الموضوع: رابطة ملاك القشقاي اتفضل و شارك معنا

المشاركة الأصلية كتبت بواسطة waleed94wel

الف شكر، الواحد فعلا اتخنق من الناس اللي لازم تتأكد ان الاكصدامين لمسو بعض و هما بيركنوا. في انتظار رد حضرتك بخصوص سعر الدفندرات. تحياتي.

بخصوص سعر الدفندرات الامامى 1700 والخلفى 1400 بدون مصنعيه .
موفق

المشاركة الأصلية كتبت بواسطة waleed94wel

شكراً علي الرد يا أستاذ شادي وكل سنة وانت طيب، عيد سعيد.

وحضرتك بالخير والصحه والسﻻمه

المشاركة الأصلية كتبت بواسطة dr gerrard

استفسار نفسي حد من حضراتكم يفيدنى
انا عربيتى كانت اتخبطت من الامام ونزل منها زيت عرفت ان سربنتينة زيت الفتيس كان فيها كسر انا صلحتها برة التوكيل بس الزيت كان نقص انا ما حركتش العربيه بس بدا يبقى فيه صوت خشن مع تزويد البنزين وانا واقف هل ينفع ازود الفتيس اى نوع وازود اد ايه ولا لازم الزيت بتاعها من التوكيل لان مش هعرف امشي بالعربيه لحد التوكيل وهل الصوت ده طبيعى يحصل لما زيت الفتيس ينقص ارجو الافادة

لا حضرتك اوعي تزود بزيت غير الموصى به للفتيس الـ cvt الخاص بها وهو زيت نيسان ns2 وليس أي زيت آخر - ولا حتى نيسان ns1 - والا فيه ضرر أكيد على الفتيس .....

أقول لحضرتك على واقعة حصلت لي من 3 شهور تقريبا كنت ماشي الساعة 6 صباحا واخد سرعتي وألاقي كلبين بيجروا ورا بعض واحد منهم قام نازل تحت العربية ... وبعد ما قلت ده اتفرم 100 حتة لقيته طالع بجري عادي ولا كأن حاجة حصلت بس بعد ما قطع خراطيم زيت الفتيس فالزيت نزل كله على الأرض .. وديتها بونش غالى مودرن موتورز المطار - الاقرب لمكاني وقتها - وجبتلهم من السبع زيت ns2 لانه كان خلصان من عندهم ... فطبعا بحسبة ان مبقاش فيه ولا نقطة زيت في الفتيس اشتريت صفيحتين الوحدة منهم 4 لتر .. وتمن اللتر الواحد 178 جنيه والعربية خدت حوالي 7 لتر وشوية والباقي ادوهولي ..... فالزيت وقف لوحده بـ 1570 شامل ضريبة المبيعات بس حاعمل ايه مجبر أخاك ....

فمينفعش أي زيت تاني غير الموصى به للسيارة ويفضل انه يتملي عند التوكيل وتراجع مستواه كل فترة عنده لأنها مفيهاش مقياس زيت فتيس ........