رابطة ملاك القشقاي اتفضل و شارك معنا

**م. حاتم السباعي** · 29-06-2013 12:14 AM

ان شاء الله تعالي بمجرد ان تهدأ البلد بأذن الله نبتدي نتفق علي ميعاد يناسب الجميع

و النهاردة كنت في زيارة سريعة للمهندس احمد عبد الله و ركبت معه عربيته علي السريع كده و كنا بنشوف الموضوع اللي بيشتكي منه ان فيه صوت بيطلع بعد طفي التكييف سواء و هو واقف او ماشي

فجربنا عندي فلم نسمع الصوت الا صوت المروحة اللي بيفصل بسرعة بمجرد طفي التكييف فهو قال لي ان عنده الصوت بيظل مستمر حتي يضطر لاطفاء المحرك و اعادة التشغيل حتي يفصل

فركبنا عربيته و جربنا سواء في التوقف او السير و العربية راسها والف سيف انها تعمل الصوت ههههههه و هو قال لي واضح انها خافت مني

وفعلا انا نفسي نعمل لقاءات دورية لكي نتبادل المعلومات و الخبرات من بعضنا البعض

تحياتي للجميع و ان شاء الله نطمئن علي بلدنا الغالية مصر

**abomalak592010** · 30-06-2013 05:55 AM

السلام عليكم ، بفضل الله استلمت السيارة نيسان قشقاي من نحو عشرة أيام من معرض أحمد مرعي في الاسكندرية ، والحمد لله مشييت بيها حوالي 600كم وتمام ، بس بحس ان سحبها ضعيف شويه

**mido_fathy** · 01-07-2013 02:03 AM

السلام عليكم ورحمة الله وبركاته والحمد لله الذى رزقنا ايها من غير حول منا ولا قوه
اسمى محمد فتحى
محاسب بالبريد المصرى
اشترينا السياره منذ اسبوع تقريبا من اوتو ايجيبت السياره بيضاء اللون بها فرش جلد وdvd مع كاميرا خلفيه.
انا بس ملا حظ الناس كلها فعلا عندها ملحوظة السحب وهو فعلا بطىء نسبيا لكن على الطريق السريع مبحسش الكلام ده بل بالعكس بحس انها جابت ال120 من غير ما أخد بالى مع انى معملتش كيك دون على دواسة البنزين انا سألت الميكانيكى اللى اعرفه قالى انك لو دوست براحه على دواسة البنزين العربيه بتاخد بنزين على حسب السرعه يعنى لو على ال100 مثلا ودايس براحه ممكن تفتح معاك ل140 خصوصا فى الفتيس cvt لأنه فعلا فتيس غريب أنا اول مره اسوق اوتوماتيك لذلك مش قادر احكم على تسارع الفتيس الأوتوماتيك العادى لأنى كنت راكب مانيوال فهل الكلام ده صحيح ياريت لو حد عنده معلومه يصححلى.

**م. حاتم السباعي** · 01-07-2013 03:34 AM

المشاركة الأصلية كتبت بواسطة mido_fathy

السلام عليكم ورحمة الله وبركاته والحمد لله الذى رزقنا ايها من غير حول منا ولا قوه
اسمى محمد فتحى
محاسب بالبريد المصرى
اشترينا السياره منذ اسبوع تقريبا من اوتو ايجيبت السياره بيضاء اللون بها فرش جلد وdvd مع كاميرا خلفيه.
انا بس ملا حظ الناس كلها فعلا عندها ملحوظة السحب وهو فعلا بطىء نسبيا لكن على الطريق السريع مبحسش الكلام ده بل بالعكس بحس انها جابت ال120 من غير ما أخد بالى مع انى معملتش كيك دون على دواسة البنزين انا سألت الميكانيكى اللى اعرفه قالى انك لو دوست براحه على دواسة البنزين العربيه بتاخد بنزين على حسب السرعه يعنى لو على ال100 مثلا ودايس براحه ممكن تفتح معاك ل140 خصوصا فى الفتيس cvt لأنه فعلا فتيس غريب أنا اول مره اسوق اوتوماتيك لذلك مش قادر احكم على تسارع الفتيس الأوتوماتيك العادى لأنى كنت راكب مانيوال فهل الكلام ده صحيح ياريت لو حد عنده معلومه يصححلى.

و عليكم السلام و رحمة الله و بركاته

الف مبروك لحضرتك و اتشرفنا بأنضمام حضرتك الينا

و بانسبة لطريقة سواقة العربية فحضرتك فعلا سوف تجرب كذا مرة حتي تجد نفسك قد تاقلمت علي قيادتها بالطريقة التي تعطيك افضل سحب وكذلك افضل طريقة للتوفير في الوقود

و هي بالفعل تحتاج الي الضغط بهدوء علي دواسة البنزين بنظام الضغط و الرفع ثم الضغط و الرفع عدة مرات متتالية مما يزيد من استجابة العربية في السحب و كذلك تعمل علي توفير قدر من البنزين

تحياتي لحضرتك

**mido_fathy** · 02-07-2013 06:01 PM

جبتها من اوتو ايجيبت ب205واستلمتها بعد20 يوم دى اللى هيا تسليم فورى

**شادى عبدالمنعم** · 02-07-2013 11:35 PM

شكرا لردك وربنا يحفظها لك

**شادى عبدالمنعم** · 16-02-2014 03:14 AM

الاخوه مﻻك قشقاى تحياتى لكم واتمنى لكم دوام التوفيق ...
وتحيه واجبه ﻻخينا فى المنتدى م. حاتم السباعى وهو منشئ رابطه مﻻك نيسان قشقاى .
النهارده قمت بإضافة موضوع جديد للرابطه بأمل عودتها للنقاش مره اخرى بعد توقف دام 183 يوم .
فى مواضيع مثبته بخصوص قطع غيار القشقاى فى قسم نيسان واسعارها متفاوته وفى رينج العربيات اللى فى فئتها ولغاية دلوقت مفيش مشاكل ....عشان مطولش عليكو .....لفت نظرى سعر الكوبلن فى موضوع سابق قلت اتأكد من التوكيل ولما سألتهم عليه كان الرد الصادم 17000 من غير الضريبه والمصنعيه يعنى عربيه 128 قفلت معاهم ورحت كلمت نيسان مصر وسجلت شكوى بخصوص الموضوع ده .
مفادها ...... انه فى ظل ارتفاع بعض اسعار قطع الغيار المبالغ فيه جداااااااا سوق العربيه دى هيقف ومبيعاتها هتقل على الرغم من انها عربيه كويسه بسبب المغاﻻه فى اسعار بعض قطع الغيار بشكل خيالى وهستيرى ومع الاخذ فى الاعتبار ان نفس القطعه دى فى سيارات اخرى من نفس الفئه سعرها 3700 جنيه فقط ....نهايته معرفش ايه سبب السعر ده إلا إذا كان الكوبلن مصنوع من الدهب ومرصع بالاحجار الكريمه .
انا عملت مبادره وعملت شكوى فى نيسان مصر بخصوص الموضوع ده وطبعا الضغط عليهم ﻻزم هيخليهم يراجعوا الاسعار دى .
عشان كده ارجو من مﻻك نيسان قشقاى عمل شكوى بخصوص الموضوع ده عشان نحقق الهدف من الشكوى رقم نيسان مصر 16244 وعلى فكره انا لما بلغتهم قالولى ان قسم الشكاوى هيكلمنى خﻻل ساعتين وفعﻻ الناس كانوا محترمين وكلمونى .
ارجو التفاعل وتقبلوا تحياتى .
اخوكم / شادى عبدالمنعم ؛؛

**ADELELDESOQI** · 16-02-2014 11:27 AM

السلام عليكم ورحمة الله وبركاته
عادل الدسوقي من المنصورة 30 سنة صاحب شركة استيراد وتصدير هاوي تعديل سيارات
معايا نيسان كاشكاي 2013 فضي اللون
لا تعليق علي السيارة اكثر من رائعه انا كنت راكب متسوبيشي وغيرت لتيوتا كورولا وبعدها لجراند تريوس والان لكاشكاي
وحاليا يتم تعديل السيارة للشكل الرياضي وساوافيكم بالصور اول باول لتصبح اول كاشكاي معدلة في مصر
وده رقم تليفوني 01270500005