الموضوع: رابطة ملاك القشقاي اتفضل و شارك معنا

المشاركة الأصلية كتبت بواسطة abudrsh

حضرتك ايه المميز في القشقاي و مش موجود ب 3008 و معلش ليه بعتها بالطريقه ديه بالخسارة الكبيره ديه

انا بعت البيجو قبل ما القشقاي الجديده تنزل
كان عندي مشكله في العفشه و عملت مشكله في التوكيل علشان أغير المساعدين و بعد شد وجذب وأروح واجي قالوا انهم غيروا المساعد ودة ما حصلش و مهندس من التوكيل نفسه قالي الكلام دة ما حصلش وما غير وش حاجة و المساعدين ما كانتش موجوده اصلا ربحت دماغي وبعت العربيه و حلفت ما اعتب ناحيه بيجو تاني لو حركب عجل بعد كده

تحية كبيرة كل أعضاء هذا المنتدى الرائع .. في الحقيقة انا متابع المنتدى من فترة كبيرة أوي .. عشان عايز أجيب عربية جديدة ... ومحتار جداً مش عارف اعمل أيه ؟؟ عايز اجيب نيسان قشقاي 2016 بس قلقان شوية عايز حد يطمني بأمانة على شوية نقاط .. مثل الموتور 1200cc مش شايف انه ضعيف شوية بالنسبة لحجم العربية .. النقطة الثانية وهي صوت التربو عالي أوي زيادة عن اللزوم ولا عادي ؟؟ بالنسبة لبعض الكماليات مثل السينسور الأمامي والخلفي والكاميرات هل تم تزويدها في الـ 2016 ولا لأ .. ولو فيه عربية أفضل تنصحوني بأية خاصة ان العربية سعرها ارتفع أوي وقارب من 300000 .. أفيدوني يا صقور القشقاي ..

المشاركة الأصلية كتبت بواسطة اسامة عزوز

تحية كبيرة كل أعضاء هذا المنتدى الرائع .. في الحقيقة انا متابع المنتدى من فترة كبيرة أوي .. عشان عايز أجيب عربية جديدة ... ومحتار جداً مش عارف اعمل أيه ؟؟ عايز اجيب نيسان قشقاي 2016 بس قلقان شوية عايز حد يطمني بأمانة على شوية نقاط .. مثل الموتور 1200cc مش شايف انه ضعيف شوية بالنسبة لحجم العربية .. النقطة الثانية وهي صوت التربو عالي أوي زيادة عن اللزوم ولا عادي ؟؟ بالنسبة لبعض الكماليات مثل السينسور الأمامي والخلفي والكاميرات هل تم تزويدها في الـ 2016 ولا لأ .. ولو فيه عربية أفضل تنصحوني بأية خاصة ان العربية سعرها ارتفع أوي وقارب من 300000 .. أفيدوني يا صقور القشقاي ..

لو انت من هواه الشد مع العربيات و الكلام ده يبقا اختيارك القشقاي غير مناسب اما بخصوص سرعه العربيه فأنا مش حاسس بفرق يعني تقدر تمشي ١٨٠ لو عايز مع ثبات عالي جداً بخصوص الكاميرا و الحساس الخلفي و الجي بي آس موجودين في التوكيل بيتم تركيبهم اما بخصوص التيربو صوته عالي فعلا بس الغريب انه مش مستمر علي طول
انت لو محتار بين العربيات الكروس أوفر ارشح لك القشقاي و السبورتاج الاتنين حيققولك رضا نفسي كويس او لو عندك إمكانية تعلي شويه بالفلوس بص علي الفورد كوجا حكايه وماتور جبار بس للأسف مالهاش سوق في مصر لكن إمكانياتها ممتاز بس تقريبا سعر اعلي فئه حوالي ٣٥٠ الف

مشكوووووووووووووووووووووو وووررر .. نايل موتورز - NileMotors.net

لو فى اى حد عاوز يبيع قشقاى 2015 فئة اولى ياريت يبعتلى على الخاص

و الله للأسف حاولت اجيب واحدة زيرو الفئة الأولى ،
لكن من وجهة نظري ان الوكيل غير جاد في توفير العربية و خدماتها ... إلخ
العربية واخدة برة جوايز و عندنا مشاكل مع الخدمة السيئة من الوكيل ف البيع و الحجوزات ...
ده غير ان فيه شكاوي من بعض اللي اشتروها زي تزييق ف العفشة .. و طقة من ناحية الموتور و العجل الأمامي ( قالوا انها صوت التيربو لكن لا اعتقد ) .. مفيش فاميه غير من الفئة التانية و طالع .. اوبشنز زي السنسور الخلفي و الكاميرا تركيب مش نازلة معاها حتى ف اعلى الفئة ..
بتهيألي العربية عاوزة مراجعة و دراسة للبيئة الحريرية و الفائقة النظافة و النقاء و حرارة الجو اللي عندنا من قبل الشركة المصنعة و مراعاة الفروق البيئية دي و اثرها ع العربية و التي تختلف تماماً كماً و كيفاً عن مكان التصنيع ف انجلترا ....
ده غير اللعب ف السوق السودا و رفع الأوفر برايس لدرجة لا تحتمل .. لغاية ما اشتريت دماغي و جبت منافستها المعروفة ix35 ، مع انها اغلى .. بس الحقيقة هي اقل شوية ف الإتزان و الفخامة و التشطيب الداخلي و درجات الأوبشنز ...
لكن مفيش قلق من توفر قطع الغيار .. ولا عيوب صناعة تذكر .. ولا مشاكل ف خدمة ف التوكيل .. أوسع ف الكنبة الخلفية و الشنطة .. فاميه من اول لأخر فئة .. سحب اسرع شوية .. اتزان مش وحش لغاية 170 عن تجربة ( جنط 17 - و بدون جهاز اتزان الكتروني ) .
ف رأيي .. القاشكاي ف مصر ضحية وكيل