الموضوع: إستطلاع: هل عمرو دياب و جيلة ضحكوا علينا؟

لا مضخكوش علينا خصوصاً الأغاني القديمة بس برضه هي تسلية اكتر منها فن و بتاع

المشاركة الأصلية كتبت بواسطة ghosts

معلش أسمحلى أختلف معاك ....
مينفعش أبدآ أننا نحط حميد الشاعرى جنب عبد الوهاب ....

حميد الشاعرى كان عامل شوية ألحان وتوزيعات لطيفة بس خلاص ماتت من زمان وهو نفسة أختفى من الساحة الفنية لأنة معندوش أى حاجة جديدة يقدمها ....

ودة اللى لاحظة عمرو دياب فراح منفض لة و بدأ يتعامل مع ملحنين وموزعين تانيين و على رأسهم طارق مدكور
و عمرو مصطفى ولما باقى المغنين شافوا عمرو عمل كدة نفضوا هما كمان لحميد الشاعرى ....

ياباشا وليه حميد ميتحطش بس جمب عبد الوهاب :)) اذا كان عبد الوهاب قدم الحان ببنسمعها لغاية دلوقتى فحميد الشاعرى عمل طفرة فى التوزيع الموسيقى والديجيتال وقدم اصوات من الوطن العربى كله حميد دا فنان بقاله فوق ال 25 سنه صاحب موسيقى الجيل اللى انت منه وانا منه لانه كان عامل اساسى فى تشكيل الشكل الموسيقى فى مصر والوطن العربى ومازال حتى الان حميد الشاعرى بيقدم اغانى ناجحه وكون ان حميد مُقل فى اعماله فده مش معناه اننا نلغى ماضيه ونبخسه ...

المشاركة الأصلية كتبت بواسطة ghosts

معلش أسمحلى أختلف معاك ....
مينفعش أبدآ أننا نحط حميد الشاعرى جنب عبد الوهاب ....

حميد الشاعرى كان عامل شوية ألحان وتوزيعات لطيفة بس خلاص ماتت من زمان وهو نفسة أختفى من الساحة الفنية لأنة معندوش أى حاجة جديدة يقدمها ....

ودة اللى لاحظة عمرو دياب فراح منفض لة و بدأ يتعامل مع ملحنين وموزعين تانيين و على رأسهم طارق مدكور
و عمرو مصطفى ولما باقى المغنين شافوا عمرو عمل كدة نفضوا هما كمان لحميد الشاعرى ....

على فكرة كنت سمعت ان حميد الشاعري بيدرسوا للطلبة فى معاهد الموسيقى كصاحب النقلة الثالثة فى عالم الموسيقى

المشاركة الأصلية كتبت بواسطة micromoud

ياباشا وليه حميد ميتحطش بس جمب عبد الوهاب :)) اذا كان عبد الوهاب قدم الحان ببنسمعها لغاية دلوقتى فحميد الشاعرى عمل طفرة فى التوزيع الموسيقى والديجيتال وقدم اصوات من الوطن العربى كله حميد دا فنان بقاله فوق ال 25 سنه صاحب موسيقى الجيل اللى انت منه وانا منه لانه كان عامل اساسى فى تشكيل الشكل الموسيقى فى مصر والوطن العربى ومازال حتى الان حميد الشاعرى بيقدم اغانى ناجحه وكون ان حميد مُقل فى اعماله فده مش معناه اننا نلغى ماضيه ونبخسه ...

يمكن حضرتك لسة بتسمع أغانى و ألحان حميد لغاية دلوقتى لكن أنا وغيرى بطلنا نسمعها ....
فى رأيى الفنان الحقيقى هو اللى أعمالة باقية و ميتزهقش منها ....

يعنى مينفعش تيجى تسمع أغنية لما تكبر وبدل ما تقول الله تلاقى نفسك بتقول:
أية القرف اللى أنا بسمعة دة؟؟!!
زى ما حصلى لما سمعت أغنية لولاكى و أغانى تانية كتيييييييييييير ....

أنا بسمع أغانى English من الستينات والسبعينات و التمانينات و التسعينات ....
بمنتهى الأمانة مابزهقش منها زى ما زهقت من الأغانى الشبابية (زى ما كانوا بيسموها) بتاعتنا كلها ....

كمان الفنان لازم يكون عندة القدرة على التجديد من نفسة و من أعمالة فمن لا يتجدد يتبدد ....
هل حميد الشاعرى قدر يجدد من نفسة؟؟!!

الأجابة لأ و عشان كدة كل المغنين و على رأسهم عمرو دياب سابوة ....
و أنا مقدرش ألغى تاريخة أنا كل اللى عايز أقولة أن أغانى التمانينات و طالع معندهاش القدرة على البقاء زى كلاسيكيات عبد الوهاب و أم كلثوم و عبد الحليم وغيرهم من فنانين الزمن الجميل (دة رأيى) ....

المشاركة الأصلية كتبت بواسطة wal

على فكرة كنت سمعت ان حميد الشاعري بيدرسوا للطلبة فى معاهد الموسيقى كصاحب النقلة الثالثة فى عالم الموسيقى

وأية المشكلة؟؟!!
هل دة معناة أن حميد الشاعرى أصبح أسطورة زى عبد الوهاب؟؟!!

تاريخ الموسيقى المصرية زى أى تاريخ فى الدنيا بيتكتب فية كل حاااااااااجة سواء كانت حلوة أو وحشة ....
يعنى ممكن التاريخ يقف عند حد معين ويبطل بعد كدة يسجل باقى الأحداث و الشخصيات؟؟!!

و التاريخ لازم يتكتب فية أسماء جيل التمانينات وطالع لأنهم كانوا موجودين بقوة و مكانش فى فالساحة غيرهم ....

فعلا انا معاك ان الفنان الحقيقى أعماله باقيه وميتزهقش منها عشان كده انا وغيرى مازلنا بنسمع اغانى وأعمال حميد وبالنسبه لاغنيه لولاكى الفنان الشامل اللى بيقدر يعمل جميع الاشكال الموسيقيه واللى يقدر يوصل لجميع الفئات من الشعب وده اللى قدر يعمله واذا كنت بتعتبر ان جيلنا دا اضحك عليه وفيه اغانى هابطه كتير أحب اقولك ان حضرتك متبنى الرأى بتاع كل حاجه زمان احسن من دلوقتى مع ان ايام زمان اول ماظهر عبد الحليم اتهاجم جدا من حرس الفن القديم وقالوا دا معندوش مقومات الطرب الاصيله وغير قادر على الغناء وحدفوه بالطوب فى حفلاته والنهارده بعد خمسين سنه بنقول دا اسطورة :) الفن اللى حضرتك بتعتبره هابط كان موجود برضه ايام زمان يعنى مثلا انا مش بحب اسمع اغنيه بتقول "نار يا حبيبى نار" لانى شايف مستوى كلماتها متدنى جدا مع ان الالحان جميله الا انه نوع من الفن مينفعش تقول انه فن يعيش ودى وجهة نظرى عندك برضه احمد عدوية اول ما ظهر اتهاجم جدا ودلوقتى بنقول ملك الغنوة الشعبية مع انك لو سمعت كلمات اغانيه هتلاقى فيها كلمات اسوأ من كلمات أغنية لولاكى الفنان عبد الوهاب عبقرى الحان وكتير جدا من الحانه مقتبسة من الخارج ... حميد الشاعرى واحد مالناس اللى قدر يوصل الموسيقى العربيه للعالميه بأدواته المحدوده وكان واحد مالناس اللى ساهموا باحياء التراث القديم واعادة توزيعه بشكل جديد .. وبالنسبة لسؤالك الاخير الاجابة عليه ايه هو التجديد فى وجهة نظرك واللى يخليك تسمع اغنيه لحميد الشاعرى كموزع انا اتذكر اخر البوم لحميد الشاعرى غناه ووزعه كان كله الوان موسيقية وتوزيعات جديدة...

المشاركة الأصلية كتبت بواسطة micromoud

حميد الشاعرى واحد مالناس اللى قدر يوصل الموسيقى العربيه للعالميه بأدواته المحدوده وكان واحد مالناس اللى ساهموا باحياء التراث القديم واعادة توزيعه بشكل جديد .. وبالنسبة لسؤالك الاخير الاجابة عليه ايه هو التجديد فى وجهة نظرك واللى يخليك تسمع اغنيه لحميد الشاعرى كموزع انا اتذكر اخر البوم لحميد الشاعرى غناه ووزعه كان كله الوان موسيقية وتوزيعات جديدة...

كلمة عالمية دى كبيرة أوى على حميد الشاعرى ....
يعنى لو رحت أمريكا وقلت لهم حميد حد هيعرفة؟؟!!

مش عشان عمرو دياب أخد جايزة ال Grammy award عشان مبيعات ألبوم من ألحان حميد الشاعرى يبقى حميد الشاعرى عالمى ....

عايز أقولك أنى لما كنت صغير كان حميد بالنسبة لى قيمة فنية كبيرة أوى و ألحانة وتوزيعاتة وألبوماتة دى كانت فعلآ بتبهرنى لغاية ما بدأت أسمع أغانى أجنبى ....

أكتشفت أن الأغانى الأجنبى أفضل مليووووووووووووون مرة من أغانى التمانينات فى كل حاااااااااجة
فى اللحن, الكلمات, التوزيع, التصوير ....

أنا متأكد أن حضرتك مابتسمعش أجنبى ....
جرب و هتلاقى الفرق رهيييييييييييب ....