الموضوع: سؤال محير جدا ارجو الكل يدخل يجاوب عليه بامانة ؟؟

اكيد طبعا مفيش حد في الدنيا كلها هيدفع دم قلبه في حاجه عشان ترجع تقوله انت اضحك عليك
ومكنش المفروض تعمل كده
طبعا هيضحك على نفسه ويفهم نفسه انه كع دم قلبه في حاجه تستاهل وانها الافضل وستبقى كذلك
يعني انا مش اشتري عربية مستعملة مثلا بالشئ الفلاني عشان بعد ما اخلص وامشي بها واحد يجي يقولي
ياعم انت عملت كده ليه حد يعمل كده هعمل ايه ساعتها اعيط ولا الطم ولا اروح انتحر
لا طبعا اللي هعمله اني هقوله بطل فتي واضطر اضحك على نفسي عشان اعيش :)

المشاركة الأصلية كتبت بواسطة no comment

موضوع فى الجون بصراحة ... وكان نفسى اعمل موضوع زيه من زمان .
شرفني جدا دخول حضرتك للموضوع وهو موضوعوك ياباشا متفرقش الموضوع لكل اعضاء المنتدى

التعصب الأعمى

تلاقى العضو راكب عربية ماركة معينة سواء كورى أو يابانى أو أوروبى او حتى صينى وطالع بيها السما وبيدافع عنها اكنها من انتاج مصانعنا الوطنية .
مش كدة وبس ... لا كمان بيدافع عن البلد المصنعة للعربية والمدرسة اللى متخرجة منها العربية
ههههههههههههههههه وربنا عندك حق بكل ده.
واتحولت مدارس تصنيع العربيات من مدرسة أوروبى وأمريكى ويابانى وكورى ... لمدرسة حكومى ومدرسة خاصة ومدرسة لغات ومدرسة مالتى ناشونال .
لا والدفاع عن تكنولوجيا العربيات بأستماتة كما لو كانت من ابتكار علمائنا ومهندسينا العباقرة المتخرجين من ازهى قلاع التعليم المصرى .
ده لو كانوا مصريين اللى اخترعوها واحنا عندنا انتماء مكناش هندافع عنها بأستماتة كدة .
وبدي عندك حق وحاجة استغرب لها فعلا اننا لحد النهاردة مفكرناش نصنع توكتوك حتى متعرفش هلا لان الخامات غالية عنا ولا ده علشان التكلفة هتكون اكثر ولا قلة كفاءة وضمير وكمان التعليم معظمه بمصر نظري يعني مفيش امكانيات والحمد لله لبذخ التعليم بس في لحجات تانية استهلاكية حلو اوي .

ونيجى بقى للجانب الآخر وهو التقليل من شأن العربيات الآخرى والكلام عنها كما لو كانت توكتوك بأربع عجلات ومترخص عربية ملاكى .
والآغرب احيانا بيكون الانتقاد قائم عن السمع فقط وعدم الالمام بكافة المعلومات عن العربية اللى بينتفقدها .
ومواضيع المقارنات دى بتسخن وتلاقى الاعضاء كل واحد مصمم على رايه وبيطلع مميزات الصناعة اللى بيحبها وعيوب الصناعة اللى مبيحبهاش .
مش غلط ابدا ان اللي يشوف عيب في موديل ركبه مش شرط امتلكه يقوله وده مش بيقلل من قيمة مالك العربية فمفيش داعي للهجوم المضاد

وبتضيع الموضوعية فى المناقشة .

فيها ايه يعنى لما نعترف بأن الصناعة الكورى مثلاً مجتهدة وبدأت تاخد مكانتها فى
العالم ويكفى انهم مقعدوش يتفرجوا ويركبوا فقط زينا وعملوا صناعة مفخرة ليهم بامكانيات واسعار مناسبة وان كانت بتوصلنا برضوا غالية عن قيمتها اللى المفروض توصلنا بيها.
اضيف على كلام سيادتك انها هتبدا تسحب السوق من شركات عريقة كثير جدا بس بفئة معينة وشريحة معينة من العربيات بس متبدأش تستهبل باسعارها كمان زي اللي بيحصل دلوقتي عندنا وانها تقدر الناس ومتنزلش كل وسائل الامان ببلد علشان تحاول تنافس بالسعر والمواصفات وتيجي علينا وتدينا نص عربية على ما تفرج!!!
وفيها ايه لما نعترف بأن اصل صناعة العربيات مثلاً اوروبى وان ليهم السبق فى تكنولوجيا تصنيع العربيات فى العالم فى مقابل اسعارعالية وسوق بيع ضعيف مقارنتا بغيرهم اللى بدأوا يسحبوا البساط من تحت رجلهم وان كانت عربياتهم اكثر جودة .
دي محدش جادل فيها ياباشا ودي حقيقة بالاخص الالماني والايطالي ولا ننسى السويدي حبيبتنا الفولفو ملكة الامان بالعربيات من وجهة نظري
وليه كل واحد لما بيستخدم مبدأ value for money بالنسباله ميحاولشى يزود اوينتقص من من مميزات عربيتة وعيوب عربيات الآخرين .*
ودي طبعا الغالي ثمنه فيه بالنسبة للعربيات وكل شي بس مش الكل يقدر يجيب الغالي يعني انا طالع عيني اني اجيب عربية بي ام او اودي زيرو المرة دي بس ده كلام بعيد عني فلكدة افضل اني اجيب كوري كاش 3 سنين لحد ما ربنا يكرمنا . ولا اتذل بقسط لحد لو بجنيه ودي وجهات نظر

اشكر حضرتك على المشاركة الجميلة واستمتعت جدا بتشريفك وردك

.

المشاركة الأصلية كتبت بواسطة mr_vampire

عشان العربيات عندنا مش سهلة..... وعشان كلنا تعبنا لحد ماحوشنا تمنها وتعبنا لف ودوران وبحث وتدقيق في ايه النوع اللي يستاهل و هرمي فيه شقي عمري فبعد ده كله بيبقي صعب تقتنع ان كل تفكيرك وتدقيقك ولفك ودوران وكله علي مفيش.
طب ماشي كل الكلام ده صحيح بس هل معنى ده نهاجم الناس اللي بتقول ان الموديل اللي معانا فيه مشكلة كذا مع ان المصلحة واحدة بالنهاية ياباشا وبتكون مرجع للمالك اللي زعلان ومنرفز قبل ما تكون لصاحب الموضوع اللي معاه عربية تانية . ولا ايه رايك مين اللي هيستفيد انه يعرف عيوب عربيته اكثر بالحالة دي؟


فالخليج مثلا تلاقيهم بينتقدو نوع معين ويقولو عليه ميستاهلش الفلوس اللي دفعتها فيه لانه عنده غيرها وفي مقدرته يجيب نوع اعلي منها. زي واحد معاه بورش كاريرا وفيراري بيقول البورش ثباتها وحش هههههههههه انما احنا نقول اكيييييييييد اللي صنعوها مبيهزروش واكيييييييييييد العيب فيا انا....
ههههههههههههههههههههههه
انما احنا اللي راكب 128 بيقولو عالبي ام لووووووووووو اتعرضت عليا ببلاش مش هاخدها ههههههههههههه . زي واخد اعرفه معاه 128 مقتنع تماما ان مفيش عربية لا بعدها ولا قبلها فكان بيقول لو اتعرض عليا بي ام او مرسيدس ببلااااااااااااااااااش مش هاخدها . ناقص انا وجع دماغ وتوكيل وقطع غيار وبنزين .... مع اني عارف ان لو فيه مسابقة ( اربح البي ام .... هيكون في اول الصف ) طب اكسبها وبيعها وهات كل الوان ال 128 عشق حياتك الاول والاخير هههههههههههه
ههههههههههههههه طب ما عنده حق يا باشا بجد يعني هو هيدفع ثمن قطعتين غيار بثمن عربية 128 فصفقة خسرانة اكيد هههههههههههههههههه


120 الف جنيه يركبك كوري وفالخليج يركبوك الماني وامريكي واوروبي ....
كلام سليم وتتسأل عنه الحكومة المبالغة جدا في الضريبة مش عارف لو في منتج محلي يعني وعايزة تحميه كان ده مبرر بس ميكنش في منتج محلي طب ليه الضريبة بالنسبة دي متسألش
فعلا وحقا وصدقا .... نحن شعب مكااااااااااااااافح

تحياتي يا كفحتجية.........

تحياتي لحضرتك على ردودك الجميلة واهلا بيك يا ملك الكفحتجية ؟؟؟ كلام بسرك اول مرة قريتها كفتجية هههههههه وقلت الراجل داخل فينا شمال ليه كده بس الحمد لله قريتها مرة تانية واهلا بيك