الموضوع: استفسارات بخصوص الاستلام

المشاركة الأصلية كتبت بواسطة teefa_10

إن شاء الله هستلم خلال يومين :
1- اشيك علي ايه أهم حاجه بيبقي عليها تعليقات
2- لو فيه حاجه معجيتنيش مستلمش و أمشي و لا ايه
3- ايه نظام التلين و التكيف و كده
4- أحسن الاماكن اعمل فيها فرش جلد نضيف و بكام يكون قريب من الشروق أو مصر الجديده
5- لو ركبت الشاشه و الج بي اس عند السجان تخرج ايه من الضمان
6- لو عندكم اي نصائح خاصه ياريت متبخالوش عليه بيها

ألف مبروك و أختيار موفق أن شاء الله

1- تتأكد من (الولاعة - الكتالوج - كتاب الضمان - الاطار الاحتياطي - عدة تغيير الاطارات) و تتأكد برضه من حالة البوية (خدوش - تجريح - لون البوية مش مختلف) و كمان تشوف حالة الاطارات - تشغل الموتور و تسمع صوته هل طبيعي و لا فيه حاجة غريبة

2- التليين زي ما الكتالوج بيقول :
تمشي علي سرعات متغيرة و مش سرعة واحدة ثابته أهم حاجة أن عدد لفات الموتور لايزيد عن 3000 لفة/دقيقة و برضه مافيش حاجة بتقول انك ماتشغلش التكييف ممكن تشغله عادي بس تجنب القرص و الشد و الحرق و تجنب استخدام الفرامل بشكل مفاجئ في ال 1000 كم الاولي

3- أحسن مكان تعمل فيه فرش جلد و قريب هو "جينز كار" و هتأخد خصم كمان علشان نايل موتورز و هيونداي و ليك فرش جلد في الشنطة و طارة جلد مجانا و تنظيف الفرش و السقف مجانا كل شهر حتي أخر العام

4- لو ركبت شاشة ستخرج من ضمان الكهرباء فقط ده في حالة لو ركبت الكاميرا لكن من غير الكاميرا مافيش مشاكل

5- النصيحة الزيادة بس تخلي بالك في فترة التليين أنك تلتزم بتعليمات الكتالوج كمان حاجة مهمة أوي .... ماتنساش تأخد فاتورة ضريبية من المعرض علشان أحتمال يسألوا عليها و انت بتطلع الرخصة

http://www.nilemotors.net/Nile/250241-a.html

المشاركة الأصلية كتبت بواسطة teefa_10

يا بشمهندس سمير أنت هندسه و مدرسه - ان شاء الله هرخص في مرور الشروق يوم السبت هيحتاجوا الفاتوره الضربيبه ديه - محتاجه تجهيز طيب لأن خلاص حضروا الورق و بكره الجمعه و أنا رايح أستلم بكره الصبح

الله يخليك , علي أيه بس هو أنا أجي أيه جنب فطاحل المنتدي الكبار

بالنسبة للفاتورة :
طالما العربية أستيراد مش هايحتاجوا الفاتورة دي لأن المنشور اللي نازل هناك خاص بالعربيات الانتاج المحلي فقط

عموما هما هناك ناس متفاهمين و كويسين و ده موضوع انا كنت عامله عن مرور الشروق الشهر اللي فات

http://www.nilemotors.net/Nile/282053-a.html