ان المبلغ هيكون اكبر من الاول

لمن لما ببص للدنيا حواليا دلوقتي والبلد اللي حاله مش باين له هيتصلح امتي بخاف وبقول اامن علشان لو الفأس وقعت في الرأس الاقي حد في ضهري وبعدين فكرة انك تحوش الفلوس دي فكرة فاشلة لان ما فيش فلوس بتقعد الفلوس ان وجدت لازم يطلع لها الف عفريت يفرتكوها

انا ميال للتأمين بس حاول متأمنش علي مبلغ العربية كله يعني مثلا لو العربية ب 90 الف امن علي 60 او سبعين فقط علشان القسط ميبقاش كبير خصوصا ان جميع شركات التأمين دلوقتي رفعت من النسب بتاعتها ووضعت شرط في حالة السرقة تتحمل الشركة 75% فقط من قيمة السيارة انت تتحمل 25%

ومن الشركات المحترمة اللي انا اتعاملت معاها قبل كدة قناة السويس للتأمين والنسبة بتاعتهم حاليا هي 3.5 % بنسبة تحمل 4 في الالف
او نسبة 4.25 % بدون نسبة تحمل تماما
اناعندي عرض منهم بكدة بعتوهولي من اسبوعين تقريبا وبفكر انفذ معاهم