رابطة ملاك القشقاي اتفضل و شارك معنا

**د العراقى** · 11-12-2016 03:03 PM

هل من اسافسارات

**mhh2001eg** · 12-12-2016 05:32 AM

كنت عايز اسئل عن القشقاي 2017 اسعرها وهل هيا سيارة كويسه ولا لئة سامع ناس كتير بتشتكي من الفتيس والتوكيل فهل دا صحيح

**د العراقى** · 12-12-2016 07:46 PM

اولا التوكيل لم اسمع عنه كتبين الرقم الموجد على الزجاج الامامى ةتتصل مرفوع من الخدمه ثانيا السياره والحمد لله لا غبار عليها محترمه كتقفيل اتحاد اوروبى الذى يهتم بالبشر الامكانيات جميبه جدا

**mummy_47** · 14-03-2017 10:52 PM

فعلا عربية سيئة وتوكيل اسوأ

**د العراقى** · 07-04-2017 07:16 PM

المشاركة الأصلية كتبت بواسطة mummy_47

فعلا عربية سيئة وتوكيل اسوأ

لا لا العربيه محترمه جدا بس التوكيل لالالالا

**kemoelord** · 22-06-2017 12:31 AM

المشاركة الأصلية كتبت بواسطة SEIF0SUN

يا باشا انا معاك خاص و عام خلينا نفضحهم انا لغايه دلوقتي اعرف اكتر من 6 حصل معاهم موضوع الفتيس ده بس لحقوها في الضمان و انا لو كنت بستخدمها استخدامي الطبيعي كنت هلحقها قبل الجيش دول عالم نصابه و لعلمك الشكاوي عند المصنع بقالها شهر بس ع بوابه الامن الاول كنت بتخش جوا و تقابل ناس تتكلم معاهم بس لما العربيه الناس ابتدت تجيب بيها ال 80000كم لان زي مانت عارف العربيه جديده و الناس ماكنتش لحقت تعمل ال 80. الشكاوي كترت و نقلوها ع بوابه الامن

اولا يا باشا كل عام وحضرتك بخير والاسره وكل احبابك بخير
ثانيا انا طبعا حزين جدا للي حصل معاك في العربيه خصوصا انها تعتبر جديدة ودافع فيها مبلغ وقدره حضرتك ممكن تراسل شركة نيسان الام مباشرة وتروح تشتكي في جهاز حماية المستهلك ويكون معاك اكتر من حد عنده نفس المشكلة لان الموضوع مش بسيط يعني شتان ما بين تعامل توكيل نيسان الزبالة مع المشكلة وتوكيل فولكس فاجن مع اصجاب الجيتا لما فتيسهم بيخرب
ثالثا طبعا اعتقد كدا حضرتك هتأيدني اذا قولت ما ينفعش انزل اشتريها دلوقتي لاني كنت بفكر فيها بصراحه بس كدا طبعا خلاص

**amouri** · 10-07-2017 05:35 AM

السلام عليكم
مقدم علي شراء سيارة استعمال بسيط و بصراحه القشقاي أقربهم لي
و لكن عندي استفسار اذا سمحتم الي الساده ملاك القشقاي ،
مشكلة الفتيس اللي بتظهر عند 80،000 كم موجوده في كل الموديلات و للا اخرها موديل 2013 ؟؟؟؟
و فعلا العيب ده مش موجود في موديل 2014 ؟؟
و اذا كان في اي عيوب اخري او ملاحظات أرجو الافاده

و جزاكم الله كل خير

**mummy_47** · 15-07-2017 07:02 PM

يا جماعة الراجل اللي دافع 400 الف في قاشقاي لبسها من الاخر

seif0sun

...بعت لنيسان مصر وبعت لنيسان الام .......وتقريبا بعت لحماية المستهلك وعمل وقفة احتجاجية ولحد هذه اللحظة مأخذش حقة......ويا ريت يصلحلي لو انا غلطت في معلومة...وطبعا كلنا بندخل نسال نفس الاسئلة المستفزة: ايه رايكم في نيسان قاشقاي- طب الفتيس بيبوظ امتى- طب اخبار التربو ايه...الخ الخ الخ
حاجة صعبة اوي....
الناس فلوسها كتير يا جماعة...
على فكرة احنا عايزين نقف وقفة بجد مع الراجل ده

**mummy_47** · 15-07-2017 07:03 PM

المشاركة الأصلية كتبت بواسطة amouri

السلام عليكم
مقدم علي شراء سيارة استعمال بسيط و بصراحه القشقاي أقربهم لي
و لكن عندي استفسار اذا سمحتم الي الساده ملاك القشقاي ،
مشكلة الفتيس اللي بتظهر عند 80،000 كم موجوده في كل الموديلات و للا اخرها موديل 2013 ؟؟؟؟
و فعلا العيب ده مش موجود في موديل 2014 ؟؟
و اذا كان في اي عيوب اخري او ملاحظات أرجو الافاده

و جزاكم الله كل خير

تقريبا يا جماعة...احنا بنأذن في مالطه.....انا مش داخل ارد تاني
هو حضرتك لسيه بتسأل

**mummy_47** · 15-07-2017 07:13 PM

المشاركة الأصلية كتبت بواسطة SEIF0SUN

انا معايا قشقاي 2013 العربيه كان ال ار بي ام مبيسبتش مع ثبات ضغطي ع البنزين سالت وانا بعمل الصيانه في اوتو ايجيبت قالولي ممكن تكون وساخه في البنزين و هنضطر نفك التنك و العوامه وشويه افلام كدا وهي مش هتاثر ع العربيه بس لوعايز نفك نفك قولت لا استحرمت ده العربيه لسه جديده وكدا فا مرضتش بعد كدا الموضوع بدا يزيد معايا لحد مافي مرا لقيت ال ار بي ام بيعلي جامد ركنت ع جنب وبطلت و دورت كلوا تمام جيت امشي العربيه مبتزيدش عن 30 لغايه ما وقفت في زحمه بطلت العربيه وقفت اكتر من ربع ساعه بعدها العربيه مشيت طبيعي جدا بس لسه حوار ال ار بي ام بيطلع و ينزل جامد طلعت ع بعدها ع السبع قالولي ده فتيس بكام يا عم الفتيس قالي 40000 العربيه عامله 80000 كيلو و للاسف طلعت من الضمان بقالي 3 شهور مع العلم انا بقالي 7 شهور في الجيش بس مسكتش طلعت لمصنع نيسان قالي اكتب شكوي ع بوابه الامن و احنا هنكلمك واديوني رقم مهندس جوا و طبعا بعد مكلمات كتير رد عليا بعد 3 اسابيع قالي يا فندم الاداره رفضت تصلح العربيه عشان الضمان خلص انا قولتلهم طب يا جماعه حد يقولي انا غلط في ايه ولا حد يضمنلي الفتيس الجديد و لا ايه اللي باظ ولا انا مطلوب مني كل 3 سنين اغير فتيس ولا العربيه دي مبتغيرش زيت فتيس يتغير فتيس بس و لا ايه طبعااا مفيش رد مفيد ولا كلام يحسسك انك انسان و لا جايب انضف عربيه في معارض نيسان ولا انك المفروض تدفع ربع تمن عربيتك من غير ذنب ولا سبب اسفف ع الاطاله بس الموضوع حرفه دم فوق الوصف

استاذ سيف ...عارف ان ردي من اضعف ما يمكن ....حضرتك دافع 400 الف ويارتك اتهنيت بالعربية....
قولي وصلت لايه معاهم من الاجراءات القانونية....وقلنا احنا ممكن نساعد معاك في ايه....لو هتوكل محامي للمطالبة بالتعويض انا اول واحد هساهم في المصاريف واكيد كل الناس هتساهم لان اللي حصلك ممكن يحصلهم ومحدش يفتكر ان الموضوع بعيد عنه وانه في الامان...التوكيلات بتتضحك علينا...
انا عن نفسي اي حد من الزملاء بيسالني انه عايز يشتري قاشقاي بحذره وبمنعه منعا باتا ...وبيغير رايه في النهاية وبيقرر انه يبعد عن ماركة نيسان نهائي
وبالنسبة لعربيتي نيسان صني انا عارضها للبيع
تحياتي لحضرتك وووقفتك المحترمة وانك مش عايز تسيب حقك...وكلنا معاك