الموضوع: رابطة ملاك القشقاي اتفضل و شارك معنا

المشاركة الأصلية كتبت بواسطة ezzeldm

السلام عليكم (الموضوع انا كتبتع على نيسان العام بس قلت ممكن هنا يبقى احسن :)
انا اشتريت قشقاى عامله حوالى 5000 كيلو
كنت عايز استفسر عن ال fuel consumption rate (استهلاك البنزين لكل 100 كيلو او اللتر بيعمل كام كيلو)
انا حاليا العداد قارى حوالى 8.9 كيلو لكل لتر (حاسس انه قليل جدا على اللى انا قريته قبل ما اجيب العربيه)
انا اغلب مشاويرى فى مدينة نصر , يعنى الاستهلاك ده فى الزحمه

كان عندى سؤال تانى عن عداد الحراره الخارجيه (عندى بيقرا اكتر من الفعلى حوالى 5 درجات) حد قابل المشكله دى قبل كده؟

اخر سؤال , انا dvd عشان اركبه مكان الكاسيت الاصلى , حد يعرف تركيبه فى التوكيل بكام , انا كلمت السبع و يونايتد جروب قالو مش بركبه واوتو ايجيبت ما رضيوش يقولوا سعر
المفروض كمان انه مش بيخرج من الضمان , فيه معلومه غير دى؟
شكرا

معدل استهﻻك البنزين كده تقريبا مظبوط داخل المدن ولو مشيت فى طريق مفتوح هتﻻحظ هيقل عن كده .
مقياس درجة الحراره الخارجى مش عارف حكمت عليه بإيه انه مختلف عن الفعلى بس انا عندى مظبوط ودايما بقارنه بدرجة الحراره اللى فى موبايلى وبيبقى ماشى معاه.
بالنسبه للdvd اوتو ايجيبت كنت كلمتهم من فتره وكان تقريبا ب 6000 كاميرا وجى بى اس وتقريبا مودرن موتورز نفس السعر وفى محل اسمه المرصفاوى وعلى فكره عنده صفحه على الفيس فيها عنوانه ورقم تلفونه ممكن تسأله عنده نفس الكاسيتاللى فى التوكيل وب3150 وبرضه كلمتهم وقالوالى انه نفس الفيشه يعنى مفيش لحام وخﻻفه وقصة الضمان وخﻻفه مفيهاش اى مشاكل طالما مفيش قص اولحام يعنى تكون نفس الفيشه موفق وابقى انقل لنا تجربتك عشان الاعضاء تستفاد

موفق ان شاء الله للعلم فى حالة انك ركبت الكاميرا بره التوكيل هتبقى ضفيرة الكهرباء خرجت بره الضمان .
وياريت تقولنا ماركة الdvd والموديل وجبته منيين من بره وهل هو نفس فيشه العربيه عشان نستفاد وانا اولهم ﻻنى عايز برضه اركب dvd عندى .وشكرا

المشاركة الأصلية كتبت بواسطة hanyyacot

السلام عليكم ورحمة الله وبركاته:

السادة ملاك القاشقاى كان عندى سؤالين كده وكنت عايز اعرف الرد منكم.

1- هى النقلة l اللى فى الفتيس دى بتاعة ايه , هل هى لاستخدام الغيار الاول فقط , يعنى لو مطالع كوبرى او اى حاجة محتاجة عزم كبير ؟

2- هو فى بلوتوث فى الكاسيت ولا لا ؟ انا لقيت علامة السماعة بس مافيش اى وجود للكاسيت فى ال settings بتاع العربية .

العربية قاشقاى 2014 هى ملك لوالدى وكنت عايز اعرف الحاجتين دول لو سمحتوا.

طلب اخير : هو ايه اخبار سحب العربية , هل طلعتها تقيلة وبطيئة فعلا ولا لا ؟

شكرا واسف للاطالة

اهﻻ وسهﻻ بحضرتك ....
بالنسبه للنقله l هى بمثابة الغيار الاول والثانى فى المانيوال وممكن تستخدمه فى مطلع الجراج مثﻻ .
ﻷ مفيش بلوتوث بس بس ممكن تغير الكاسيت بواحد فيه بلوتوث وبيشتغل على مالتى الطاره.
طلعت العربيه معقوله نسبيا وبعد كده التسارع عادى .
موفق .

المشاركة الأصلية كتبت بواسطة waleed94wel

السلام عليكم، حضرتك دفعت كام في موضوع السينسور و الدفندرات؟ و هل احتجت تثبتهم على الرخصة؟

وعليكم السﻻم .....السينسور كان ب 250 تمنه بالمصنعيه والتركيب والدفندرات كان امامى وخلفى لكن مش فاكر الرقم بالظبط هشوف الفاتوره وهرد على حضرتك فى اقرب وقت وكانوا من اوتو ايجبت .
بالنسبه للدفندرات ركبتهم بعد مارخصت العربيه لكن اعتقد انه عموما ﻻيتم اثباتهم بالرخصه ﻷمور متعلقه بسﻻمه المشاه فى حالة الحوادث والله اعلم .
عموما هما ييتثبتوا جامد فى شاسيه العربيه وممكن فك القطعه اللى خارجه من العربيه وقت تجديد الرخصه . ورأى انهم مفيدين جدا فى شوارعنا .
موفق